തലകുത്തി നിൽക്കുന്ന വ്യായാമ വിഡിയോയുമായി ടോവിനോ

ഫിറ്റ്നസിന്റെ കാര്യത്തിൽ മാസാണ് ടോവിനോ തോമസ്. അബു സലിമിന്റെ പുഷ്അപ് ചാലഞ്ച് ഏറ്റെടുത്ത് പുഷ്അപ് ചെയ്യുന്ന ടോവിനോയുടെ വിഡിയോ വൈറലായിരുന്നു. ഇപ്പോൾ തല കുത്തിനിന്ന് വ്യായാമം ചെയ്യുന്ന വിഡിയോയാണ് സമൂഹമാധ്യമങ്ങളിൽ പ്രചരിക്കുന്നത്. ‘തല കുത്തി നിൽക്കാൻ പറ്റുവോ സക്കീർ ഭായിക്ക് ? But I can’ എന്ന ക്യാപ്ഷനോടെ താരം തന്നെയാണ് വിഡിയോ സമൂഹമാധ്യമത്തിൽ പങ്കുവച്ചത്. 

സാമൂഹിക, ജീവകാരുണ്യ പ്രവർത്തനങ്ങളിലും താരം സജീവമാണ്. രണ്ടു ദിവസം മുൻപ് ലോകരക്തദാന ദിനത്തിൽ ടോവിനോ രക്തദാനം നടത്തിയതും ഓൺലൈൻ ക്ലാസിൽ പങ്കെടുക്കാൻ സൗകര്യമില്ലാതിരുന്ന കുട്ടിക്ക് ടിവി സമ്മാനിച്ചതും വാർത്തയായിരുന്നു.

English Summary: Actor Tovino Thomas's workout video