മലയാളി ബാലൻ യുഎസിൽ അന്തരിച്ചു; ഖബറടക്കം നാളെ ബോസ്റ്റണിൽ

ആലുവ∙ മലയാളി ബാലൻ യുഎസിൽ അന്തരിച്ചു. ആലുവ റിഫാവില്ലയിൽ കെ.എ. റിഫാദിന്റെ മകൻ ഹാറൂൺ (10) ആണ് അന്തരിച്ചത്. കോട്ടപ്പുറം നമ്പൂരിമഠം കുടുംബാംഗമാണ്. മുൻ നിയമസഭാ സ്‌പീക്കർ കെ.എം. സീതിയുടെ പൗത്രൻ മുൻ വാണിജ്യ വകുപ്പു ജോയിന്റ് കമ്മീഷണർ കെ.എം.അൽത്താഫിന്റെ മകനാണ് പരേതന്റെ പിതാവ്. 

മാതാവ് ഷെബ്രീൻ ചെങ്കോട്ട ഹെറിഫോഡിൽ നവാസിന്റെ മകളും കൊല്ലം ഈച്ചംവീടൻ കുടുംബാംഗവുമാണ്. ഖബറടക്കം ബുധൻ പുലർച്ചെ  12.45 (യുഎസ് സമയം ചൊവ്വ ഉച്ചയ്ക്ക് 1.45) ബോസ്റ്റണിൽ നടക്കും.