ഹാമില്‍ട്ടന്‍ സൂപ്പര്‍ കപ്പ്‌ ടൂര്‍ണമെന്‍റ് ഓഗസ്റ്റ് മൂന്ന്, നാല് തീയതികളിൽ
Mail This Article
ഹാമിൽട്ടൺ ∙ രണ്ടാം ഹാമില്‍ട്ടന്‍ സൂപ്പര്‍ കപ്പ്‌ ടൂര്‍ണമെന്‍റ് ഓഗസ്റ്റ് മൂന്ന്, നാല് തീയതികളിൽ സമാജം ഗ്രൗണ്ടിൽ നടക്കും. നിലവിലെ ചാംപ്യന്മാരായ ഹുറോണ്‍ ഹോക്സ്, റണ്ണര്‍അപ്പും ആതിഥേയരുമായ ഹാമില്‍ട്ടന്‍ സൂപ്പര്‍ കിങ്സ്, മൂന്നാം സ്ഥാനക്കാരായ ഹാമില്‍ട്ടന്‍ ഫാല്‍ക്കന്‍സ് എന്നിവരുള്‍പ്പെടെ 20 ടീമുകളാണ് കിരീടത്തിനായി പോരിനിറങ്ങുന്നത്.
വിജയികള്‍ക്ക് 2501 ഡോളറാണ് സമ്മാനം ലഭിക്കുക. രണ്ടാം സ്ഥാനക്കാർക്ക് 1001 ഡോളറും മൂന്നാം സ്ഥാനക്കാർക്ക് 501 ഡോളറും ലഭിക്കും. മികച്ച താരങ്ങള്‍ക്ക് വ്യക്തിഗത പുരസ്കാരങ്ങളുമുണ്ട്. റിയൽറ്റർ സജി ആന്‍റണിയാണ് മുഖ്യ സ്പോണ്‍സര്‍. ബൗണ്‍സി കാസില്‍, ട്രാംപ്ലീന്‍ ഉള്‍പ്പെടെ നിരവധി വിനോദങ്ങളാണ് സംഘാടകർ ഇതിനോട് അനുബന്ധിച്ച് ക്രമീകരിക്കുന്നത് ഒരുക്കുന്നത്. നാടന്‍ തട്ടുകടയുമുണ്ടാകും.
ഹാമില്‍ട്ടന്‍ സൂപ്പര്‍ കിങ്സിന്‍റെ നേതൃത്വത്തില്‍ ഹാമില്‍ട്ടന്‍ സൂപ്പര്‍ ലീഗും സമാന്തരമായി നടന്നുവരുന്നുണ്ട്. ജൂണില്‍ ആരംഭിച്ച ലീഗ് സെപ്റ്റംബറില്‍ സമാപിക്കും.
Hamilton Super Cup
