sections
MORE

കെസിസിഎന്‍എ ടെക്സസ് റീജിയണല്‍ കണ്‍വന്‍ഷന്‍ ഓഗസ്റ്റ് 27, 28 തിയതികളില്‍

kccna-convention-news1
SHARE

ഹൂസ്റ്റൻ ∙ കെസിസിഎന്‍എ ടെക്സസ് റീജിയന്‍റെ ആഭിമുഖ്യത്തില്‍ ഓഗസ്റ്റ് 27, 28 തിയതികളില്‍ ഹൂസ്റ്റൻ ക്നാനായ കാത്തലിക് സൊസൈറ്റി, ഡാലസ് ക്നാനായ അസോസിയേഷന്‍, സാന്‍ അന്‍റോണിയോ ക്നാനായ കാത്തലിക് സൊസൈറ്റി എന്നിവരുടെ ആതിഥേയത്വത്തില്‍ ബര്‍ണറ്റ് ടെക്സാസില്‍വെച്ച് റീജിയണല്‍ കണ്‍വന്‍ഷന്‍ സംഘടിപ്പിക്കുന്നു. ബര്‍ണറ്റിലുള്ള അതിമനോഹരമായ ബക്കനര്‍ ക്യാംപ് സെന്‍ററില്‍ വച്ച് നടക്കുന്ന (Camp Buckner, 3835 FM 2342 BURNET, TX) ഈ റീജിയണല്‍ കണ്‍വന്‍ഷനില്‍ ടെക്സാസ് റിജീയണലിലെ മുഴുവന്‍ ക്നാനായ സമുദായാംഗങ്ങള്‍ക്കും ഒത്തുചേരുന്നതിനും സൗഹൃദം പങ്കിടുന്നതിനുമായി വിവിധങ്ങളായ പരിപാടികള്‍ കെസിസിഎന്‍എയുടെ ആഭിമുഖ്യത്തില്‍ സംഘടിപ്പിക്കുന്നു. 

കോവിഡിന്‍റെ നീരാളിപ്പിടുത്തത്തില്‍നിന്നും വിമുക്തതരായ ഈ അവസരത്തില്‍ ടെക്സസ് റീജിയണിലുള്ള ക്നാനായക്കാര്‍ക്ക് ഒത്തുചേരുവാന്‍ ലഭിച്ച ഈ അസുലഭ സന്ദര്‍ഭം എല്ലാവരും വിനിയോഗിക്കണമെന്ന് കെസിസിഎന്‍എ പ്രസിഡന്‍റ് സിറിയക് കൂവക്കാട്ടില്‍ അഭ്യർഥിച്ചു. കുട്ടികള്‍ക്കും മുതിര്‍ന്നവര്‍ക്കും സ്ത്രീകള്‍ക്കും യുവജനങ്ങള്‍ക്കുമായി വളരെയധികം പരിപാടികള്‍ ആണ് ഈ രണ്ടുദിവസത്തെ കണ്‍വന്‍ഷനില്‍ ഒരുക്കിയിരിക്കുന്നതെന്ന് റിജീയണല്‍ കണ്‍വന്‍ഷന്‍റെ കോര്‍ഡിനേറ്റേഴ്സായ ടെക്സസ് ആര്‍വിപി സാബു മുളയാനിക്കുന്നേലും ഡാലസ് ആര്‍വിപി ജൂഡ് കട്ടപ്പുറവും അറിയിച്ചു. 

kccna-convention-news

കണ്‍വന്‍ഷനില്‍ റജിസ്റ്റര്‍ ചെയ്യുവാന്‍ ഹൂസ്റ്റൻ എച്ച്കെസിഎസ് ഭാരവാഹികളുമായും ഡാലസ് കെസിഎ ഭാരവാഹികളുമായും സാന്‍ അന്‍റോണിയോ കെസിഎസ് ഭാരവാഹികളുമായും ബന്ധപ്പെടേണ്ടതാണ്. കൂടുതല്‍ വിവരങ്ങള്‍ക്ക്: സാബു മുളയാനിക്കുന്നേല്‍ (310 904 3081), ജൂഡ് കട്ടപ്പുറം (817 874 5296), സിറിയക് കൂവക്കാട്ടില്‍ (630 673 3382), ജോണ്‍ കുസുമാലയം (845 671 0922), ലിജോ മച്ചാനിക്കല്‍ (917 359 5649), ജയ്മോന്‍ കട്ടിണശ്ശേരിയില്‍ (813 502 3447) എന്നിവരുമായി ബന്ധപ്പെടേണ്ടതാണ്. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN US
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

കേക്കുന്നുണ്ടോ, ഓണത്തിനും കേക്കായി!

MORE VIDEOS
FROM ONMANORAMA