യോഗാദിനത്തിൽ അതിശയിപ്പിക്കുന്ന യോഗാസനങ്ങളുമായി നടി ശിവദ

പതിവു തെറ്റിക്കാതെ യോഗാദിനത്തിലും വ്യത്യസ്ത ആസനങ്ങളുമായി നടി ശിവദ. നന്നായി മെയ് വഴക്കമുള്ളവർ അഭ്യസിക്കുന്ന യോഗാസനങ്ങളാണ് ഇന്ന് താരം ചെയ്തിരിക്കുന്നത്.

ശിവദയ്ക്ക് യോഗ നിത്യജീവിതത്തിന്റെ ഒരു ഭാഗമാണ്. ദിവസവും ഒരു മണിക്കൂർ നടി യോഗ ചെയ്യാനായി മാറ്റിവയ്ക്കാറുമുണ്ട്. ദിവസവുമുള്ള ഈ യോഗാഭ്യാസമാണ് തന്നെ പോസിറ്റീവായി നിലനിലർത്തുന്നതെന്ന വിശ്വാസമാണ് ശിവദയ്ക്ക്.

ഗർഭകാലത്തെ ആദ്യ മൂന്നു മാസങ്ങളിൽ മാത്രമാണ് ശിവദ യോഗ ഉപേക്ഷിച്ചത്. അതിനു ശേഷം മുടങ്ങാതെ ചെയ്ത യോഗയാണ് തന്റെ ഗർഭകാലവും പ്രസവവും പ്രശ്നങ്ങളില്ലാതെ കടന്നു പോകാൻ സഹായിച്ചതെന്ന് ശിവദ പറഞ്ഞിട്ടുണ്ട്. 

Content Summary : Sshivada's yoga asanas