ADVERTISEMENT

റ്റാംപ ∙ കേരള ഹിന്ദുസ് ഓഫ് നോർത്ത് അമേരിക്കയുടെ റീജനൽ കൺവൻഷൻ ഫെബ്രുവരി 22ന് രാവിലെ 11 മണി മുതൽ ഫ്ലോറിഡ റ്റാംപയിലെ സിറോ മലബാർ ഹാളിൽ വച്ച് നടക്കും. ഫ്ലോറിഡയിലും അറ്റ്ലാന്റയിലുമുള്ള ഉള്ള എല്ലാ സംഘടനകളുടെയും സഹകരണത്തോടു കൂടിയുള്ള പരിപാടികളാണ് ഒരുങ്ങുന്നത്.

കലാപരിപാടികളിൽ ഫ്ലോറിഡയിൽ നിന്നുള്ള 150 പരം കലാകാരന്മാരാണ്  പങ്കെടുക്കുന്നത്. പുരാണങ്ങളെ അടിസ്ഥാനമാക്കിയുള്ള നൃത്താവിഷ്കരണങ്ങളും കുട്ടികൾക്ക് വേണ്ടിയുള്ള ഡിബേറ്റുകളും ഉണ്ടാകും. 2014 ലാണ് ഫ്ലോറിഡയിലെ ആദ്യത്തെ റീജനൽ  കൺവൻഷൻ റ്റാംപയിൽ സംഘടിപ്പിക്കുന്നത്.

പരിപാടിയിലേക്കുള്ള പ്രവേശനം പൂർണമായും സൗജന്യമാണ്. എല്ലാവരും കുടുംബമായി പങ്കെടുക്കണമെന്ന് ഭാരവാഹികൾ അറിയിച്ചു. എല്ലാവരും പരസ്പരം പരിചയപ്പെടുവാനുള്ള അവസരങ്ങൾ പരിപാടിയിൽ ഉൾപ്പെടുത്തുന്നതാണ്. കലാപരിപാടികൾ നടത്തുവാൻ ആഗ്രഹിക്കുന്നവർ നോട്ടിസിൽ കാണുന്ന ഭാരവാഹികളെ  ജനുവരി 31ന് മുൻപായി അറിയിക്കുക. അഞ്ചിൽ കുറയാത്ത ആളുകളുള്ള ഗ്രൂപ്പ്  പരിപാടി മാത്രമേ അന്നത്തെ ദിവസം അനുവദിക്കുന്നുള്ളൂ.

കെഎച്ച്എൻഎ ഫ്ലോറിഡ സ്റ്റേറ്റ് കൺവീനർസ് സുനിത മേനോൻ, വിനോദ് നായർ എന്നിവരാണ്.  റീജനൽ വൈസ് പ്രസിഡന്റന്മാരായി  ദീപക് സുകുമാരൻ, സുരേഷ് പള്ളിക്കുത്ത് ഗോപൻ നായർ, സ്മിത നോബിൾ  തുടങ്ങിയവർ പ്രവർത്തിക്കുന്നു.
Venue :  5501 Williams Rd, Seffner (Tampa), FL 33584, Date and Time : February 22nd , 2025 11am onwards

English Summary:

Regional Convention of Kerala Hindus of North America on February 22

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com