ADVERTISEMENT

ഫ്ലോറൽ പാർക്ക് (ന്യൂയോർക്ക്)∙ മലങ്കര സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി ആൻഡ് യൂത്ത് കോൺഫറൻസിന്റെ (FYC) രജിസ്ട്രേഷൻ കിക്ക് ഓഫ് ജനുവരി 15 ഞായറാഴ്ച ഫ്ലോറൽ പാർക്ക് ചെറി  ലെയ്‌നിൽ സ്ഥിതി ചെയ്യുന്ന  സെന്റ് ഗ്രിഗോറിയോസ് മലങ്കര ഓർത്തഡോക്സ് ഇടവകയിൽ ആരംഭിച്ചു. 

 

 ഫാമിലി ആൻഡ് യൂത്ത് കോൺഫറൻസ് കമ്മിറ്റിയുടെ പ്രതിനിധി സംഘം  ജനുവരി 15-ന് ഇടവക സന്ദർശിച്ചു.  ജോബി ജോൺ ( ഭദ്രാസനകൗൺസിൽ അംഗം), ബിജോ തോമസ് (ഭദ്രാസന കൗൺസിൽ അംഗം), മാത്യു ജോഷ്വ (ട്രഷറർ, FYC ), സജി എം. പോത്തൻ (ഫിനാൻസ് മാനേജർ, FYC), വർഗീസ് പോത്താനിക്കാട് (FYC കമ്മിറ്റി അംഗം) തുടങ്ങിയവർ പ്രതിനിധി സംഘത്തിൽ ഉണ്ടായിരുന്നു.

കോണ്ഫറൻസിനോട് അനുബന്ധിച്ചു നടക്കുന്ന വിവിധ പരിപാടികളുടെ വിശദാംശങ്ങൾ നേതാക്കൾ നൽകി. 2023 ജൂലൈ 12 മുതൽ 15 വരെ നോർത്ത് ഈസ്റ്റ് അമേരിക്കൻ ഭദ്രാസനത്തിലെ ഹോളി ട്രാൻസ്ഫിഗറേഷൻ റിട്രീറ്റ് സെന്ററിൽ (HTRC) നടക്കുന്ന കോൺഫറൻസിൽ യൂറോപ്പ്/ആഫ്രിക്ക ഭദ്രാസനാധിപൻ അഭിവന്ദ്യ ഡോ. എബ്രഹാം മാർ സ്തേഫാനോസ് മുഖ്യ പ്രഭാഷകനായിരിക്കും.  സൗത്ത് വെസ്റ്റ് അമേരിക്കൻ ഭദ്രാസന  യൂത്ത് മിനിസ്റ്റർ ഫാ. മാറ്റ് അലക്‌സാണ്ടർ യുവജനങ്ങൾക്കായുള്ള സെഷനുകൾ നയിക്കും. യോവേൽ 2:28-ൽ നിന്നുള്ള "എല്ലാ ജഡത്തിന്മേലും ഞാൻ എന്റെ ആത്മാവിനെ പകരും" എന്നതാണ് ഈ വർഷത്തെ കോൺഫറൻസിന്റെ മുഖ്യവിഷയം.

കുട്ടികൾക്കും മുതിർന്നവർക്കും പ്രത്യേകം ക്ലാസ്സുകളും കലാകായിക പരിപാടികളും ഉള്ള  കോൺഫറൻസിലേക്ക് സംഘാടകർ ഇടവകാംഗങ്ങളെ ക്ഷണിച്ചു.

 

വികാരി ഫാ ഗ്രിഗറി വർഗീസ് കോൺഫറൻസ്  പ്രതിനിധികളെ ഇടവകയിലേക്ക് സ്വാഗതം ചെയ്യുകയും കോൺഫറൻസിൽ പങ്കെടുത്ത് അനുഗ്രഹം പ്രാപിക്കാൻ ഇടവകാംഗങ്ങളെ പ്രോത്സാഹിപ്പിക്കുകയും ചെയ്തു.

പരസ്യങ്ങൾ സ്പോൺസർ ചെയ്തും കോൺഫറൻസിനായി രജിസ്റ്റർ ചെയ്തും നിരവധി ഇടവകാംഗങ്ങൾ പിന്തുണ വാഗ്ദാനം ചെയ്തു. ഫാ. ഗ്രിഗറി വർഗീസ്, (വികാരി), കെൻസ് ആദായി (സെക്രട്ടറി), മാത്യു മാമ്മൻ & ബിജു മത്തായി (ട്രഷറർമാർ), എബി മാത്യു. & പ്രേംസി ജോൺ ( ഭദ്രാസന  അസംബ്ലി അംഗങ്ങൾ), ഗീവർഗീസ് എബ്രഹാം & തോമസ് ചാക്കോ (മലങ്കര അസോസിയേഷൻ അംഗങ്ങൾ), ജോൺ തോമസ് (ഭദ്രാസന  ഓഡിറ്റർ) കൂടാതെ ഇടവകാംഗങ്ങളും സമ്മേളനത്തിന് ആത്മാർത്ഥമായ പിന്തുണ നൽകി.

 

കൂടുതൽ വിവരങ്ങൾക്ക്, ഫാ.സണ്ണി ജോസഫ്, കോൺഫറൻസ് ഡയറക്ടർ (ഫോൺ: 718.608.5583), ചെറിയാൻ പെരുമാൾ, കോൺഫറൻസ് സെക്രട്ടറി (ഫോൺ: 516.439.9087) എന്നിവരുമായി ബന്ധപ്പെടുക.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com