നിഷാ വത്സരാജ് മന്ത്രയുടെ ലൂയിസിയാന റീജനൽ വൈസ് പ്രസിഡന്റ്

ലൂയിസിയാന∙ നിഷാ വത്സരാജിനെ  മന്ത്ര  ലൂയിസിയാന റീജനൽ വൈസ് പ്രസിഡന്റ് ആയി തിരഞ്ഞെടുത്തു . അവരുടെ  സാമൂഹ്യ സംഘടനാപരമായ അറിവും അനുഭവപരിചയവും   ലൂയിസിയാനയിൽ മന്ത്രയുടെ സംഘടനാ പ്രവർത്തനങ്ങൾ ശക്തിപ്പെടുത്താൻ ഏറെ സഹായകരമാകും എന്നു പ്രസിഡന്റ് ഹരി ശിവരാമൻ പ്രത്യാശ പ്രകടിപ്പിച്ചു.

ലൂയിസിയാനയിലെ കേരള കൾച്ചറൽ അസോസിയേഷനിൽ (കെസിഎ) എക്‌സിക്യൂട്ടീവ് കമ്മിറ്റി അംഗമായി നിഷ പ്രവർത്തിച്ചിട്ടുണ്ട് . സംഘടനയുടെ വിവിധ  സാംസ്കാരിക പ്രവർത്തനങ്ങൾ ഏകോപിപ്പിക്കുന്നതിലും സജീവമായി അവർ പ്രവർത്തിക്കുന്നു . കഴിഞ്ഞ 15 വർഷമായി ബാറ്റൺ റൂജിലെ ഹിന്ദു വേദിക് സൊസൈറ്റിയുടെ (HVS) സജീവ അംഗവുമാണ്. നിഷ എക്‌സിക്യൂട്ടീവ് കമ്മിറ്റി അംഗവും നിലവിൽ ബോർഡ് ഓഫ് ട്രസ്റ്റീസ് (ബിഒടി) അംഗവുമായിരുന്നു. എച്ച്‌വി‌എസിലെ അനുബന്ധ ബാലവിഹാർ പ്രോഗ്രാമിൽ നിർണായക പങ്കു വഹിച്ചു.

 English Summary: Nisha Valsaraj appointed as Manthras Louisiana regional Vice President