കെഎംസിസി യുഎസ്എ-കാനഡ ചാപ്റ്ററിന് രാഹുലിന്‍റെ പ്രശംസ
Mail This Article
ടൊറന്‍റോ∙ കോവിഡ് മഹാമാരി വേളയില്‍ ലോകമെമ്പാടും കേരള മുസ്‌ലിം കള്‍ച്ചറല്‍ സെന്‍റര്‍ (കെഎംസിസി) ചെയ്തുവരുന്ന മാനുഷികവും സാമൂഹികവുമായ സേവനങ്ങള്‍ക്ക് രാഹുല്‍ ഗാന്ധി എംപിയുടെ പ്രശംസ. ആരോഗ്യപ്രവര്‍ത്തകര്‍ ഉള്‍പ്പെടെ കോവിഡ് പ്രതിരോധയജ്ഞത്തില്‍ സജീവമായവര്‍ക്ക് പ്രയോജനപ്പെടുംവിധം ഉപകരണങ്ങളും മറ്റും ലഭ്യമാക്കിയത് ഇക്കൂട്ടത്തില്‍ എടുത്തുപറയേണ്ടതാണെന്നും കെഎംസിസി യുഎസ്എ-കാനഡ ചാപ്റ്ററിന് അയച്ച സന്ദേശത്തില്‍ ചൂണ്ടിക്കാട്ടി.
'ഈ പ്രതിസന്ധി ഘട്ടത്തില്‍ വ്യക്തികളും സംഘടനകളും ചെയ്യുന്ന സഹായങ്ങള്‍ ആവശ്യക്കാരില്‍ എത്തുന്നതില്‍ ആഹ്ളാദമുണ്ട്. പ്രാദേശിക സമൂഹത്തിലും രാജ്യാന്തര വിദ്യാര്‍ഥികള്‍ക്കിടയിലും കെഎംസിസി ചാപ്റ്റര്‍ നടത്തിവരുന്ന പ്രവര്‍ത്തനങ്ങളും അഭിനന്ദനാര്‍ഹമാണ്. എല്ലാവരുടെയും കൂട്ടായ പ്രവര്‍ത്തനങ്ങളും പിന്തുണയുമാണ് ഈ മഹാമാരിക്കെതിരെയുള്ള പോരാട്ടത്തില്‍ അവശ്യം. ആഗോളതലത്തിലും കെഎംസിസി തുടരുന്ന കാരുണ്യപ്രവൃത്തികള്‍ മാതൃകാപരമാണ്.'
ഈദ് ആശംസകള്‍ നേര്‍ന്ന രാഹുല്‍ ഗാന്ധി, മാതൃകാപരമായ പ്രവൃത്തികള്‍ തുടരാനും ആഹ്വാനം ചെയ്തു.
