ആൽബനി സെന്റ് പോൾസ് ഓർത്തഡോക്സ് ഇടവകയിൽ കാതോലിക്കാ ദിനാഘോഷം സംഘടിപ്പിച്ചു

ആൽബനി, ന്യൂയോർക്ക് ∙ മലങ്കര ഓർത്തഡോക്സ് സഭയിൽ കാതോലിക്കേറ്റ് സ്ഥാപിച്ചതിന്റെ ഓർമ പുതുക്കി കാതോലിക്കാ ദിനം ആഘോഷിച്ചു. കുർബാനയ്ക്ക് ശേഷം വികാരി ഫാ. അലക്സ് കെ. ജോയ് കാതോലിക്കാ ദിന പതാക ഉയർത്തി.

മുൻ ഫാമിലി കോൺഫറൻസ് സെക്രട്ടറി ചെറിയാൻ പെരുമാൾ കാതോലിക്കേറ്റ് പ്രതിജ്ഞ ചൊല്ലുന്നതിന് നേതൃത്വം നൽകി. കാതോലിക്കാ ദിനത്തിന്റെ ചരിത്രപരവും ആത്മീയവുമായ പ്രാധാന്യത്തെക്കുറിച്ച് അദ്ദേഹം സംസാരിച്ചു. തുടർന്ന് ഫാമിലി & യൂത്ത് കോൺഫറൻസിനു വേണ്ടി ഒരു യോഗം ചേർന്നു. ആത്മീയ വളർച്ച, സമൂഹ നിർമാണം, വിശ്വാസ രൂപീകരണം എന്നിവയ്ക്കുള്ള ഒരു വേദിയെന്ന നിലയിൽ ഫാമിലി കോൺഫറൻസിന്റെ പ്രാധാന്യം ഫാ. അലക്സ് കെ. ജോയ് വ്യക്തമാക്കി.

കോൺഫറൻസ് ഫിനാൻസ് മാനേജർ ഫിലിപ്പ് തങ്കച്ചൻ ശക്തമായ യുവജന പങ്കാളിത്തത്തെ പ്രോത്സാഹിപ്പിച്ചു. റജിസ്ട്രേഷൻ, സ്പോൺസർഷിപ്പ് സൗകര്യങ്ങൾ എന്നിവയെക്കുറിച്ചും അദ്ദേഹം സംസാരിച്ചു. 

കോൺഫറൻസിലെ സെഷനുകൾ തന്റെ ആത്മീയ യാത്രയെ എങ്ങനെ ആഴത്തിലാക്കിയെന്ന് ജെനിഫർ അലക്സ് പങ്കുവെച്ചു. കോൺഫറൻസ് നേതൃത്വ സംഘത്തിന്റെ പ്രതിബദ്ധതയ്ക്കും കാഴ്ചപ്പാടിനും ഇടവക സെക്രട്ടറി ഏലിയാമ്മ ജേക്കബ് നന്ദി അറിയിച്ചു.

2025 ജൂലൈ 9 മുതൽ 12 വരെ കനക്‌ടികട്ട്  ഹിൽട്ടൺ സ്റ്റാംഫർഡ് ഹോട്ടൽ & എക്സിക്യൂട്ടീവ് മീറ്റിങ് സെന്ററിലാണ് കോൺഫറൻസ് നടക്കുന്നത്. റവ. ഡോ. നൈനാൻ വി. ജോർജ് (ഓർത്തഡോക്സ് വൈദിക സംഘം ജനറൽ സെക്രട്ടറി), റവ. ഡോ. റ്റിമത്തി (ടെന്നി) തോമസ് (നോർത്ത് ഈസ്റ്റ് അമേരിക്കൻ ഭദ്രാസന സൺഡേ സ്കൂൾ ഡയറക്ടർ), ഫാ. ജോൺ (ജോഷ്വ) വർഗീസ് (സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ), റവ. ഡീക്കൻ അന്തോണിയോസ് (റോബി) ആന്റണി (ടാൽമീഡോ- നോർത്ത് ഈസ്റ്റ് അമേരിക്കൻ ഭദ്രാസന മെൻസ് മിനിസ്ട്രി ഡയറക്ടർ) എന്നിവരാണ് പ്രധാന പ്രഭാഷകർ.

‘നമ്മുടെ പൗരത്വം സ്വർഗത്തിലാണ്, അവിടെനിന്നുള്ള ഒരു രക്ഷകനായ കർത്താവായ യേശുക്രിസ്തുവിനെ ഞങ്ങൾ ആകാംക്ഷയോടെ കാത്തിരിക്കുന്നു’ (ഫിലിപ്പിയർ 3:20) എന്ന ബൈബിൾ വാക്യത്തെ അടിസ്ഥാനമാക്കി ‘The Way of the Pilgrim’ (പരദേശിയുടെ വഴി) എന്നതാണ് കോൺഫറൻസിന്റെ പ്രമേയം. ബൈബിൾ, വിശ്വാസം, പാരമ്പര്യം, സമകാലിക വിഷയങ്ങൾ എന്നിവയെക്കുറിച്ച് കുട്ടികൾക്കും യുവജനങ്ങൾക്കും മുതിർന്നവർക്കും പ്രത്യേക സംവേദനാത്മക സെഷനുകൾ ഉണ്ടായിരിക്കും.

റജിസ്ട്രേഷനും കൂടുതൽ വിവരങ്ങൾക്കും www.fycnead.org സന്ദർശിക്കുക. കൂടുതൽ വിവരങ്ങൾക്ക് ഫാ. അബു വർഗീസ് പീറ്റർ, കോൺഫറൻസ് കോഓർഡിനേറ്റർ (ഫോൺ: 914-806-4595), ജെയ്‌സൺ തോമസ്, കോൺഫറൻസ് സെക്രട്ടറി (ഫോൺ: 917.612.8832), ജോൺ താമരവേലിൽ, കോൺഫറൻസ് ട്രഷറർ (ഫോൺ: 917.533.3566) എന്നിവരെ ബന്ധപ്പെടുക.
വാർത്ത∙ ഉമ്മൻ കാപ്പിൽ