sections
MORE

ഭാരം കുറയ്ക്കാന്‍ സഹായിക്കുന്ന പ്രാതൽ വിഭവങ്ങൾ

weight loss breakfast
SHARE

ഭാരം കുറയ്ക്കാന്‍ വേണ്ടി പട്ടിണി കിടന്നിട്ടു കാര്യമില്ല. അത് ഉള്ള ആരോഗ്യം കൂടി നശിപ്പിക്കും. എന്നാല്‍ എന്താണു ശരിക്കും ഭാരം കുറയ്ക്കാന്‍ ചെയ്യേണ്ടത് ? അതിനുള്ള പോംവഴി ശരിയായ ആഹാരശീലങ്ങളും നല്ല വ്യായാമവുമാണ്. ഒരു ദിവസത്തെ ഏറ്റവും പ്രധാനപ്പെട്ട ആഹാരമാണ് ബ്രേക്ക്ഫാസ്റ്റ് അഥവാ പ്രാതല്‍. അപ്പോള്‍ പ്രാതല്‍ ഏറ്റവും ഗുണകരമായി കഴിച്ചാലോ? ഭാരം കുറയും എന്നതില്‍ സംശയം വേണ്ട. അത്തരം ചില ബ്രേക്ക്‌ഫാസ്റ്റ് വിഭവങ്ങൾ നോക്കാം.

മുട്ട - പ്രോട്ടീന്‍ കലവറയാണ് മുട്ട; പ്രാതലിനു പറ്റിയ വിഭവവും. വയറു നിറഞ്ഞ ഫീല്‍ നല്‍കാന്‍ മുട്ടയ്ക്കു സാധിക്കും. മുട്ട പുഴുങ്ങിയോ ഓംലറ്റ് ആക്കിയോ കഴിക്കാം. 

ഓട്സ് - ഫൈബര്‍ ധാരാളം അടങ്ങിയ ഓട്സ് ആരോഗ്യത്തിനും ദഹനത്തിനും നല്ലതാണ്. ഓട്സ് കഴിക്കുമ്പോള്‍ അവയ്ക്കൊപ്പം പഴങ്ങള്‍, നട്സ് എല്ലാം ചേര്‍ക്കാം. 

നട്സ് - പോഷകസമ്പന്നമാണ് നട്സ്. കാലറി ധാരാളം അടങ്ങിയ നട്സ് ബ്രേക്ക്‌ഫാസ്റ്റ് വിഭവം ആയി കഴിക്കുന്നത്‌ ഉച്ചയ്ക്ക് അമിതമായി ആഹാരം കഴിക്കാതെ രക്ഷിക്കും. പാലിലോ സ്മൂത്തിയിലോ ചേര്‍ത്തും നട്സ് കഴിക്കാം.

ഷേക്ക് - ഹെല്‍ത്തി ഷേക്ക് കുടിക്കുന്നത് ബ്രേക്ക്‌ഫാസ്റ്റ് സമ്പന്നമാക്കും. ഇതിനൊപ്പം പ്രോട്ടീന്‍ പൗഡര്‍, പഴങ്ങള്‍, നട്സ് എന്നിവയും ചേര്‍ക്കാം.

ഒഴിവാക്കേണ്ടത്

∙ പാക്കറ്റ് ജ്യൂസുകള്‍ ഒരിക്കലും പ്രാതലില്‍ ചേര്‍ക്കേണ്ട. ഇതിൽ അമിതമായി മധുരം ചേര്‍ന്നിട്ടുണ്ട്.
∙ എണ്ണമയം ഉള്ള ആഹാരം ഒഴിവാക്കണം.
∙ ഫ്രഷ്‌ ആയി ഉണ്ടാക്കിയ പ്രാതല്‍ കഴിക്കുക.
∙ അമിതമായി വാരിവലിച്ചു കഴിക്കേണ്ടതല്ല പ്രാതല്‍ എന്നോര്‍ക്കുക.

English Summary: Weight Loss: Breakfast Options

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN FITNESS & YOGA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA