വ്യായാമം പ്രോത്സാഹിപ്പിക്കാൻ 'ഫിറ്റ് ഇന്ത്യ' എത്തി

ആരോഗ്യകരമായ ഭാവിയിലേക്ക് ഇന്ത്യയെ നയിക്കാൻ ലക്ഷ്യമിട്ടുള്ള 'ഫിറ്റ് ഇന്ത്യ' പദ്ധതിക്ക് പ്രധാനമന്ത്രി നരേന്ദ്ര മോദി തുടക്കം കുറിച്ചു. ദേശീയ കായിക ദിനാഘോഷ ചടങ്ങുകളോടനുബന്ധിച്ചായിരുന്നു ഉദ്ഘാടനം.

കായികക്ഷമത അപാരമായ പ്രതിഫലം തരുന്ന നിക്ഷേപമാണെന്ന് പ്രധാനമന്ത്രി പറഞ്ഞു. സാങ്കേതികവിദ്യ വളർന്നതോടെ ഇന്ത്യക്കാരുടെ കായികക്ഷമത കുറഞ്ഞു. ഇപ്പോൾ അതേ സാങ്കേതികവിദ്യ തന്നെയാണ് നമ്മൾക്ക് ആരോഗ്യമില്ലെന്നു ചൂണ്ടിക്കാണിച്ചു തരുന്നതെന്ന് അദ്ദേഹം പറഞ്ഞു.

ദൈനംദിന ജീവിതത്തിൽ വ്യായാമവും കായിക ഇനങ്ങളും ഉൾപ്പെടുത്താൻ ജനങ്ങളെ പ്രോത്സാഹിപ്പിക്കാനാണ് ഫിറ്റ് ഇന്ത്യ പദ്ധതി. കേന്ദ്ര സ്പോർട്സ് മന്ത്രി കിരൺ റിജിജു അധ്യക്ഷനായ സമിതി ഇതിനായി രൂപവൽക്കരിച്ചിട്ടുണ്ട്.