"സിങ് ഹല്ലേലുയ്യ 2020 " പ്രോഗ്രാം ടിക്കറ്റ് കിക്കോഫ് ഫെബ്രുവരി 15ന്
Mail This Article
ന്യൂജഴ്സി∙ സാധക സ്കൂൾ ഓഫ് മ്യൂസിക്കിന്റെ ഭാഗമായ സാധക മ്യൂസിക് ബാൻഡ് സംഘടിപ്പിക്കുന്ന സംഗീത സായാഹ്ന പരിപാടി "സിങ് ഹല്ലേലുയ്യ 2020 " പ്രോഗ്രാമിന്റെ ഔദ്യോഗിക ടിക്കറ്റ് കിക്കോഫ് ഫെബ്രുവരി 15 ശനിയാഴ്ച വൈകിട്ട് അഞ്ചര മണിക്ക് ആർഡിസ്ലെയിലെ സെന്റ് ബർണബാസ് ദേവാലയത്തിൽ അരങ്ങേറും
ട്രൈസ്റ്റേറ്റ് മേഖലയിലെ കലാ, സാമൂഹിക , സാംസ്കാരിക മേഖലകളിലെ പൗര പ്രമുഖർ പങ്കെടുക്കുന്ന ഈ ചടങ്ങിലേക്ക് എല്ലാവരെയും സ്വാഗതം ചെയ്യുന്നതായി ഡയറക്ടർ ശ്രീ കെ ഐ അലക്സാണ്ടർ അറിയിച്ചു
ലൈവ് ഓർക്കസ്ട്രയുടെ അകമ്പടിയോടു കൂടി ഏപ്രിൽ 4 ശനിയാഴ്ച വൈകിട്ട് അഞ്ചു മണിക്ക് റോക്ലാൻഡ് കൗണ്ടിയിലുള്ള എബനേസർ ഫുൾ ഗോസ്പൽ അസംബ്ലി ചർച്ച് ഓഡിറ്റോറിയത്തിൽ ക്രമീകരിച്ചിരിക്കുന്ന "സിങ് ഹല്ലേലുയ്യ 2020 " പ്രോഗ്രാമിൽ സാധകയുടെ ഭാവി വാഗ്ദാനങ്ങളായ കുരുന്നുപ്രതിഭകളും മറ്റു കൊയർ ഗ്രൂപ്പുകളും ഗാനാപനങ്ങൾക്കു നേതൃത്വം കൊടുക്കും
കിഡ്നി സംബന്ധമായ രോഗബാധിതരേയും, ഡയാലിസിസ് രോഗികൾക്കും കൈത്താങ്ങാകുന്നതിനു ലക്ഷ്യമിട്ടാണ് സാധക മ്യൂസിക് ബാൻഡ് ഈ പ്രോഗ്രാം അവതരിപ്പിക്കുന്നത്
റവ ഫാദർ ഡേവിസ് ചിറമേൽ വിഭാവനം ചെയ്ത കാരുണ്യസ്പർശം എന്ന പദ്ധതിയുടെ ഭാഗമായാണ് "സിങ് ഹല്ലേലുയ്യ 2020 " പ്രോഗ്രാം സംഘടിപ്പിച്ചിരിക്കുന്നത്
ട്രൈസ്റ്റേ മേഖലയിലെ ന്യൂജേഴ്സി , ന്യൂയോർക്, PA സ്റ്റേറ്റുകളിൽ അനവധി സംഗീത ക്ലാസ്സുകളും, സ്റ്റേജ് പരിപാടികളും അവതരിപ്പിച്ചിട്ടുള്ള സാധകയ്ക്കു എല്ലാ അഭ്യുദയകാംഷികളും നൽകിവരുന്ന സഹായസഹകരണങ്ങൾക്കും നന്ദി പ്രകാശിപ്പിക്കുന്നതിനൊപ്പം , "സിങ് ഹല്ലേലുയ്യ 2020 " പ്രോഗ്രാം ടിക്കറ്റ് കിക്കോഫ് വിജയിപ്പിക്കണത്തിനായി ഫെബ്രുവരി 15 ശനിയാഴ്ച വൈകിട്ട് അഞ്ചരയ്ക്ക് ആർഡിസ്ലെയിലെ സൈന്റ്റ് ബർണബാസ് ദേവാലയത്തിൽ നടക്കുന്ന പരിപാടിയിലേക്ക് എല്ലാവരും മുന്നോട്ടു വരണമെന്നും സംഘാടകർ അറിയിച്ചു
കൂടുതൽ വിവരങ്ങൾക്ക്
കെ.ഐ അലക്സാണ്ടർ (267 632 1557)