ശാമുവേൽ മത്തായി ഹൂസ്റ്റണിൽ അന്തരിച്ചു

ന്യൂയോർക്ക് ∙ കുണ്ടറമുളവന പയ്യത്തുവിളയിൽ പരേതരായ പി. എം. മാത്യുവിന്റെയും അന്നക്കുട്ടി മാത്യുവിന്റെയും മകനായ ശാമുവേൽ മത്തായി (കുഞ്ഞുമോൻ, 73) ഹൂസ്റ്റണിൽ അന്തരിച്ചു. ന്യൂയോർക്കിൽ ദീർഘകാലം ഹെൽത്ത്കെയർ അഡ്മിനിസ്ട്രേറ്ററായി പ്രവർത്തിച്ചതിന് ശേഷം ഏതാനും വർഷങ്ങളായി വിശ്രമ ജീവിതം നയിക്കുകയായിരുന്നു.

ലോങ്ങ്ഐലൻഡ് സോയാസെറ്റിൽ സ്ഥിര താമസമായിരുന്നു. ഏതാനും ദിവസമായി ഹൂസ്റ്റണിൽ മകളുടെ കൂടെ താമസിച്ച് ചികിത്സയിലായിരുന്നു. യോങ്കേഴ്‌സ് സെന്റ് ആൻഡ്രൂസ് മാർത്തോമ്മാ ഇടവകാംഗമാണ്. ഭാര്യ തങ്കമ്മ ശാമുവേൽ. മക്കൾ അനീഷ മാത്യു, സ്‌റ്റെയ്‌സി ദാനിയേൽ, ജോയ്‌സ് ജോൺ. മരുമക്കൾ റെജി മാത്യു, ബിനു ദാനിയേൽ, ഗ്രേഷ്യസ്ജോൺ. കൊച്ചു മക്കൾ ലിബിയ, ഗ്രേയ്‌സ്, ജിയാ, ജൂലിയാ, ക്രിസ്റ്റിയൻ, നോയേൽ, നേതാനിയേൽ.

ഫെബ്രുവരി 8 രാവിലെ 10 മുതൽ 12:30 വരെ ഹൂസ്റ്റൺ ട്രിനിറ്റി മാർത്തോമ്മാ പള്ളിയിൽ പൊതു ദർശനത്തിന് ശേഷം സംസ്കാരം.