ഗ്രേയ്റ്റർ ന്യൂയോർക്ക് കേരളാസമാജം വാർഷികവും വിഷു-ഈസ്റ്റർ ആഘോഷവും മേയ് മൂന്നിന്

ന്യൂയോർക്ക്∙ ഗ്രേയ്റ്റർ ന്യൂയോർക്ക് കേരളാസമാജത്തിന്റെ അൻപത്തിമൂന്നാമത് വാർഷിക പ്രവർത്തനോദ്ഘാടനവും വിഷു-ഈസ്റ്റർ ആഘോഷവും മേയ് 3ന് വൈകിട്ട് 6 മണിക്ക് ഫ്ലോറൽ പാർക്കിലെ ടൈസൺ സെന്റർ ഓഡിറ്റോറിയത്തിൽ (Tyson Center, 26 North Tyson Avenue, Floral Park, NY 11001) നടക്കും. 

സമാജം പ്രസിഡന്റ് സജി ഏബ്രഹാം, സെക്രട്ടറി മാത്യുക്കുട്ടി ഈശോ, ട്രഷറർ വിനോദ് കെയാർക്കെ, വൈസ് പ്രസിഡന്റ് ബെന്നി ഇട്ടീറ, ജോയിന്റ് സെക്രട്ടറി ജോസി സ്കറിയ, ബോർഡ് ഓഫ് ട്രസ്റ്റീ ചെയർമാൻ വിൻസെന്റ് സിറിയക് എന്നിവരുടെ നേതൃത്വത്തിലുള്ള ഭരണസമിതിയും എക്സിക്യൂട്ടീവ് കമ്മിറ്റി അംഗങ്ങളും ബോർഡ് ഓഫ് ട്രസ്റ്റീ അംഗങ്ങളും ചേർന്നാണ് ആഘോഷങ്ങൾക്ക് നേതൃത്വം നൽകുന്നത്.

പ്രവർത്തനോദ്ഘാടനത്തോടനുബന്ധിച്ച് ഈസ്റ്റർ-വിഷു ആഘോഷവും, സമാജത്തിലെ മുൻകാല പ്രസിഡന്റുമാരെ ഒരുമിപ്പിച്ച് പ്രസിഡന്റ്‌സ് ഫോറം രൂപീകരിക്കുന്നതിന്റെ ഉദ്ഘാടനവും സമാജത്തിന്റെ ചരിത്രത്തിലാദ്യമായി നടക്കും. മേഴ്‌സി ഹോസ്പിറ്റൽ ചാപ്ലയിനും പ്രശസ്ത വാഗ്മിയുമായ ഫാ. യേശുദാസ് ഈസ്റ്റർ സന്ദേശവും, നോർത്തവെൽ ആശുപത്രിയിലെ പ്രശസ്ത നെഫ്രോളജിസ്‌റ്റ് ഡോ. മധു ഭാസ്കർ വിഷുസന്ദേശവും നൽകും.

പ്രാദേശിക കലാകാരികളുടെ ഡാൻസുകളും ഗാനങ്ങളും ഉണ്ടായിരുന്നു. കമ്മിറ്റി അംഗങ്ങളായ ലീലാ മാരേട്ട്, ഷാജി വർഗ്ഗീസ്, ഹേമചന്ദ്രൻ, മാമ്മൻ എബ്രഹാം, തോമസ് വർഗ്ഗീസ്, ബാബു പാറക്കൽ, പ്രകാശ് തോമസ്, ചാക്കോ കോയിക്കലത്ത്, ജോയ്‌സൺ വർഗ്ഗീസ് എന്നിവരും ട്രസ്റ്റി ബോർഡ് അംഗങ്ങളായ വർഗ്ഗീസ് കെ. ജോസഫ്, പോൾ പി. ജോസ്, ഫിലിപ്പോസ് കെ. ജോസഫ്, തോമസ് ഡേവിഡ് എന്നിവരും പരിപാടികൾക്ക് ചുക്കാൻ പിടിക്കും . പ്രവേശനം പാസ് മൂലം നിയന്ത്രിക്കുമെന്ന് ഭാരവാഹികൾ അറിയിച്ചു.

കൂടുതൽ വിവരങ്ങൾക്ക്: സജി ഏബ്രഹാം, പ്രസിഡന്റ്: (917) 617-3959, മാത്യുക്കുട്ടി ഈശോ, സെക്രട്ടറി: (516) 455-8596, വിനോദ് കെയാർക്കെ, ട്രഷറർ: (516) 633-5208.