13,500 കോടിയുടെ വായ്പതട്ടിപ്പ്; ഇന്ത്യ അഭ്യർഥിച്ചു, യുഎസ് നീരവിനെ പിടികൂടി

ന്യൂഡൽഹി ∙ എൻഫോഴ്സ്മെന്റ് ഡയറക്ട‌റേറ്റ്, സിബിഐ എന്നീ ഇന്ത്യൻ ഏജൻസികൾ അഭ്യർഥിച്ചതനുസരിച്ചു നീരവ് മോദിയുടെ ഇളയ സഹോദരൻ നെഹൽ മോദിയെ (46) യുഎസ് അധികൃതർ അറസ്റ്റ് ചെയ്തു. ഇയാളെ വിട്ടുകിട്ടാൻ ഇന്ത്യ ശ്രമം തുടരുകയാണ്. 13,500 കോടിയുടെ വായ്പതട്ടിപ്പുക്കേസിൽ നീരവിനും അമ്മാവൻ മെഹുൽ ചോക്സിക്കുമൊപ്പം പ്രതിയാണ് നെഹൽ. അഴിമതി നടത്താൻ നീരവിനെ സഹായിച്ചു.

വിദേശത്തേക്ക് അനധികൃതമായി പണം കടത്തി, തെളിവു നശിപ്പിച്ചു തുടങ്ങിയ കുറ്റങ്ങളാണ് ഇയാൾക്കെതിരെ ചുമത്തിയിട്ടുള്ളത്. 17ന് കോടതിയിൽ നെഹൽ ജാമ്യത്തിന് അപേക്ഷ നൽകാം. ബൽജിയത്തിൽ ജനിച്ചു വളർന്നയാളാണു നെഹൽ. ബ്രിട്ടനിൽ തടവിലാണു നീരവ് മോദി. മെഹുൽ ചോക്സി ബൽജിയത്തിൽ കോടതി നടപടികൾ നേരിടുകയാണ്.