ഡാലസിൽ ഡിസംബർ 12ന് പ്രാർഥനാ സമ്മേളനം സംഘടിപ്പിക്കുന്നു
Mail This Article
ഡാലസ് ∙ ഫെഡറേഷൻ ഓഫ് ഇന്ത്യൻ അമേരിക്കൻ ഓർഗനൈസേഷൻ ഇൻ നോർത്ത് അമേരിക്കാ (ഫിയാക്കോന) ഡിസംബർ 12ന് ഡാലസിലെ ഫ്രിസ്ക്കൊവിൽ പ്രത്യേക പ്രാർഥനാ സമ്മേളനം സംഘടിപ്പിക്കുന്നു. ഡിസംബർ 12 തിങ്കളാഴ്ച വൈകിട്ട് 6.30 മുതൽ 8.30 വരെ ഫ്രിസ്ക്കൊ ലബനൻ റോഡ് ലെബനൻ ബാപ്റ്റസ്റ്റ് ചർച്ചിൽ വച്ചു നടക്കുന്ന സമ്മേളനത്തിൽ പ്രമുഖർ പങ്കെടുക്കും.
യുഎസ് ചാരിറ്റി മുഖേന ഇന്ത്യയിൽ നടത്തുന്ന പ്രവർത്തനങ്ങളെകുറിച്ചു ക്രിസ്ത്യൻ സംഘടനകൾക്ക് അവബോധം നൽകുക എന്നതു കൂടിയാണ് യോഗത്തിന്റെ മുഖ്യ ലക്ഷ്യമെന്ന് സംഘാടകർ ചൂണ്ടികാട്ടി. റവ. അലക്സ് യോഹന്നാൻ, ഫാ. ബിനു തോമസ്, പാസ്റ്റർ ബൈജു ഡാനിയേൽ എന്നിവർ ഉൾപ്പെടെ 24 അംഗ കമ്മറ്റിയെയാണ് ഇതിന്റെ പ്രവർത്തനങ്ങൾ വിജയിപ്പിക്കുന്നതിന് രൂപീകരിച്ചിരിക്കുന്നത്.
സമ്മേളനത്തിൽ പങ്കെടുക്കുന്നവർ മുൻകൂട്ടി അറിയിക്കണമെന്നും ഡിന്നർ ഒരുക്കിയിട്ടുണ്ടെന്നും സംഘാടകർ പറഞ്ഞു. കൂടുതൽ വിവരങ്ങൾക്ക്: 738 4704 മായി ബന്ധപ്പെടുക.