സജിമോൻ ആന്റണിയെ  ഫൊക്കാന  പ്രസിഡന്റ്  സ്ഥാനാര്‍ഥിയായി നാമനിര്‍ദ്ദേശം ചെയ്‌തു

ന്യൂജഴ്‌സി∙ മാർക്വിസ്  ഹു ഈസ്  ഹു ഇൻ  അമേരിക്ക നോമിനിയും ലോക കേരളാസഭാ മെംബറും  ഫൊക്കാനയുടെ മുൻ സെക്രട്ടറിയും മുൻ  ട്രഷററും ട്രസ്റ്റി ബോർഡ് മെംബറും മാധ്യമപ്രവർത്തകനുമായ സജിമോൻ ആന്റണിയെ ഫൊക്കാന പ്രസിഡന്റ്  സ്ഥാനാര്‍ഥിയായി മലയാളീ അസോസിയേഷൻ ഓഫ് ന്യൂജഴ്‌സി(MANJ) നാമനിര്‍ദ്ദേശം ചെയ്‌തു. 

Also read: കേരള കൾച്ചറൽ അസോസിയേഷൻ കാനഡ ടാലന്റ് ഷോ സംഘടിപ്പിക്കുന്നു

ഫൊക്കാനയുടെ വളർച്ചയിൽ അമേരിക്കയിലെ ഏറ്റവും വലിയ മലയാളി സംഘടനയുടെ സ്വാധീനം ഉറപ്പിക്കുകയും അത് ജനങ്ങൾക്ക് ഉപകാരപ്രദമാക്കി തീർക്കുകയും ചെയ്യുക എന്നതാണ് സംഘടനയുടെ ലക്ഷ്യം.  ഇന്നത്തെ സഹ്യചര്യത്തിൽ ചെറുപ്പക്കാരായ വ്യക്തികളെ അമേരിക്കൻ മലയാളീ സംഘടനകളുടെ തലപ്പത്തേക്ക് വളർത്തുകയും ചുറുചുറുക്കുള്ള ചെറുപ്പക്കാരെ പ്രൊമോട്ട് ചെയ്യുക  എന്ന  അസോസിയേഷന്റെ തീരുമാനം കൂടിയാണ്  ആണ് സജിമോൻ ആന്റണിയെ സ്ഥാനാര്‍ഥിത്വത്തിനു പിന്നിലെന്നു അസോസിയേഷൻ പ്രസിഡന്റ് ഷൈനി രാജു അറിയിച്ചു. സജിമോൻ ആന്റണി പ്രസിഡന്റ് ആവണം എന്ന് ഫൊക്കാനയുടെ വിവിധ ഭാഗങ്ങളിൽ ഉള്ള പ്രവർത്തകരുടെ  നിരന്തരമായ അഭ്യർദ്ധനയെ കൂടെ മാനിച്ചാണ് അസോസിയേഷന്റെ ഈ തീരുമാനം.

മലയാളി അസോസിയേഷൻ ഓഫ് ന്യൂജഴ്‌സിയുടെ (MANJ) മുന്‍ പ്രസിഡന്റും നിലവില്‍ ഫൊക്കാനയുടെ  ട്രസ്റ്റീ ബോർഡ് മെംബറും ഫൊക്കാനയുടെ കഴിഞ്ഞ  രണ്ടു വർഷത്തെ  സെക്രട്ടറി ആയി സംഘടനയെ നയിക്കുകയും സംഘടനയുടെ പ്രവർത്തനം  വളരെ നല്ലരീതിയിൽ നടത്തുകയും  അതുപോലെ ഫ്‌ളോറിഡയിൽ  ഒരു ചരിത്ര കൺവൻഷൻ നടത്താനും കഴിഞ്ഞതു സജിമോൻ ആന്റണിയുടെ കഴിവുകൾ കൂടിയാണ്. ഈ രണ്ടു വർഷകാലം സംഘാടന പ്രവർത്തനം പല പ്രതിസന്ധി ഘട്ടങ്ങൾ ഉണ്ടായിട്ടും സഘടനയെ  പുതിയ ഒരു തലത്തിൽ എത്തിക്കാൻ സജിമോന്റെ പ്രവർത്തനങ്ങൾക്കു കഴിഞ്ഞു. 

ട്രഷറർ ആയും  സജിമോൻ  നല്ല ഒരു പ്രവർത്തനം കാഴ്ചവെച്ചിട്ടുണ്ട്. കല ,സാംസ്‌കാരിക, സാമൂദായിക രംഗത്ത്‌ തിളങ്ങി നില്‍ക്കുന്ന വ്യക്തിത്വത്തിന്റെ ഉടമയുമായ സജിമോൻ ആന്റണിയെ  2024 ല്‍ നടക്കുന്ന ഫൊക്കാനയുടെ സംഘടനാ തിരഞ്ഞെടുപ്പില്‍   പ്രസിഡന്റ്   സ്ഥാനാര്‍ഥിആയി  നാമ നിര്‍ദ്ദേശം ചെയ്യുന്നതിൽ അതിയായ സന്തോഷമുണ്ടെന്നു സെക്രട്ടറി ആന്റണി കല്ലകാവുങ്കൽ  അഭിപ്രായപ്പെട്ടു.  

ഫൊക്കാനയുടെ തല മുതിര്‍ന്ന നേതാക്കളുടെയും ചെറുപ്പക്കാരായ നേതാക്കളുടെയും    പ്രത്യേക താല്‍പ്പര്യത്തെക്കൂടി പരിഗണിച്ചാണ് സജിമോൻ ആന്റണിയുടെ  സ്ഥാനാർഥിത്വം. ഫൊക്കാനയുടെ കരുത്തനായ യുവ സ്ഥാനാർത്ഥി സജിമോൻ  മികച്ച ട്രാക്ക് റിക്കോര്‍ഡുമായാണ്   പ്രസിഡന്റ് സ്ഥാനാർത്ഥിയായി  മത്സര  രംഗത്തേക്ക് വരുന്നത്.  ഫൊക്കാന  ഭരണസമിതിയിൽ കഴിവും പ്രഗൽഭ്യവും തെളിയിച്ചിട്ടുള്ള സജിമോൻ മികവുറ്റ സംഘാടകൻ, പ്രഗത്ഭനായ  പ്രാസംഗികൻ, കഴിവുറ്റ  അവതാരകൻ, അതിലുപരി കഴിഞ്ഞ  ഭരണസമിതിയിൽ ഏറ്റവും മികച്ച പ്രവർത്തനം കാഴ്ചവച്ച വ്യക്തി കൂടിയാണ്.ഫൊക്കാനയെ കൂടുതൽ ഉയരങ്ങളിൽ എത്തിക്കാൻ സജിമോൻ ആന്റണിക്ക് കഴിയുമെന്ന് ഉത്തമ വിശ്വാസം ഉണ്ടെന്ന്  ട്രഷർ ഷിബു മാത്യു അഭിപ്രായപ്പെട്ടു.

 ചുരുങ്ങിയ കാലം കൊണ്ട്  ഫൊക്കാനയുടെ ദേശീയ തലത്തിൽ ഏറ്റവും ശ്രദ്ധേയനായി മാറിയ  നേതാവാണ് സജിമോൻ  . ഏതു  പ്രശ്‌നങ്ങളും  അനായാസം  കൈകാര്യം ചെയ്യാൻ കഴിയുന്ന  അദ്ദേഹം  ഒരു മികച്ച ക്രൈസിസ് മാനേജർകൂടിയാണ്. വാക്കുകളിലൂടെ  ആരെയും കൈയിലെടുക്കാൻ കഴിവുള്ള വാക്ചാരുതി അദ്ദേഹത്തെ മറ്റുള്ളവരിൽ നിന്ന് വ്യത്യസ്തനാക്കുന്നു. നൊവാർട്ടീസ് ഫാർമസ്യുട്ടിക്കലിൽ ഗ്ലോബൽ മാനേജർ ആയി അമേരിക്കയിലെത്തിയ സജിമോൻ പിന്നീട് ജോലി ഉപേക്ഷിച്ച് ബിസിനസ് രംഗത്തേക്ക് കടന്നു വന്ന സജിമോൻ അവിടെയും തന്റേതായ വ്യക്തി മുദ്ര പതിപ്പിച്ചു. എം.എസ.ബി.ബിൽഡേഴ്‌സ് എന്ന കൺസ്ട്രക്ഷൻ കമ്പനി,മാം ആൻഡ് ഡാഡ് കെയർ ഹോം എന്ന പേരിൽ ഒരു സ്‌കിൽഡ് ഹോം കെയർ ബിസിനസും നടത്തുന്നു. ബിസിനസ്സ് രംഗത്തും സജിമോൻ തന്റേതായ വ്യക്തിമുദ്ര പതിപ്പിച്ചു കഴിഞ്ഞു.

സേവനരംഗത്ത്‌ കഴിവും പ്രാപ്‌തിയുമുള്ള ഒരു വ്യക്‌തി എന്ന നിലയിലും , ഔദ്യോഗിക ജീവിതത്തിലും സംഘടനാതലത്തിലും ധാര്‍മ്മികബോധത്തോടെ, സാമൂഹ്യപ്രതിബദ്ധതയോടെ പ്രവര്‍ത്തിച്ച്‌ തന്റെ കഴിവു തെളിയിച്ചിട്ടുള്ള അദ്ദേഹത്തെ പ്രസിഡന്റ് സ്ഥാനത്തേക്ക്‌ നാമനിര്‍ദ്ദേശം ചെയ്യുന്നതു ഒരേ മനസ്സോടെയാണെന്ന്  അസോസിയേഷന്റെ ട്രസ്റ്റീ ചെയറും  ഫൊക്കാന എക്സിക്യൂട്ടീവ് വൈസ് പ്രസിഡന്റ് മായാ  ആയ ഷാജി വർഗീസ് അഭിപ്രായപ്പെട്ടു.

ഫൊക്കാനയിൽ സജിമോൻ ആന്റണി പ്രസിഡണ്ട് ആവണം എന്ന് കഴിഞ്ഞ വർഷം വലിയ സമർദ്ദമുണ്ടായിട്ടും താൻ ഏറ്റെടുത്ത പ്രവർത്തനത്തിനും കൺവൻഷന്റെ വിജയത്തിനും വേണ്ടി പ്രവർത്തിക്കുകയും  എല്ലാവർക്കും ഒരു  നല്ല മാതൃകയായി സംഘടനക്കു വേണ്ടി അടുത്ത  രണ്ടു വർഷക്കാലത്തേക്ക് ഒരു പൊസിഷനും എടുക്കാതെ പ്രവർത്തിക്കാൻ തീരുമാനിച്ച ശേഷമാണ് ഇപ്പോൾ മത്സര രംഗത്തേക്ക് വരുന്നത് ,അന്നേ അദ്ദേഹം താൻ 2024 ലെ  മത്സരത്തിനുള്ളു എന്ന് തീർത്തു പറയുകയും ചെയ്തിരുന്നു. 

ഫൊക്കാനയുടെ വിവിധ തുറകളിൽ ഉള്ള പ്രവർത്തകരുടെ നിരന്തരമായ അഭ്യർഥനയെ മാനിച്ചുകൂടിയാണ്  ഇപ്പോൾ  മത്സരിക്കാൻ തീരുമാനിച്ചത്. ഇപ്പോൾ തന്നെ ഏകദേശം 40 തിൽ  അധികം അംഗ സംഘടനകൾ സജിമോൻ ആന്റണിക്ക് നിരുപാധിക പുന്തുണ അറിയിച്ചിട്ടുണ്ട്. ഡോ. ബാബു സ്റ്റീഫനു ശേഷം ഫൊക്കാനയെ കൂടുതൽ ഉയരങ്ങളിൽ എത്തിക്കാൻ  സജിമോന് കഴിയും എന്ന് എല്ലാ ഫൊക്കാനക്കാരും വിശ്വസിക്കുന്നു. അതുകൊണ്ടു തന്നെ സജിമോന്റെ സ്ഥാനാർഥിത്വത്തിനു വലിയ പിന്തുണയാണു ഫൊക്കാനയിൽ ലഭിക്കുന്നത്.  ജോർജി വർഗീസിന്റെയും ഡോ . ബാബു സ്റ്റീഫന്റെയും  നല്ല പ്രവർത്തങ്ങൾക്ക് ശേഷം സംഘടനയെ മറ്റൊരു തലത്തിലേക്കു നയിക്കുവാൻ സജിമോനെ പോലെയുള്ള യുവനേതാവിനെ കഴിയു എന്നു ഫൊക്കാനയെ സ്നേഹിക്കുന്ന എല്ലാവരും ഒരുപോലെ വിശ്വസിക്കുന്നു.

പ്രസിഡന്റ്  ഷൈനി രാജു, സെക്രട്ടറി ആന്റണി കല്ലകാവുങ്കൽ, ട്രഷർ ഷിബു മാത്യു , ബോർഡ് ഓഫ് ട്രസ്റ്റി ചെയർ ഷാജി വർഗീസ്, വൈസ് പ്രസിഡന്റ് രഞ്ജിത് പിള്ളൈ , ജോയിന്റ് സെക്രട്ടറി ഉമ്മൻ ചാക്കോ , ജോയിന്റ് ട്രഷർ അനീഷ് ജെയിംസ്, എക്സ്. ഒഫീഷ്യ മനോജ് വട്ടപ്പള്ളിൽ , കമ്മിറ്റി മെംബേഴ്‌സ്, ട്രസ്റ്റി ബോർഡ് മെംബേഴ്‌സ് എല്ലാവരും ഒരേസ്വരത്തിൽ  സജിമോൻ ആന്റണിയുടെ സ്ഥാനാർഥിത്വത്തിന്  പിന്തുണ പ്രഖ്യാപിക്കുകയും  എല്ലാം അമേരിക്കൻ കനേഡിയൻ മലയാളി അസോസിയേഷൻ പ്രവർത്തകരോട് സജിമോൻ ആന്റണിക്ക് പിന്തുണ അപേക്ഷിക്കുകയും  ചെയ്തു.