ഫിലിപ്പ് ജോൺ അന്തരിച്ചു

ഡാലസ് ∙ പത്തനംതിട്ട തടിയൂർ പൂഴിക്കാലയിൽ ഫിലിപ്പ് ജോൺ (കുഞ്ഞുമോൻ – 86) ഡാലസിൽ അന്തരിച്ചു. തിരുവല്ലാ കാവുംഭാഗം ചെത്തിക്കാട് കുടുംബാംഗമായ സൂസി ജോൺ ആണ് ഭാര്യ. മക്കൾ: ഫിൽജി ജോൺസ് (ടെന്നസി), ജിജി ജോൺ, ജെസ്സി ജോൺ (ഇരുവരും ഡാലസ്). 

മരുമക്കൾ: ഡോ.പ്രിയ ജോൺസ്, ജിൽ, ആൽഫ്രഡ്‌ പെരേര. കൊച്ചുമക്കൾ: ജോർജീന, ഹാന, ജാസ്മിൻ.

കോഴിക്കോട് പയ്യോളി ഗവ.ഹൈസ്കൂൾ, മലേഷ്യ എന്നിവിടങ്ങളിൽ ദീർഘനാൾ അധ്യാപകനായിരുന്നു. 1984 മുതൽ അമേരിക്കയിലെ സാനൻറ്റോണിയോ, ഇർവിങ് എന്നിവിടങ്ങളിലെ ഹൈസ്കൂളുകളിൽ ഫിസിക്സ് അധ്യാപകനും, വേൾഡ് മലയാളി കൗൺസിലിന്റെ ആദ്യകാല പ്രവർത്തകരിൽ പ്രധാനിയും ആയിരുന്നു. 

പൊതുദർശനം ഓഗസ്റ്റ്  21 ഞായറാഴ്ച ഉച്ച കഴിഞ്ഞ് 3 മുതൽ 6 വരെ മാർത്തോമ്മ ചർച്ച് ഓഫ് ഡാലസ് കാരോൾട്ടണിൽ (1400 W. Frankford Rd, Carrollton, Tx 75007) നടക്കും. ഓഗസ്റ്റ് 22 തിങ്കൾ രാവിലെ 9 മുതൽ ഡാലസ് കാരോൾട്ടൺ മാർത്തോമ്മ ദേവാലയത്തിൽ വച്ച് നടത്തപ്പെടുന്ന  സംസ്കാര ശുശ്രുഷയ്ക്ക് ശേഷം  കോപ്പൽ റോളിങ് ഓക്സ് ഫ്യൂണറൽ ഹോം സെമിത്തേരിയിൽ  (400 Freeport Pkwy, Coppell, Tx 75019) സംസ്കാരം നടക്കും.

സംസ്കാര ചടങ്ങുകൾ www.unitedmeadialive.com ൽ ദർശിക്കാവുന്നതാണ്.

കൂടുതൽ വിവരങ്ങൾക്ക് :-ഫിൽജി ജോൺ  901 832 6650

വാർത്ത ∙  ഷാജീ രാമപുരം