ഏഴു വയസ്സുള്ള കുട്ടിയെ പീഡിപ്പിച്ചു: 80 വയസ്സുകാരന് 60 വർഷത്തെ തടവ് ശിക്ഷ

റിച്ചഡ്സൺ (ടെക്സസ്)∙ ഏഴു വയസ്സുള്ള കുട്ടിയെ ലൈംഗികമായി ദുരുപയോഗം ചെയ്ത കേസിലെ പ്രതിക്ക്  60 വർഷം തടവ് ശിക്ഷ വിധിച്ച് കോടതി. റിച്ചഡ്സണിലെ ജോർജ് ഓർട്ടൺ ജൂനിയർ (80) ആണ് കേസിൽ ശിക്ഷപ്പെട്ടത്. കഴിഞ്ഞ വർഷം ഒക്ടോബറിൽ നടന്ന വിചാരണയിൽ ജോർജ് കുറ്റക്കാരനാണെന്ന് ജൂറി കണ്ടെത്തിയിരുന്നു.

ജില്ലാ ജഡ്ജി ബ്രാന്റ്ലി സ്റ്റാറാണ് വിധി പ്രസ്താവിച്ചത്. കുട്ടികൾക്കെതിരായ കുറ്റകൃത്യങ്ങൾ ഒരുതരത്തിലും അനുവദിക്കില്ലെന്ന ശക്തമായ സന്ദേശമാണ് കോടതി വിധിയിലൂടെ ലഭിക്കുന്നതെന്ന് എഫ്ബിഐ ഡാലസ് സ്പെഷൽ ഏജന്റ് ഇൻ ചാർജ് ആർ. ജോസഫ് റോത്രോക്ക് പറഞ്ഞു.