മനസ്സിന്റെ സമനില വീണ്ടെടുക്കുന്നതിനു ‘ശീർഷാസനം’ രണ്ടാംഘട്ടം
Mail This Article
ഈ ആസനം ചെയ്യുന്നതു മൂലം തലച്ചോറിനെയും അതിനോട നുബന്ധിച്ചുളള നാഡീഞരമ്പുകളെയും ഉത്തേജിപ്പിക്കുന്നതിനു സഹായിക്കുന്നു. കൂടാതെ മനസ്സിന്റെ സമനില വീണ്ടെടുക്കുന്നതിനു സാധിക്കുന്നു.
ചെയ്യുന്ന വിധം: ഇരുകാലുകളും പുറകോട്ടു മടക്കി പൃഷ്ഠ ഭാഗം കാലുകളുടെ ഉപ്പൂറ്റിയിൽ വരത്തക്കവണ്ണം ഇരിക്കുക. ഇനി മുന്നോട്ടു കുനിഞ്ഞ് രണ്ടു കൈകളും തറയിൽ കുത്തി കൈമുട്ടുകൾ രണ്ടും മടക്കുക. ഇരു കൈകളുടെയും വിരലു കൾ കോർത്തു പിടിക്കേണ്ടതാണ്. ഈ അവസ്ഥയിൽ കൈമുട്ടു മുതൽ പാദം വരെയുള്ള അളവായിരിക്കും കൈമുട്ടു കൾ തമ്മിലുള്ള അകലവും. ഇനി പൃഷ്ഠഭാഗം കാലുകളിൽ നിന്ന് ഉയർത്തി കുനിഞ്ഞു തലയുടെ പുറകുവശം ഉള്ളം കയ്യിൽ താങ്ങുന്നവിധം ഉറപ്പിക്കുക. ഈ നിലയിൽ കാല്മുട്ടു കളും തറയിൽ നിന്ന് ഉയർത്തുക. ഈ നിലയിൽ നിന്നു സാവധാനം ശ്വാസമെടുക്കുകയും വിടുകയും ചെയ്യാവുന്ന താണ്. ഇങ്ങനെ പറ്റുന്നത്ര സമയം ആവർത്തിക്കാവുന്നതാണ്.