ഫ്ലോറൽ പാർക്ക് സെന്റ് ഗ്രിഗോറിയോസ് ഇടവകയിൽ ഫാമിലി– യൂത്ത് കോൺഫറൻസ് റജിസ്ട്രേഷൻ തുടങ്ങി
Mail This Article
ഫ്ലോറൽ പാർക്ക് (ന്യൂയോർക്ക്) ∙ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി– യൂത്ത് കോൺഫറൻസ് കമ്മിറ്റി പ്രതിനിധി സംഘം ഫ്ലോറൽ പാർക്ക് ചെറി ലെയ്‌നിലുള്ള സെന്റ് ഗ്രിഗോറിയോസ് പള്ളി സന്ദർശിച്ചു. ജൂലൈ 9 മുതൽ 12 വരെ കണക്ടിക്കട് ഹിൽട്ടൺ സ്റ്റാംഫർഡ് ഹോട്ടൽ ആൻഡ് എക്‌സിക്യൂട്ടീവ് മീറ്റിങ് സെന്ററിലാണ് കോൺഫറൻസ് നടക്കുന്നത്.
വികാരി ഫാ. ഗ്രിഗറി വർഗീസ് കോൺഫറൻസ് കമ്മിറ്റി അംഗങ്ങളെ സ്വാഗതം ചെയ്തു. ഭദ്രാസനത്തിന്റെ ഏറ്റവും വലിയ ആത്മീയ സമ്മേളനമായ ഫാമിലി ആൻഡ് യൂത്ത് കോൺഫറൻസിനെ പിന്തുണയ്ക്കാനും അതിൽ പങ്കെടുക്കാനും എല്ലാവരെയും പ്രോത്സാഹിപ്പിക്കുകയും ചെയ്തു.
ജെയ്‌സൺ തോമസ് (ഫാമിലി ആൻഡ് യൂത്ത് കോൺഫറൻസ് സെക്രട്ടറി), ജോൺ താമരവേലിൽ (ട്രഷറർ), ഡോ. സിനി മാത്യു (മെഡിക്കൽ), പ്രേംസി ജോൺ (ഫിനാൻസ്), ജോനാഥൻ മത്തായി (എന്റർടെയ്ൻമെന്റ്), ഡോ. ഷെറിൻ എബ്രഹാം (സുവനീർ), ഫിയോണ ജോൺ (എന്റർടെയ്ൻമെന്റ്), അജു എബ്രഹാം (ഫിനാൻസ്) തുടങ്ങിയവരാണ് കോൺഫറൻസ് ടീമിൽ ഉണ്ടായിരുന്നത്. ഇടവകയിൽ നിന്ന് കെൻസ് ആദായി (ഇടവക സെക്രട്ടറി), മാത്യു മാത്തൻ ആൻഡ് ബിജു മത്തായി (ട്രസ്റ്റീമാർ), എബി മാത്യു (ഭദ്രാസന അസംബ്ലി അംഗം), ഗീവർഗീസ് കെ. എബ്രഹാം ആൻഡ് തോമസ് ചാക്കോ (മലങ്കര അസോസിയേഷൻ പ്രതിനിധികൾ) എന്നിവരും പങ്കുചേർന്നു. ജോൺ താമരവേലിൽ ടീം അംഗങ്ങളെ പരിചയപ്പെടുത്തി. കോൺഫറൻസിന്റെ സ്ഥലം, തീയതി, പ്രാസംഗികർ തുടങ്ങിയ വിവരങ്ങൾ ജെയ്‌സൺ തോമസ് പങ്കുവച്ചു. ജോൺ താമരവേലിൽ റജിസ്ട്രേഷൻ നടപടികളെക്കുറിച്ച് വിശദീകരിച്ചു.
സമ്മേളനത്തിന്റെ സ്മരണയ്ക്കായി പ്രസിദ്ധീകരിക്കുന്ന സുവനീറിൽ ലേഖനങ്ങൾ, കവിതകൾ പരസ്യങ്ങൾ ആശംസകൾ തുടങ്ങിയവ ഉൾപ്പെടുത്താനുള്ള അവസരത്തെപ്പറ്റി അജു എബ്രഹാം വിശദീകരിച്ചു. സ്പോൺസർഷിപ്പ് അവസരങ്ങളെയും അതിന്റെ നേട്ടങ്ങളെയും കുറിച്ച് ജോനാഥൻ മത്തായി വിശദമാക്കി.
കോൺഫറൻസിന്റെ രണ്ടാം ദിവസം നടക്കുന്ന സ്‌പോർട്‌സ് ആൻഡ് ഗെയിംസ്, ടാലന്റ് നൈറ്റ് എന്നിവയിൽ പങ്കെടുക്കാൻ ഡോ. സിനി മാത്യു ഓർമ്മിപ്പിച്ചു. മുൻകാല കോൺഫറൻസുകളിൽ ലഭിച്ച സ്മരണകൾ ഷെറിനും ഫിയോണയും പങ്കുവച്ചത് ഹൃദ്യമായി. ഓൺലൈൻ റജിസ്ട്രേഷൻ ഉൾപ്പെടെയുള്ള വിശദമായ വിവരങ്ങൾ നൽകുന്ന കോൺഫറൻസ് വെബ്‌സൈറ്റിനെക്കുറിച്ച് ജെയ്‌സൺ തോമസ് വിശദീകരിച്ചു.
ഇടവകയെ പ്രതിനിധീകരിച്ച്, ട്രസ്റ്റികൾ സുവനീറിനുള്ള സംഭാവന കൈമാറി. പ്രേംസി ജോൺ ഡയമണ്ട് ലെവൽ സ്പോൺസർഷിപ്പിലൂടെ പിന്തുണ വാഗ്ദാനം ചെയ്തു. ഫാ. ഗ്രിഗറി വർഗീസ്, ഗീവർഗീസ് മത്തായി, വർഗീസ് പോത്താനിക്കാട്, സന്തോഷ് മത്തായി എന്നിവർ കോൺഫറൻസിൽ പങ്കെടുക്കുന്നതിനായി റജിസ്ട്രേഷൻ ഫോമുകൾ സമർപ്പിച്ചു.
റവ. ഡോ. നൈനാൻ വി. ജോർജ് (ഓർത്തഡോക്സ് വൈദിക സംഘം ജനറൽ സെക്രട്ടറി, റവ. ഡോ. റ്റിമത്തി (ടെന്നി) തോമസ് (നോർത്ത് ഈസ്റ്റ് അമേരിക്കൻ ഭദ്രാസന സൺഡേ സ്കൂൾ ഡയറക്ടർ), ഫാ. ജോൺ (ജോഷ്വ) വർഗീസ്, (സൗത്ത് വെസ്റ്റ് അമേരിക്കൻ ഭദ്രാസന യൂത്ത് മന്ത്രി), റവ. ഡീക്കൻ അന്തോണിയോസ് (റോബി) ആന്റണി (ടാൽമീഡോ- നോർത്ത് ഈസ്റ്റ് അമേരിക്കൻ ഭദ്രാസന മെൻസ് മിനിസ്ട്രി ഡയറക്ടർ) എന്നിവരാണ് മുഖ്യ പ്രാസംഗികർ. ‘നമ്മുടെ പൗരത്വം സ്വർഗത്തിലാണ്, അവിടെനിന്നുള്ള ഒരു രക്ഷകനായ കർത്താവായ യേശുക്രിസ്തുവിനെ ഞങ്ങൾ ആകാംക്ഷയോടെ കാത്തിരിക്കുന്നു' (ഫിലിപ്പിയർ 3:20) എന്ന ബൈബിൾ വാക്യത്തെ അടിസ്ഥാനമാക്കിയുള്ള ‘The Way of the Pilgrim’ (പരദേശിയുടെ വഴി) എന്നതാണ് കോൺഫറൻസിന്റെ പ്രമേയം. ബൈബിൾ, വിശ്വാസം, പാരമ്പര്യം, സമകാലിക വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും പ്രത്യേകം സംവേദനാത്മക സെഷനുകൾ ഉണ്ടായിരിക്കും.
റജിസ്ട്രേഷനും വിശദാംശങ്ങൾക്കും www.fycnead.org സന്ദർശിക്കുക.
കൂടുതൽ വിവരങ്ങൾക്ക്, ഫാ. അബു വർഗീസ് പീറ്റർ, കോൺഫറൻസ് കോർഡിനേറ്റർ (ഫോൺ: 914-806-4595), ജെയ്‌സൺ തോമസ്, കോൺഫറൻസ് സെക്രട്ടറി (ഫോൺ: 917.612.8832), ജോൺ താമരവേലിൽ, കോൺഫറൻസ് ട്രഷറർ) (ഫോൺ: 917.533.3566) എന്നിവരുമായി ബന്ധപ്പെടണം.
Family and Youth Conference Registration at Floral Park St Gregorios Church
