കോവിഡ് 19: തല കുനിക്കാതെ പ്രതിരോധത്തിന്റെ പടയൊരുക്കവുമായി ന്യൂജഴ്സി
Mail This Article
ന്യൂജഴ്സി ∙ 3,649 പുതിയ കോവിഡ് 19 കേസുകളും 91പുതിയ മരണങ്ങളും ഉണ്ടായെങ്കിലും കര്ശന സുരക്ഷാ സംവിധാനമൊരുക്കി ന്യൂജഴ്സി സംസ്ഥാനം. കഴിഞ്ഞ 24 മണിക്കൂറിനുള്ളില് സംസ്ഥാനത്തെ മൊത്തം കേസുകളുടെ എണ്ണം 22,000 ത്തില് അധികമായി. മരണസംഖ്യ 355 ആയി ഉയര്ന്നു. ന്യൂജഴ്സിയില് ഈ ആഴ്ചയുടെ തുടക്കത്തില് 160 ഓളം കോവിഡ് 19 മരണങ്ങളാണ് സംഭവിച്ചത്. അതേസമയം, കൂപ്പര്സ് പോയിന്റ് വാട്ടര്ഫ്രണ്ട് പാര്ക്കിലെ കാംഡന് കൗണ്ടിയിലെ ആദ്യത്തെ കോവിഡ് 19 ടെസ്റ്റിംഗ് സൈറ്റ് ബുധനാഴ്ച ഉച്ചയ്ക്ക് തുറന്നു. ഇവിടെ ഡോക്ടറുടെ റഫറല് ഉള്ളവരെ പരിശോധിക്കുന്നു.
കൂടുതല് ടെസ്റ്റിംഗ് സൈറ്റുകള് പോപ്പ് അപ്പ് ചെയ്യുന്നത് തുടരുമ്പോള്, ന്യൂജേഴ്സിയിലെ രോഗികളുടെ വർധനവിൽ സഹായിക്കാനായി കൂടുതല് മെഡിക്കല് പ്രൊഫഷണലുകള്ക്കു വേണ്ടിയുള്ള ശ്രമത്തിലാണ് സംസ്ഥാനം. ഇതുവരെ 5,200 ല് അധികം ആരോഗ്യ പ്രവര്ത്തകര് സന്നദ്ധസേവനം നടത്തിയിട്ടുണ്ട്. അവരില് പലരും ആര്മി കോര്പ്സ് ഓഫ് എഞ്ചിനീയര്മാര് സ്ഥാപിക്കുന്ന ഫീല്ഡ് ഹോസ്പിറ്റലുകളില് ജോലി ചെയ്യുമെന്ന് സംസ്ഥാന ആരോഗ്യ ഉദ്യോഗസ്ഥര് പറയുന്നു.
ആരോഗ്യ പരിപാലന തൊഴിലാളികള്ക്കും ആശുപത്രികള്ക്കും കൂടുതല് സൗകര്യങ്ങള് നല്കാന് തീരുമാനിച്ചിട്ടുണ്ട്. പ്രാക്ടീസ് ആവശ്യകതകളുടെ വ്യാപ്തി ഒഴിവാക്കുന്നതിനും ഇത്തരക്കാര്ക്കു കൂടുതല് പ്രതിരോധശേഷി നല്കുന്നതിനും നിര്ദ്ദേശം നല്കുന്ന എക്സിക്യൂട്ടീവ് ഉത്തരവില് ഗവര്ണര് മര്ഫി ഒപ്പിട്ടു.
സാമൂഹിക അകലം പാലിക്കുന്നതിനുള്ള കോളുകള് തുടരുന്നു. വ്യക്തിപരമായ അപേക്ഷയില്, ന്യൂജഴ്സി സ്റ്റേറ്റ് പൊലീസ് സൂപ്രണ്ട് തന്റെ മകള് ജൂണില് വിവാഹിതയാകാന് ആഗ്രഹിച്ച ചില വാര്ത്തകള് പങ്കുവെച്ചു. 'കഴിഞ്ഞ രാത്രി അവളുടെ കല്യാണം നീട്ടിവെക്കുകയാണെന്ന് ഞങ്ങള്ക്ക് അവളെ വിളിച്ച് അറിയിക്കേണ്ടിവന്നു. അതൊരു എളുപ്പമുള്ള കാര്യമായിരുന്നില്ല. അവളുടെ ഹൃദയമിടിപ്പ് നന്നായി ഞങ്ങള്ക്കു കേള്ക്കാമായിരുന്നു. എന്നാല് ഇത് എത്രത്തോളം പ്രധാനമാണെന്ന് ഞങ്ങള് അവളെ അറിയിച്ചു'– കേണല് പാട്രിക് കാലാഹന് പറഞ്ഞു.
ന്യൂജഴ്സിയുടെ ആദായനികുതി സമയപരിധി ഏപ്രില് 15 മുതല് ജൂലൈ 15 വരെയും സംസ്ഥാന ബജറ്റ് സമയപരിധി ജൂണ് 30 മുതല് സെപ്റ്റംബര് 30 വരെയുമായിരിക്കുമെന്ന് മര്ഫിയും നിയമസഭാ നേതാക്കളും ബുധനാഴ്ച പ്രഖ്യാപിച്ചു. സ്കൂളുകള്, പബ്ലിക് പെന്ഷനുകള്, ന്യൂജഴ്സി ട്രാന്സിറ്റ് എന്നിവയ്ക്കുള്ള ചെലവ് വർധിപ്പിക്കണമെന്ന് ആവശ്യപ്പെടുന്ന 40.9 ബില്യണ് ഡോളര് ചെലവ് പദ്ധതി മര്ഫി മുന്നോട്ടുവച്ചിരുന്നുവെങ്കിലും വൈറസ് സംസ്ഥാന ധനകാര്യത്തില് ചെലുത്തുന്ന സാമ്പത്തിക ആഘാതം കുത്തനെ ഉയര്ത്തി. ഇപ്പോഴത്തെ സാഹചര്യത്തില് ഫെഡറല് സര്ക്കാരില് നിന്ന് സംസ്ഥാനത്തിന് കഴിയുന്നത്ര പണം ആവശ്യമായി വരും, മര്ഫി പറഞ്ഞു. ഫെഡറല് സര്ക്കാരുകളില് നിന്ന് സംസ്ഥാനത്തിന് 350 പുതിയ വെന്റിലേറ്ററുകള് ലഭിച്ചു, സംസ്ഥാനത്തൊട്ടാകെയുള്ള പുതിയ ഉപകരണങ്ങള്ക്കു പുറമേ 650 എണ്ണം ഇപ്പോഴുണ്ടെന്നു ഗവര്ണര് പറഞ്ഞു. നിലവിലെ സാഹചര്യത്തില് ഫെഡറല് ഉദ്യോഗസ്ഥരില് നിന്ന് സംസ്ഥാനത്തിന് 2,300 വെന്റിലേറ്ററുകള് ആവശ്യമാണ്, മര്ഫി പറഞ്ഞു.
കടല്ത്തീര റിസോര്ട്ടില് പ്ലേ ഓഫുകള് നടത്തുന്നത് എന്ബിഎ പരിഗണിക്കുന്നതായി അറ്റ്ലാന്റിക് സിറ്റി മേയര്. പ്ലേ ഓഫുകള് ഹോസ്റ്റുചെയ്യുന്നതിനായി ലാസ് വെഗാസ്, ഒര്ലാന്ഡോ, ഹവായ്, ലൂയിവില് എന്നിവ പരിഗണനയിലാണെന്നും റിപ്പോര്ട്ടില് പറയുന്നു. പ്രതിരോധ പ്രവര്ത്തനങ്ങളും സുരക്ഷയും ശക്തമാണെങ്കിലും പലേടത്തും സ്ഥിതി വ്യത്യസ്തമാണെന്നാണ് റിപ്പോര്ട്ട്. ആശുപത്രി മേഖലയില് പ്രവര്ത്തിക്കുന്നവരിലേറെയും രോഗബാധയുടെ നിഴലിലാണ്. ക്വാറന്റൈന് രീതിയിലേക്ക് മാറാന് അവരുടെ ജോലിത്തിരിക്ക് അനുവദിക്കില്ലെന്നതാണ് യാഥാർഥ്യം. നോര്ത്ത് ജേഴ്സി നേഴ്സിങ്ങ് ഹോമില് എട്ടു പേര് മരിച്ചതോടെ അവരുടെ കുടുംബാംഗങ്ങള് കടുത്തഭീതിയിലായി. സര്ക്കാരും വകുപ്പുകളും പല പരിഷ്ക്കാരങ്ങളും നടപ്പിലാക്കുന്നുണ്ടെങ്കിലും മതിയായ ശ്രദ്ധ കിട്ടാതെ പലരും മരണത്തിനു കീഴടങ്ങുന്നതായി ഹെല്ത്ത് കെയര് കണ്സള്ട്ടന്റ് ഡോ. രാജു കുന്നത്ത് അറിയിച്ചു.
ലോക്ക്ഡൗണ് ചെയ്ത ലേക്ക്ലാന്ഡ് ഹെല്ത്ത് കെയര് സെന്ററില് കൊറോണ വൈറസിന്റെ ഉറവിടമുണ്ടോയെന്ന ഭീതിയിലാണ് ഇവര്. നവജാത ശിശുക്കളുടെ കാര്യമാണ് ഏറെ കഷ്ടം. ഗര്ഭിണിയായിരുന്നപ്പോള് ഐസലേഷന് വാര്ഡിലുണ്ടായിരുന്ന സ്ത്രീ അടുത്തിടെ സുഖപ്രസവം നടത്തിയെങ്കിലും കുട്ടിയെ കാണാനിതു വരെ കഴിഞ്ഞിട്ടില്ല. വൂര്ഹീസ് വെര്ച്വ ഹോസ്പിറ്റലിലെ കണ്ണീരണിയിക്കുന്ന രംഗങ്ങള് നഗരത്തിലെ വിവിധ ആശുപത്രികളില് അരങ്ങേറുന്നതായി വാര്ത്തയുണ്ട്. ന്യൂജഴ്സിയിലെ വിവിധ ആശുപത്രികളില് രോഗികളുടെ ആധിക്യം മൂലം പലേടത്തും അഡ്മിഷന് നല്കാതെയായി. ടീനെക്കിലെ ഹോളിനെയിം മെഡിക്കല് സെന്റര് ഉള്പ്പെടെ എട്ടോളം ആശുപത്രികളില് സമാന സംഭവമുണ്ടായെന്ന് റിപ്പോര്ട്ടുണ്ട്. മതിയായ ആരോഗ്യസംവിധാനങ്ങള് ഇല്ലാത്തതിനു പുറമേ ആശുപത്രി സ്റ്റാഫുകളില് പലര്ക്കും കൊവിഡ് 19 ബാധിച്ചതും പ്രശ്നം രൂക്ഷമാക്കുന്നു.
സ്കൂളുകള് അടച്ചു പൂട്ടിയെങ്കിലും ഓണ്ലൈന് ക്ലാസുകള് നടക്കുന്നുണ്ട്. കുട്ടികളുടെ പിറന്നാള് ആഘോഷങ്ങള് കൊറോണ മൂലം നടത്താന് കഴിയാത്ത സാഹചര്യത്തില് ന്യൂജഴ്സിയിലുള്ള ഗ്രീറ്റിങ് കമ്പനി അവരുടെ സഹായത്തിനെത്തിയിട്ടുണ്ട്. കാര്ഡ് മൈ യാര്ഡ് എന്ന കമ്പനിക്ക് ഓണ്ലൈന് ഓര്ഡര് നല്കിയാല് അവര് ആവശ്യപ്പെടുന്ന സാധനങ്ങള് വീട്ടിലെത്തിക്കുമെന്ന് അറിയിച്ചിട്ടുണ്ട്. പോസ്റ്റല് സര്വീസ് ഡിപ്പാര്ട്ട്മെന്റിലും രോഗബാധിതരുടെ എണ്ണം വളരെ കൂടുതലാണ്. ഏകദേശം 2000 യുഎസ് പോസ്റ്റല് വര്ക്കേഴ്സ് ക്വാറന്റീനിലാണ്.
അതേസമയം, തോക്കു വില്ക്കുന്ന കടകള് അവശ്യവസ്തുക്കളുടെ പട്ടികയില് ഉള്പ്പെടുത്തിയതായി ഗവര്ണര് ഫില് മര്ഫി പറഞ്ഞു. കാര് ഡീലേഴ്സ്, ബ്രൂവറീസ്, റിയല് എസ്റ്റേറ്റ് ഏജന്റ്സ് എന്നിവര് ലോക്ക് ഡൗണ് സമയത്ത് ഏതു വിധത്തില് പ്രവര്ത്തിക്കണമെന്നു സംബന്ധിച്ചു മാര്ഗനിര്ദ്ദേശങ്ങള് പുറത്തിറക്കിയിട്ടുണ്ട്. കാര് വാങ്ങാന് താത്പര്യമുള്ളവര് അറിയിച്ചാല് കാര് വീട്ടുപടിക്കലെത്തും. നോക്കിയിട്ട് ഡീല് ഇഷ്ടപ്പെട്ടില്ലെങ്കില് ഒരു പ്രശ്നവുമില്ല, അവര് തിരികെ പൊയ്ക്കോളും.
ന്യൂജഴ്സി ആസ്ഥാനമായ ജോണ്സണ് ആന്ഡ് ജോണ്സണ് കൊറോണ വാക്സിന് നിര്മ്മിക്കാന് തയാറായിട്ടുണ്ടെന്നും ഈ സെപ്തംബറോടെ അതു മനുഷ്യരില് പരീക്ഷിക്കാനുള്ള ശ്രമത്തിലാണെന്നും അറിയിച്ചിരിക്കുന്നു. അടുത്ത വര്ഷം മുതല് വിപണിയില് അവതരിപ്പിക്കാന് കഴിയുമെന്നും അവര് വ്യക്തമാക്കി. എന്നാല് ഇതിനോട് സര്ക്കാര് വൃത്തങ്ങള് പ്രതികരിച്ചിട്ടില്ല. പകര്ച്ചവ്യാധി ആഭ്യന്തര കലഹത്തിന് കാരണമാകുമെന്ന് ചില ആളുകള് ഭയപ്പെടുന്നതോടെ തോക്ക് വില്പ്പന കുതിച്ചുയരുകയാണ്. മുന്കാലങ്ങളില്, തോക്ക് വാങ്ങല് നിയന്ത്രണങ്ങളെക്കുറിച്ചുള്ള ഭയവും ഇപ്പോഴത്തെ തോക്ക് വില്പ്പനയിലെ കുതിച്ചുചാട്ടത്തിന്റെ പ്രധാന പ്രേരകമാണ്, ഇത് കൂട്ട വെടിവയ്പിന്റെയും ഭീകരാക്രമണത്തിന്റെയും പ്രത്യാഘാതങ്ങളെ മറികടക്കുമെന്നാണ് പലരും കരുതുന്നത്. അമേരിക്കക്കാര് പലചരക്ക് കടകളില് ടിന്നിലടച്ച ബീന്സ്, ടോയ്ലറ്റ് പേപ്പര് തുടങ്ങിയ ഗാര്ഹിക അവശ്യവസ്തുക്കള് ശേഖരിക്കുന്നതിനിടയിലും അവശ്യവസ്തു എന്ന നിലയില് തോക്കുകളും വാങ്ങാന് സമയം കണ്ടെത്തുകയാണ്.
ഗ്രോസറി ചെയ്ന് ഷോപ്പായ ഷോപ്പ്റൈറ്റില് ഒരു സമയം പരമാവധി അഞ്ചു പേര്ക്കു മാത്രമേ ഷോപ്പിങ്ങിന് അവസരമുണ്ടാകു എന്നറിയിച്ചിട്ടുണ്ട്. അവരുടെ ഷോപ്പിങ് സെന്ററിലെ അഞ്ചോളം പേര്ക്ക് കൊറോണ ബാധിച്ചതിനെത്തുടര്ന്നാണ് ഈ നീക്കം. പാഴ്സിപ്പനിയിലെ ഷോപ്റൈറ്റില് എപ്പോഴും തിരക്കോടു തിരക്ക് തന്നെ. ഓറഞ്ച് ടൗണ്ഷിപ്പില് വെല്കെയര് ഫാര്മസി ഉടമയായ ജെയിംസ് ജോര്ജ് ഹാന്ഡ് സാനിറ്റൈസര്, എന്95 മാസ്കുകള്, സര്ജിക്കല് മാസ്കുകള് എന്നിവ മിതമായ നിരക്കില് വാഗ്ദാനം ചെയ്ത് സമൂഹത്തെ സഹായിക്കാനൊരുങ്ങുന്നു. കൊറോണ പ്രതിരോധത്തിന് ആവശ്യമുള്ള ധാരാളം സാധനങ്ങള് വന്നതായി അദ്ദേഹം പറഞ്ഞു. താല്പ്പര്യമുള്ളവര് (ജയിംസ് ജോര്ജ്) (862)444-3632 അല്ലെങ്കില് (973) 678-3429 എന്ന നമ്പറില് ബന്ധപ്പെടുക.