ആഷ്ബേൺ ഇടവകയിൽ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി കോൺഫറൻസ് ക്യാംപെയ്ന് തുടക്കമായി

ആഷ്ബേൺ, വെർജീനിയ ∙ നോർത്തേൺ വെർജീനിയയിലെ ആഷ്ബേൺ സെന്റ് മേരീസ് ഓർത്തഡോക്സ് ഇടവകയിൽ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി & യൂത്ത് കോൺഫറൻസ് ക്യാംപെയ്ന് തുടക്കമായി. കോൺഫറൻസ് ടീമിനെ പ്രതിനിധീകരിച്ച് സുവനീർ എഡിറ്റർ ജെയ്‌സി ജോൺ, മീഡിയ കമ്മിറ്റി അംഗം ഐറിൻ ജോർജ് എന്നിവർ ചടങ്ങിൽ പങ്കെടുത്തു.

 വികാരി ഫാ. സജി തറയിൽ, മുൻ കോൺഫറൻസുകളിൽനിന്നുള്ള അനുഭവങ്ങൾ പങ്കുവച്ചു. ഐറിൻ ജോർജ് കോൺഫറൻസ് ടീമിനെ പരിചയപ്പെടുത്തുകയും 2025 ജൂലൈ 9 മുതൽ 12 വരെ കനക്‌ടികട്ട് ഹിൽട്ടൺ സ്റ്റാംഫർഡ് ഹോട്ടൽ ആൻഡ് എക്‌സിക്യൂട്ടീവ് മീറ്റിങ് സെന്ററിൽ നടക്കുന്ന കോൺഫറൻസിന്റെ തീയതി, വേദി, മുഖ്യ പ്രഭാഷകരായ റവ. ഡോ. നൈനാൻ വി. ജോർജ്, റവ. ഡോ. റ്റിമത്തി (ടെന്നി) തോമസ്, ഫാ. ജോൺ (ജോഷ്വ) വർഗീസ്, റവ. ഡീക്കൻ അന്തോണിയോസ് (റോബി) ആന്റണി എന്നിവരെക്കുറിച്ചും വിശദീകരിച്ചു.

ജയ്‌സി ജോൺ റജിസ്ട്രേഷൻ പ്രക്രിയയും കോൺഫറൻസ് സുവനീറിനെക്കുറിച്ചുള്ള വിവരങ്ങളും പങ്കുവെച്ചു. സുവനീറിലേക്ക് പരസ്യങ്ങളും വ്യക്തിഗത ആശംസകളും നൽകാൻ ഇടവകാംഗങ്ങളെ ക്ഷണിച്ചു. കോൺഫറൻസിന്റെ ഭാഗമായ എന്റർടൈൻമെന്റ് നെറ്റിൽ പങ്കാളികളാകാനും ഐറിൻ അഭ്യർഥിച്ചു. ഫാമിലി കോൺഫറൻസ് സുവനീറിനുള്ള ഇടവകയുടെ സംഭാവന ഭാരവാഹികൾ കോൺഫറൻസ് ടീമിന് കൈമാറി.

ഫിലിപ്പിയർ 3:20 ലെ ‘നമ്മുടെ പൗരത്വം സ്വർഗത്തിലാണ്, അവിടെനിന്നുള്ള ഒരു രക്ഷകനായ കർത്താവായ യേശുക്രിസ്തുവിനെ ഞങ്ങൾ ആകാംക്ഷയോടെ കാത്തിരിക്കുന്നു’ എന്ന ബൈബിൾ വാക്യത്തെ അടിസ്ഥാനമാക്കി ‘The Way of the Pilgrim’ (പരദേശിയുടെ വഴി) എന്നതാണ് ഈ വർഷത്തെ കോൺഫറൻസിന്റെ പ്രമേയം. കുട്ടികൾക്കും യുവജനങ്ങൾക്കും മുതിർന്നവർക്കും ബൈബിൾ, വിശ്വാസം, പാരമ്പര്യം, സമകാലിക വിഷയങ്ങൾ എന്നിവയെക്കുറിച്ച് പ്രത്യേക സെഷനുകൾ ഉണ്ടായിരിക്കും.

കൂടുതൽ വിവരങ്ങൾക്കും റജിസ്ട്രേഷനുമായി www.fycnead.org സന്ദർശിക്കുക. ഫാ. അബു വർഗീസ് പീറ്റർ (കോൺഫറൻസ് കോഓർഡിനേറ്റർ, ഫോൺ: 914-806-4595), ജെയ്‌സൺ തോമസ് (കോൺഫറൻസ് സെക്രട്ടറി, ഫോൺ: 917.612.8832), ജോൺ താമരവേലിൽ (കോൺഫറൻസ് ട്രഷറർ, ഫോൺ: 917.533.3566) എന്നിവരുമായി ബന്ധപ്പെടാവുന്നതാണ്.

വാർത്ത∙ ഉമ്മൻ കാപ്പിൽ