നായർ ബനവലന്റ് അസോസിയേഷൻ കുടുംബ സംഗമവും യുവജന സമ്മേളനവും മാര്‍ച്ച് 15 ന്

ന്യൂയോര്‍ക്ക് ∙ ന്യൂയോർക്ക് ആസ്ഥാനമായി പ്രവർത്തിക്കുന്ന നായർ ബനവലന്റ് അസോസിയേഷന്റെ കുടുംബ സംഗമവും യുവജന സമ്മേളനവും മാർച്ച് 15 ന് വൈകിട്ട് 6 മണിക്ക് 440 ജെറീക്കോ ടേൺപൈക്കിലുള്ള കൊട്ടിലിയൺ റസ്റ്ററന്റിൽ വച്ച് നടത്തും.

എല്ലാ മാതാപിതാക്കളും തങ്ങളുടെ മക്കളോടൊപ്പം പങ്കെടുത്ത് ഈ സംരംഭം വിജയിപ്പിക്കണമെന്ന് എൻബിഎ പ്രസിഡന്റ് ക്രിസ് തോപ്പിൽ അഭ്യർഥിച്ചു.

അന്നേ ദിവസം വിവിധ കലാപരിപാടികളും, ഈ വർഷം വിജയം കൈവരിച്ച വിദ്യാർഥികളെ അനുമോദിക്കുകയും അവർക്ക് പുരസ്കാരങ്ങൾ നൽകി ആദരിക്കുമെന്നും അദ്ദേഹം അറിയിച്ചു.
(വാര്‍ത്ത: ജയപ്രകാശ് നായർ)