റിപബ്ലിക്കൻ പ്രൈമറിയിൽ ട്രംപ് പിന്തുണച്ച സ്ഥാനാർഥികൾക്ക് വിജയം
Mail This Article
വാഷിങ്ടൻ ഡി സി ∙ റിപബ്ലിക്കൻ പ്രൈമറിയിൽ ട്രംപ് പിന്തുണച്ച 96 ശതമാനം സ്ഥാനാർഥികള്‍ക്കും വിജയമെന്ന് ട്രംപിന്റെ മുൻ വക്താവ് ടെയ്‍ലർ ബുസോവിച്ച് വ്യക്തമാക്കി. ട്രംപിന്റെ നേതൃത്വത്തിലും നയപരിപാടികളിലും അമേരിക്കൻ ജനത വിശ്വാസമർപ്പിച്ചിരിക്കുന്നുവെന്നും ജനങ്ങളെ ഒറ്റ ചരടിൽ കോർത്തിണക്കുവാൻ കഴിയുന്ന ശക്തനായ നേതാവാണ് ട്രംപ് എന്നും അദ്ദേഹം വ്യക്തമാക്കി.
റിപബ്ലിക്കൻ പാർട്ടിയിൽ ട്രംപിന്റെ മേധാവിത്വത്തെ ചോദ്യം ചെയ്യുന്നതിനു കഴിവുള്ള ആരും തന്നെയില്ലെന്നും പ്രൈമറി തിരഞ്ഞെടുപ്പ് അതു തെളിയിച്ചിരിക്കുകയാണെന്നും ടെയ്‍ലർ പറഞ്ഞു. ഇന്ത്യാന, കെന്റക്കി, ടെക്സസ് തുടങ്ങിയ സംസ്ഥാനങ്ങളിൽ വിജയം ആവർത്തിച്ചപ്പോൾ ജോർജിയ ഗവർണർ സ്ഥാനത്തെ ട്രംപിന്റെ സ്ഥാനാർഥി പെർഡ്യു പരാജയപ്പെട്ടുവെന്നും അദ്ദേഹം ചൂണ്ടികാട്ടി.
2024 ൽ ട്രംപിന്റെ തിരിച്ചുവരവിന് അടിവരയിടുന്നതാണ് പ്രൈമറിയിൽ ലഭിച്ച അംഗീകാരമെന്ന് രാഷ്ട്രീയ നിരീക്ഷകരും വിലയിരുത്തുന്നു. ട്രംപിനെതിരെ രംഗത്തിറങ്ങാൻ റിപബ്ലിക്കൻ പാർട്ടിയിൽ ശക്തരായ നേതാക്കളില്ലെന്നും അദ്ദേഹം പറഞ്ഞു.
