സല്മാന് റുഷ്ദിനു നേരെ ഉണ്ടായ ആക്രമണത്തെ അപലപിച്ച് ബൈഡൻ
Mail This Article
വാഷിങ്ടൻ ഡി സി ∙ ന്യൂയോര്ക്കിൽ കഴിഞ്ഞ ദിവസം പ്രസിംഗിക്കുന്നതിനിടെ അക്രമിയുടെ കുത്തേറ്റ എഴുത്തുകാരന് സല്മാന് റുഷ്ദിയെ പിന്തുണച്ചും, ആക്രമത്തെ അപലപിച്ചും, എഴുത്തുകാരുടെ അഭിപ്രായ സ്വാതന്ത്ര്യത്തിന് ഐക്യദാർഡ്യം പ്രഖ്യാപിച്ചും അമേരിക്കൻ പ്രസിഡന്റ് ബൈഡൻ. ആക്രമണം തന്നെയും പ്രഥമ വനിത ജിൽ ബൈഡനെയും ഞെട്ടിച്ചുവെന്നും പ്രസ്താവനയിൽ ബൈഡൻ പറഞ്ഞു.
സംഭവത്തിനുശേഷം അക്രമിയെ പെട്ടെന്ന് കീഴടക്കുകയും, റുഷ്ദിന് പ്രഥമ ശുശ്രുഷ നൽകുന്നതിനും നേതൃത്വം നൽകുകയും ചെയ്ത ഫസ്റ്റ് റെസ്പൊണ്ടേഴ്സിനെ ബൈഡൻ അഭിനന്ദിച്ചു. റുഷ്ദിയുടെ ആരോ ഗ്യനില അതീവ ഗുരുതരമായി തുടരുകയാണ്.
ആക്രമണത്തിന് പിന്നിൽ കൃത്യമായ ഗൂഢാലോചനയുണ്ടാവാമെന്നാണ് സൂചന. ഷട്ടോക്വ വിദ്യാഭ്യാസകേന്ദ്രത്തിലെ ചടങ്ങിനിടെ വേദിയിലേക്കു പാഞ്ഞെത്തിയ കറുത്ത വസ്ത്രം ധരിച്ച ഹാദി മറ്റാർ മിന്നൽവേഗത്തിൽ സ്റ്റേജിലേക്കു പാഞ്ഞെത്തി അദ്ദേഹത്തെ കുത്തിവീഴ്ത്തുകയായിരുന്നു. ഒരു കണ്ണിന് പരുക്കുണ്ടെന്നും കൈകളുടെ ഞരമ്പുകൾക്കും കരളിനും ഗുരുതരമായി പരുക്കേറ്റിട്ടുണ്ടെന്നും അദ്ദേഹത്തിന്റെ സഹായി ആൻഡ്രൂ അറിയിച്ചു.