ADVERTISEMENT

സൻഫ്രാൻസിസ്കോ ∙ മലയാളി അസോസിയേഷൻ ഓഫ് നോർത്തേൺ കലിഫോർണിയ (മങ്ക - MANCA) ‘ഫോമാ ഫാമിലി ടീമിന്’ പിന്തുണ പ്രഖ്യാപിച്ച് ആശംസകൾ അർപ്പിച്ചു. സൻഫ്രാൻസിസ്‌കോയിലെ റെഡ് ചില്ലീസ് റസ്റ്ററന്റിൽ ചേർന്ന യോഗത്തിൽ മങ്ക പ്രസിഡന്റ് റെനി പൗലോസ് അധ്യക്ഷത വഹിച്ചു. ഫോമാ പ്രസിഡന്റ് സ്ഥാനാർഥി ജെയിംസ് ഇല്ലിക്കൽ, ജനറൽ സെക്രട്ടറി സ്ഥാനാർഥി വിനോദ് കൊണ്ടൂർ, വൈസ് പ്രസിഡന്റ് സ്ഥാനാർഥി സിജിൽ പാലക്കലോടി എന്നിവർക്ക് വിജയാശംസകൾ നേർന്നു. ‘ഫാമിലി ടീം’ അംഗങ്ങളുടെ തിരഞ്ഞെടുപ്പിൽ എല്ലാ പിന്തുണ അറിയിച്ചും മങ്ക സെക്രട്ടറി ടോം ചാർളി, ട്രഷറർ ജാക്സൺ പൂയപ്പാടം, ഫോമാ മുൻ വൈസ് പ്രസിഡന്റ് വിൻസെന്റ് ബോസ് എന്നിവർ സംസാരിച്ചു.

2022 - 24 വർഷത്തെ ചുമതലക്കാരായി മത്സരിക്കുന്ന "ഫോമാ ഫാമിലി ടീം" അംഗങ്ങളെ അവരുടെ അസാന്നിധ്യത്തിലാണെങ്കിലും യോഗത്തിൽ പങ്കെടുത്ത ഏവർക്കും സിജിൽ പാലക്കലോടി പരിചയപ്പെടുത്തി. പ്രസിഡന്റ് സ്ഥാനാർഥി ജെയിംസ് ഇല്ലിക്കലിന്റെ നേതൃത്വത്തിലുള്ള "ഫാമിലി ടീം" അംഗങ്ങളായ ജനറൽ സെക്രട്ടറി സ്ഥാനാർഥി വിനോദ് കൊണ്ടൂർ, ട്രഷറർ സ്ഥാനാർഥി ജോഫ്‌റിൻ ജോസ്, ജോയിന്റ് സെക്രട്ടറി സ്ഥാനാർഥി ബിജു ചാക്കോ, ജോയിന്റ് ട്രെഷറർ സ്ഥാനാർഥി ബബ്ലൂ ചാക്കോ എന്നിവരെ വൈസ് പ്രസിഡന്റ് സ്ഥാനാർഥി സിജിൽ പാലക്കലോടി സദസ്സിനു പരിചയപ്പെടുത്തി. 

പൂർണ പിന്തുണയോടെയും നിറഞ്ഞ ഹർഷാരവത്തോടെയും യോഗത്തിൽ പങ്കെടുത്ത എല്ലാവരും സ്ഥാനാർഥികളെ സ്വീകരിച്ചു. ജനറൽ സെക്രട്ടറി സ്ഥാനാർഥി വിനോദ് കൊണ്ടൂർ "ഫാമിലി ടീം"  ‌ഫോമായിൽ നടപ്പിലാക്കാൻ ഉദ്ദേശിക്കുന്ന പദ്ധതികളെപ്പറ്റിയും  അടുത്ത രണ്ടു വർഷം ഫോമയെ ഉന്നതങ്ങളിലേക്ക് എത്തിക്കുന്നതിന്റെ കാഴ്ചപ്പാടുകളെക്കുറിച്ചും സദസ്സിനു മുൻപിൽ അവതരിപ്പിച്ചു.

ഫോമാ വെസ്റ്റേൺ റീജിയൺ മുൻ വൈസ് പ്രസിഡന്റുമാരായ പോൾ ജോൺ, ടോജോ തോമസ്, മങ്ക മുൻ പ്രസിഡന്റ് സാജൻ മൂലേപ്ലാക്കൽ അംഗങ്ങളായ ഡാനിഷ് തോമസ്, റീനു ചെറിയാൻ, ബിനു ബാലകൃഷ്ണൻ, മെൽവിൻ ജോർജ് എന്നിവർ യോഗത്തിൽ പങ്കെടുത്തു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com