ADVERTISEMENT

ഹൂസ്റ്റൺ ∙ ജനോപകാരപ്രദവും ജനപ്രിയവും ആയ ഒട്ടേറെ പരിപാടികളുമായി മുന്നേറുന്ന മാഗിന്റെ ഈ വർഷത്തെ ഭരണസമിതി പടിയിറങ്ങാൻ ഒരുങ്ങുമ്പോൾ തൊപ്പിയിൽ ഒരു പൊൻതൂവൽ കൂടി. 'മാഗ്  ആർട്സ് ക്ലബ്' പ്രവർത്തനമാരംഭിച്ചു. ആർട്സ് ക്ലബ് ഉദ്ഘാടനം ചെയ്യുവാൻ നടനും കലാകാരനും കൂടിയായ പാലാ എംഎൽഎ മാണി സി.കാപ്പൻ എത്തിയപ്പോൾ അത് ഇരട്ടി മധുരമായി മാറി. മാഗിന്റെ ആസ്ഥാന കേന്ദ്രമായ കേരളാ ഹൗസിൽ നവംബർ 21 ന് ഞായറാഴ്ച വൈകുന്നേരം 5 മണിക്കായിരുന്നു ഉദ്ഘാടന സമ്മേളനം. 

magh-2

ഒട്ടേറെ പ്രതിഭാ സമ്പന്നരായ കലാകാരന്മാരാലും കലാകാരികളാലും സമ്പന്നമായ ഹൂസ്റ്റണിലെ പ്രവാസികളുടെ ചിരകാല അഭിലാഷമായിരുന്ന മാഗ് ആർട്സ് ക്ലബ് പാലാ എം ൽ എ മാണി. സി.കാപ്പൻ പ്രൗഢഗംഭീരമായ സദസ്സിൽ നിലവിളക്ക് കൊളുത്തി ഉദ്ഘാടനം ചെയ്തു. ശ്രദ്ധേയമായ പ്രവർത്തനങ്ങൾ കേരളത്തിലും അമേരിക്കയിലും നടത്തി വരുന്ന 'മാഗിന്റെ' ആസ്ഥാന കേന്ദ്രമായ 'കേരളാ ഹൗസ്‌ ' സന്ദർശിക്കുന്നതിനും കലയെ പരിപോഷിപ്പിക്കുന്നതിനും കലാകാരന്മാരെയും കലാകാരികളെയും പ്രോത്സാഹിപ്പിക്കുന്നതിന് ആരംഭിക്കുന്ന മാഗ് ആർട്സ് ക്ലബിന്റെ ഉദ്ഘാടനം നടത്തുവാൻ അവസരം ലഭിച്ചത് ഒരു ഭാഗ്യമായി കരുതുന്നുവെന്നും എംഎൽഎ പറഞ്ഞു.          

ഇനി എല്ലാ ശനിയാഴ്ചകളിലും കലാകാരന്മാർക്ക് കേരള ഹൗസിൽ ഒത്തു കൂടി അവരുടെ കലാവിരുന്നുകൾ അവതരിപ്പിക്കാം എന്ന് ആർട്സ് ക്ലബ് രൂപീകരിക്കുന്നതിന് ചുക്കാൻ പിടിച്ച, ഹൂസ്റ്റണിലെ ഒരു ജനപ്രിയ കലാകാരൻ കൂടിയായ മാഗ് പ്രോഗ്രാം കോർഡിനേറ്റർ റെനി കവലയിൽ പറഞ്ഞു.

മാഗ് 2021 ഭരണസമിതിയുടെ ഈ വർഷത്തെ 28 - മത്തെ പരിപാടിയായിരുന്നു മാഗ് ആർട്സ് ക്ലബ് ഉദ്ഘാടനവും മാണി.സി. കാപ്പൻ എംഎൽഎയ്ക്കുള്ള സ്വീകരണവും.  പ്രസിഡന്റ്  വിനോദ് വാസുദേവൻ അധ്യക്ഷത വഹിച്ച സമ്മേളനത്തിൽ സെക്രട്ടറി ജോജി ജോസഫ് സ്വാഗതം ആശംസിച്ചു.

ട്രഷറർ മാത്യു കൂട്ടാലിൽ മുഖ്യാതിഥിയെ സദസിനു പരിചയപ്പെടുത്തി. മാർട്ടിൻ ജോൺ,ശശിധരൻ നായർ, ജി കെ പിള്ള, ഡോ.രഞ്ജിത് പിള്ള ,എസ്‌.കെ  ചെറിയാൻ, ജയിംസ് കൂടൽ എന്നിവർ ആശംസ പ്രസംഗം നടത്തി. ട്രസ്റ്റി ബോർഡ്  ചെയർമാൻ ജോഷ്വ ജോർജ്‌, വൈസ് പ്രസിഡന്റ് സൈമൺ വാളച്ചേരിൽ, മുൻ പ്രസിഡന്റ് സാം ജോസഫ്, ബോർഡ് മെമ്പർ രമേശ് അത്തിയോടി എന്നിവരും ചടങ്ങിൽ പങ്കുചേർന്ന് ചടങ്ങു ഉജ്ജ്വലമാക്കി.   

വിനു ചാക്കോ, ജയൻ  അരവിന്ദാക്ഷൻ എന്നിവർ ശ്രുതിമധുരമായ ഗാനങ്ങൾ ആലപിച്ചു. നൂപുര ഡാൻസ് സ്കൂൾ നടത്തിയ നൃത്തശിൽപം ചടങ്ങിനു വർണഭംഗിയേകി ,

മാഗ് പിആർഒ ഡോ .ബിജു പിള്ള നന്ദി പറഞ്ഞു. പ്രോഗ്രാം കോർഡിനേറ്റർ റെനി കവലയിൽ എംസി യായിരുന്നു. ചടങ്ങുകൾക്ക് ശേഷം വിഭവസമൃദ്ധമായ സ്നേഹവിരുന്നും ഉണ്ടായിരുന്നു. 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com