500,000 കുടിയേറ്റക്കാരുടെ പദവി റദ്ദാക്കാൻ അനുവദിക്കണമെന്ന് സുപ്രീം കോടതിയോട് ട്രംപ് ഭരണകൂടം

ടെക്സസ് ∙ "മാനുഷിക" കാരണങ്ങളാൽ അര ദശലക്ഷത്തിലധികം കുടിയേറ്റക്കാർക്ക് യുഎസിൽ നിയമപരമായി പ്രവേശിക്കാനും താമസിക്കാനും അനുവദിച്ച ബൈഡൻ കാലഘട്ടത്തിലെ പ്രോഗ്രാം അവസാനിപ്പിക്കാൻ ഇമിഗ്രേഷൻ ഉദ്യോഗസ്ഥരെ അനുവദിക്കണമെന്ന് ട്രംപ് ഭരണകൂടം സുപ്രീം കോടതിയോട് അഭ്യർഥിച്ചു.

ക്യൂബ, ഹെയ്തി, നിക്കരാഗ്വ, വെനിസ്വേല എന്നിവിടങ്ങളിൽ നിന്നുള്ള ആളുകൾക്കുള്ള പ്രോഗ്രാം അവസാനിപ്പിക്കുന്നതിൽ നിന്ന് ഭരണകൂടത്തെ തടയുന്ന കീഴ്‌ക്കോടതി ഉത്തരവ് പിൻവലിക്കണമെന്ന് ആവശ്യപ്പെട്ട് സോളിസിറ്റർ ജനറൽ ജോൺ സോവർ വ്യാഴാഴ്ച അടിയന്തര അപ്പീൽ നൽകി.

കഴിഞ്ഞ മാസം ബോസ്റ്റണിലെ ഒരു ഫെഡറൽ ജഡ്ജി, ഈ പ്രോഗ്രാമിലെ കുടിയേറ്റക്കാർക്ക് യുഎസിലെ നിയമപരമായ പദവി റദ്ദാക്കുന്നതിന് മുൻപ്, കേസ് അനുസരിച്ച് അവലോകനത്തിന് അർഹതയുണ്ടെന്ന് വിധിച്ചിരുന്നു. അതേസമയം ഇത് തെറ്റാണെന്നാണ് സോവർ വാദിക്കുന്നത്.