റൈസ് യൂണിവേഴ്‌സിറ്റിയില്‍ വെടിവെയ്‌പ്പ്; രണ്ടു മരണം

ഹൂസ്റ്റൺ ∙ ഹൂസ്റ്റണിലെ റൈസ് യൂണിവേഴ്‌സിറ്റിയിലെ ഡോം റൂമിൽ വെടിയേറ്റ് മരിച്ച നിലയിൽ രണ്ടുപേരെ കണ്ടെത്തിയതായി യൂണിവേഴ്‌സിറ്റി പ്രസിഡൻ്റ് തിങ്കളാഴ്ച പറഞ്ഞു. ജോൺസ് കോളജ് റെസിഡൻഷ്യൽ ഹാളിലെ ഡോർ റൂമിൽ താമസിച്ചിരുന്ന  വിദ്യാർഥിനിയായിരുന്നു ഒരാൾ, യൂണിവേഴ്സിറ്റി പ്രസിഡൻ്റ് റെജിനാൾഡ് ഡെസ്റോച്ചസ് വാർത്താ സമ്മേളനത്തിൽ പറഞ്ഞു. മരിച്ച മറ്റൊരാൾക്ക് യൂണിവേഴ്‌സിറ്റിയുമായി ബന്ധമില്ല. സ്വയം വെടിവച്ചാണ് ഇദ്ദേഹം മരിച്ചിരിക്കുന്നത്.

മരിച്ച വിദ്യാർഥിനി സ്വയം വെടിവച്ച്രിച്ചയാളുമായി പ്രണയബന്ധത്തിലായിരുന്നുവെന്ന് യൂണിവേഴ്സിറ്റി പൊലീസ് മേധാവി ക്ലെമൻ്റ് റോഡ്രിഗസ് പറഞ്ഞു. തിങ്കളാഴ്ച ഉച്ചതിരിഞ്ഞ് റൈസ് യൂണിവേഴ്‌സിറ്റി പൊലീസ് നടത്തിയ പരിശോധനയ്ക്കിടെയാണ് ഇരുവരെയും കണ്ടെത്തിയത്.