ഗാനത്തിന്റെ ആത്മാവറിഞ്ഞ് കെസ്റ്ററും സ്നേഹ വിനോയിയും

ന്യൂയോർക്ക് ∙ ഒരു ഗാനത്തിന്റെ ആത്മാവറിഞ്ഞ് പാടുക എന്നത് എല്ലാവർക്കും  സാധിക്കുന്ന കാര്യമല്ല. ഗായകരായ കെസ്റ്ററും സ്നേഹ വിനോയിയും ചേർന്ന് ആലപിച്ച 'യേശുവേ നീയാണെൻ രക്ഷ' എന്ന ക്രിസ്തീയഗീതം അത്തരത്തിൽ ഭാവസാന്ദ്രതകൊണ്ട് ആരാധകമനസുകളിൽ കയറിപ്പറ്റുകയാണ്. എഡിറ്റിംഗും ഗായികയായ സ്നേഹയാണ് ചെയ്തിരിക്കുന്നത്.

Read Also: 36 നായ്ക്കളെ വാഹനത്തിൽ പൂട്ടിയിട്ടു;ഒക്‌ലഹോമയിൽ ദമ്പതികൾ അറസ്റ്റിൽ...

വെസ്റ്ചെസ്റ്റർ ന്യു റോഷൻ ഹൈസ്‌കൂളിൽ ഒൻപതാം ഗ്രേഡിൽ പഠിക്കുന്ന സ്നേഹ ചാനൽ പരിപാടികളിലും പങ്കെടുത്തിട്ടുണ്ട്. പ്രൊഫഷണൽ ഗിറ്റാറിസ്റ്റും സ്നേഹയുടെ പിതാവുമായി വിനോയ് ജോണാണ് സംഗീത സംവിധാനം നിർവ്വഹിച്ചിരിക്കുന്നത്. ഗാനരചന മഞ്ജു വിനോയ്.

ഓർക്കസ്‌ട്രേഷൻ: വിൽസൺ കെ.എക്സ്, തബല: സന്ദീപ് എൻ.വെങ്കിടേഷ്, മിക്സിങ്: സുനിൽ പുരുഷോത്തമൻ, പുല്ലാങ്കുഴൽ: രാജേഷ് ചേർത്തല, കോറസ്: കലാഭവൻ ബിന്ദു, കൃഷ്ണ,പ്രിയ.

യുട്യൂബിലൂടെ വിഎഎംഎസ് സ്റ്റുഡിയോ യുഎസ്എയും സിയോൺ ക്ലാസിക്‌സും ചേർന്നാണ്  ഈ ഗാനം അവതരിപ്പിച്ചിരിക്കുന്നത്. തേന്മാവിൻ കൊമ്പത്ത് ഉൾപ്പെടെ നിരവധി ഹിറ്റ് ചിത്രങ്ങൾക്ക് സംഗീതം നൽകിയിട്ടുള്ള ബേണി-ഇഗ്‌നേഷ്യസ് കൂട്ടുകെട്ടിലെ ബേണീ പി.ജെ യാണ് മാൻഡലിൻ കൈകാര്യം ചെയ്തിരിക്കുന്നത്.

English Summary: Christian devotional song from US released in youtube