നോർത്ത് കാരോലൈന ∙ മന്ത്ര (മലയാളി അസോസിയേഷൻ ഓഫ്  നോർത്ത് അമേരിക്കൻ ഹിന്ദുസ്) രണ്ടാമത്  ഗ്ലോബൽ കൺവൻഷൻ നോർത്ത് നോർത്ത് കാരോലൈനയിലെ ഷാർലറ്റിൽ 2025 ജൂലൈ 3 മുതൽ 6 വരെ നടക്കുമെന്ന് പ്രസിഡന്റ്‌ ശ്യാം ശങ്കർ അറിയിച്ചു. ഷാർലറ്റിലെ പ്രമുഖ മലയാളി ഹൈന്ദവ സംഘടന ആയ കൈരളി സത് സംഗ് കാരോലൈനയു മായി ചേർന്നാവും മന്ത്ര കൺവെൻഷൻ നടത്തുക. നോർത്ത് അമേരിക്കയിലെ പ്രവാസി സംഘടനകളിൽ കുറഞ്ഞ കാലം കൊണ്ട് ശ്രദ്ധേയമായ സംഘടനയുടെ പ്രവർത്തന വിപുലീകരണം ലക്ഷ്യമിട്ടുള്ള പ്രവർത്തനമാണ് അടുത്ത രണ്ടു വർഷത്തെ പ്രധാന കർമ പദ്ധതി എന്നും അദ്ദേഹം അറിയിച്ചു. വൻ വിജയം ആയ ഹൂസ്റ്റൺ കൺവൻഷൻ പകർന്നു നൽകിയ ഊർജം ഉൾക്കൊണ്ടു മുന്നോട്ട് പോവാൻ പുതിയ ഭരണ സമിതി തയാറെടുത്തു കഴിഞ്ഞു എന്നും അദ്ദേഹം അറിയിച്ചു.