തിരഞ്ഞെടുപ്പ് കാനഡയില്‍; മുഖ്യവിഷയമായി ട്രംപ്

ഹൂസ്റ്റണ്‍ ∙ പുതിയ പ്രസിഡന്റിനായുള്ള വോട്ടെടുപ്പ് കാനഡയിലാണെങ്കിലും പ്രചാരണം യുഎസ് പ്രസിഡന്റ് ഡോണള്‍ഡ് ട്രംപിനെ കേന്ദ്രീകരിച്ചാണ് പുരോഗമിക്കുന്നത്. യുഎസ് പ്രസിഡന്റിന്റെ വ്യാപാര യുദ്ധവും കാനഡയെ 51-ാമത്തെ സംസ്‌ഥാനമാക്കുമെന്ന ഭീഷണിയും കാനഡക്കാരെ പ്രകോപിപ്പിക്കുകയും ദേശീയത വലിയ ചര്‍ച്ചയാവുകയും ചെയ്‌തു. പാര്‍ലമെന്റ് തിരഞ്ഞെടുപ്പ് നടക്കുമ്പോള്‍ ലിബറല്‍ പാര്‍ട്ടി അഭിപ്രായ വോട്ടെടുപ്പുകളിലെങ്കിലും മുന്‍തൂക്കം നേടിക്കൊടുക്കുന്നതിനും കാരണമായി.

'ട്രംപാണ് പ്രചാരണ വിഷയം. ട്രംപിനെ നേരിടാന്‍ നമ്മള്‍ തിരഞ്ഞെടുക്കുന്ന വ്യക്തി ആരാണെന്നതാണ് ബാലറ്റിലൂടെ തീരുമാനിക്കേണ്ടത്. എല്ലാം മാറിയിരിക്കുന്നു.' - മുന്‍ ക്യൂബെക്ക് പ്രീമിയര്‍ ജീന്‍ ചാരെസ്റ്റ് പറഞ്ഞു. 1988 മുതല്‍ വിദേശനയം ഒരു കനേഡിയന്‍ തിരഞ്ഞെടുപ്പിനെയും ഇത്രയധികം സ്വാധീനിച്ചിട്ടില്ല. അമേരിക്കയുമായുള്ള സ്വതന്ത്ര വ്യാപാരം രാഷ്‌ട്രീയ ചര്‍ച്ചകളില്‍ ആധിപത്യം പുലര്‍ത്തിയിരുന്ന ഒരു ഘട്ടവും ഉണ്ടായിരുന്നു.

ജസ്റ്റിന്‍ ട്രൂഡോയുടെ രാജിയെത്തുടര്‍ന്ന് മാര്‍ച്ച് 14ന് സത്യപ്രതിജ്ഞ ചെയ്ത ലിബറല്‍ നേതാവായ പ്രധാനമന്ത്രി മാര്‍ക്ക് കാര്‍ണി വോട്ടെടുപ്പുകളില്‍ മുന്നിലെത്തി. ട്രംപ് കാനഡയുടെ സമ്പദ്‌വ്യവസ്ഥയെയും പരമാധികാരത്തെയും വിമര്‍ശിക്കാന്‍ തുടങ്ങുന്നതുവരെ വന്‍ പരാജയത്തിലേക്ക് പോവുകയായിരുന്നു ഒരു പാര്‍ട്ടിക്ക് ഇതു നാടകീയമായ തിരിച്ചുവരവായി.

'നമ്മള്‍ ഒരു പ്രതിസന്ധിയിലാണ്.  ട്രംപ് കാനഡയെ ഭീഷണിപ്പെടുത്തുകയാണ്, അദ്ദേഹം നമ്മുടെ കമ്പനികളെ ഭീഷണിപ്പെടുത്തുകയാണ്, അദ്ദേഹം നമ്മുടെ തൊഴിലാളികളെ ഭീഷണിപ്പെടുത്തുകയാണ്, അദ്ദേഹം നമ്മുടെ വിരമിച്ചവരുടെ സമ്പാദ്യത്തെ ഭീഷണിപ്പെടുത്തുകയാണ്,' കാര്‍ണി ചൊവ്വാഴ്ച പറഞ്ഞു. 'ഈ ഭീഷണി ഒരു സാമ്പത്തിക ഭീഷണി മാത്രമല്ല, അത് ഒരു നിലനില്‍പ്പിനുള്ള ഭീഷണിയാണ്.'- എന്നായിരുന്നു കാര്‍ണി ജനങ്ങളോട് പറഞ്ഞത്.

കുറച്ച് മാസങ്ങള്‍ക്ക് മുമ്പ് വരെ, കണ്‍സര്‍വേറ്റീവ് പാര്‍ട്ടി നേതാവ് പിയറി പൊയിലീവ്രെ അടുത്ത പ്രധാനമന്ത്രിയാകാനുള്ള സാധ്യതയാണ് പ്രവചിക്കപ്പെട്ടിരുന്നത്. ഒരു ദശാബ്ദത്തിനിടെ ആദ്യമായി തന്റെ പ്രതിപക്ഷ വിഭാഗത്തെ അധികാരത്തിലേക്ക് തിരികെ കൊണ്ടുവരാമെന്ന് അദ്ദേഹവും കണക്കു കൂട്ടിയിരുന്നു.

ട്രംപിന്റെ കടുത്ത സംസാരം വിദേശത്തുള്ള അദ്ദേഹത്തിന്റെ പ്രത്യയശാസ്ത്ര സഖ്യകക്ഷികളെ വേദനിപ്പിച്ചേക്കാം എന്നാണ് പൊതുവേ വിലയിരുത്തപ്പെടുന്നത്. 2003 മുതല്‍ 2012 വരെ കാനഡയിലെ ഫ്രഞ്ച് സംസാരിക്കുന്ന പ്രവിശ്യയെ നയിച്ച മിതവാദിയായ ചാരെസ്റ്റ്, ട്രംപ് വിദേശത്തുള്ള തന്റെ പ്രത്യയശാസ്ത്ര സഖ്യകക്ഷികളെ സഹായിക്കാന്‍ ആഗ്രഹിക്കുന്നുവെങ്കില്‍, അദ്ദേഹം കുറച്ചു കൂടി സംയമനം പാലിക്കണമെന്ന് ആവശ്യപ്പെടുന്നു.

'ട്രംപ് ആളുകള്‍ ഏത് ഘട്ടത്തിലാണ് അദ്ദേഹത്തിന്റെ സംസാരത്തിന്റെ അനന്തരഫലങ്ങള്‍ എന്താണെന്ന് പരിശോധിക്കുന്നതെന്ന് ചാരെസ്റ്റ് ചോദിക്കുന്നു. 'വൈറ്റ് ഹൗസില്‍ ഇരുന്ന് ലോകത്ത് ട്രംപ് ചെലുത്തുന്ന സ്വാധീനത്തെക്കുറിച്ച് ചിന്തിക്കണമെന്നും അദ്ദേഹം ഓര്‍മിപ്പിക്കുന്നു. ട്രംപ് കനേഡിയന്‍ സാധനങ്ങള്‍ക്ക് ഉയര്‍ന്ന തീരുവ ചുമത്തുമെന്ന് ഭീഷണിപ്പെടുത്തുന്ന സാഹചര്യത്തില്‍ തിരഞ്ഞെടുപ്പില്‍ ഇതു വലിയ ചര്‍ച്ചയാണ്. തിരഞ്ഞെടുക്കപ്പെട്ടാല്‍, ഇരു രാജ്യങ്ങളുടെയും സമ്പദ്വ്യവസ്ഥയെ ബാധിക്കുന്ന അനിശ്ചിതത്വം അവസാനിപ്പിക്കാന്‍ രാജ്യങ്ങളുടെ സ്വതന്ത്ര വ്യാപാര കരാറിന്റെ പുനര്‍ചര്‍ച്ചകള്‍ ത്വരിതപ്പെടുത്തുമെന്ന് കാര്‍ണിയും പൊയ്ലിവ്രെയും പറയുന്നതിനും കാണം ഇതാണ്.

കാനഡയുടെ കയറ്റുമതി വൈവിധ്യവത്കരിക്കാന്‍ കാര്‍ണി പദ്ധതിയിടുന്നു, കൂടാതെ 'മാറുന്ന അന്തരീക്ഷം കണക്കിലെടുത്ത്' മറ്റ് ഓപ്ഷനുകള്‍ ഉണ്ടോ എന്ന് പരിശോധിക്കാനും യുഎസ് എഫ്-35 യുദ്ധവിമാനങ്ങളുടെ ശേഷിക്കുന്ന വാങ്ങല്‍ ഓര്‍ഡര്‍ അവലോകനം ചെയ്യാനും അദ്ദേഹം തീരുമാനം എടുത്തിട്ടുണ്ട്. പ്രധാനമന്ത്രി എന്ന നിലയിലുള്ള തന്റെ ആദ്യ യാത്രകള്‍ക്കായി കാര്‍ണി വാഷിങ്‌ടനിലേക്കല്ല, പാരിസിലേക്കും ലണ്ടനിലേക്കുമാണ് പോയത്. എന്നാല്‍ കാനഡയുടെ കയറ്റുമതിയുടെ ഏകദേശം 80% യുഎസിലേക്കാണ് എന്നതു കൊണ്ട് ഇത് എത്രമാത്രം എളുപ്പമാണ് എന്ന് അറിയില്ല.

അഞ്ച് വര്‍ഷത്തിനുള്ളില്‍ 3-5% മാറ്റം വരുത്തിയാലും അത് ഒരു നേട്ടമാകുമെന്ന് അദ്ദേഹം ചൂണ്ടിക്കാട്ടി. 'പ്രധാന കാര്യങ്ങളില്‍ നമുക്ക് ശ്രദ്ധ പുലര്‍ത്താം. നമ്മുടെ ഉപഭോക്താക്കളില്‍ 78% അവരാണ്. അതിനാല്‍ നമുക്ക് ആ വെല്ലുവിളി നേരിടേണ്ടതുണ്ട്.' ഒരു നിയമ സ്ഥാപനത്തില്‍ മുതിര്‍ന്ന ഉപദേശകനായി പ്രവര്‍ത്തിക്കുന്ന കണ്‍സര്‍വേറ്റീവ് ബെയര്‍ഡ് പറഞ്ഞു.

∙ പോളുകള്‍ എന്താണ് പറയുന്നത്?
ജനുവരി മധ്യത്തില്‍ നാനോസ് നടത്തിയ ഒരു വോട്ടെടുപ്പില്‍, ലിബറലുകള്‍ കണ്‍സര്‍വേറ്റീവ് പാര്‍ട്ടിയെ 47% മുതല്‍ 20% വരെ പിന്നിലാക്കി. ഏപ്രില്‍ 25 ന് അവസാനിച്ച മൂന്ന് ദിവസ കാലയളവില്‍ നടത്തിയ നാനോസിന്റെ ഏറ്റവും പുതിയ വോട്ടെടുപ്പില്‍, ലിബറലുകള്‍ ദേശീയതലത്തില്‍ മൂന്ന് ശതമാനം പോയിന്റുകളും കാനഡയിലെ ഏറ്റവും ജനസംഖ്യയുള്ള പ്രവിശ്യയായ ഒന്റാറിയോയില്‍ അഞ്ച് പോയിന്റുകളും മുന്നിലായിരുന്നു.

പാര്‍ലമെന്റിലെ 343 സീറ്റുകളില്‍ 122 സീറ്റുകളും ഇവിടെയാണ്. ജനുവരിയിലെ വോട്ടെടുപ്പില്‍ 3.1 പോയിന്റുകളുടെ വ്യത്യാസമാണ് രേഖപ്പെടുത്തിയതെങ്കില്‍, ഏറ്റവും പുതിയ വോട്ടെടുപ്പില്‍ 2.7 പോയിന്റുകളുടെ വ്യത്യാസമാണ് രേഖപ്പെടുത്തുന്നത്.