Manoramaonline.com no longer supports Internet Explorer 8 or earlier. Please upgrade your browser.  Learn more »

പെട്ടെന്ന് മെലിയാൻ മിലിട്ടറി ഡയറ്റിങ്

military-dieting

പല തരത്തിലുള്ള ഡയറ്റിങ്ങിനെക്കുറിച്ച് കേട്ടിട്ടുണ്ട്. എന്നാൽ മിലിട്ടറി ഡയറ്റിങ് എന്നു കേട്ടിട്ടുണ്ടോ?  തെറ്റിദ്ധരിക്കേണ്ട. പേരിൽ സൂചിപ്പിക്കുന്നതുപോലെ ഈ ഡയറ്റിങ്ങിന് പട്ടാളക്കാരുമായി ബന്ധമില്ല. എന്നാൽ പട്ടാളക്കാരുടെ ജീവിതരീതിയുമായി ചില സാദൃശ്യങ്ങളുണ്ടെന്നുമാത്രം. 

∙വിവാഹമടുക്കാറാകുമ്പോൾ പെൺകുട്ടികളും ആൺകുട്ടികളും ഇത്തരത്തിൽ മിലിട്ടറി ഡയറ്റിങ് നടത്താറുണ്ടത്രേ. ഗുരുതരമായ ആരോഗ്യപ്രശ്നങ്ങൾ ഇല്ലെങ്കിൽ മാത്രമേ മിലിട്ടറി ഡയറ്റിങ് നടത്താവൂ എന്ന് ഡോക്ടർമാർ മുന്നറിയിപ്പു നൽകുന്നു. 

∙കഠിനമായ വ്യായാമമാണ് മിലിട്ടറി ഡയറ്റിങ്ങിന്റെ മുഖമുദ്ര. ദിവസവും മൂന്നു മണിക്കൂർ എങ്കിലും വ്യായാമത്തിനായി നീക്കി വയ്ക്കുക. പുഷ് അപ്, ഓട്ടം പോലുള്ള ശ്രമകരമായ അഭ്യാസങ്ങളാണ് ചെയ്യേണ്ടത്. ശരീരം നന്നയി വിയർക്കുന്നുണ്ടെന്ന് ഉറപ്പുവരുത്തണം

∙ഏറ്റവും പരിമിതമായ ആഹാരമാണ് ഈ കാലയളവിൽ കഴിക്കാവൂ. അന്നജം അടങ്ങിയ ഭക്ഷണം (ഉദാ. ചോറ്) പൂർണമായും ഒഴിവാക്കണം. പല തവണയായി വളരെ ചെറിയ അളവിൽ ഇടവിട്ടുമാത്രമേ കഴിക്കാവൂ. വിശപ്പ് തോന്നാതിരിക്കാൻ മാത്രമുള്ള ഭക്ഷണമേ അകത്താക്കാവൂ.

∙ധാരാളം വെള്ളം കുടിച്ച് വയർ നിറയ്ക്കുക എന്നതാണ് മറ്റൊരു മാർഗം. പച്ചക്കറികൾ ജ്യൂസ് ആക്കി കഴിക്കാം. പഴവർഗങ്ങൾ ഒഴിവാക്കണം. 

∙മധുരപലഹാരങ്ങൾ, അമിതമായി കാലറി അടങ്ങിയ ഭക്ഷണങ്ങൾ എന്നിവ പൂർണമായും ഒഴിവാക്കുക. ജങ്ക് ഫുഡും ഫ്രൈ ഫുഡും തീരെ പാടില്ല

∙എല്ലാ ദിവസവും ശരീരഭാരം അളന്നു നോക്കുക. ദിവസവും ഭാരം കുറയുന്നതായി ഉറപ്പുവരുത്തുക. കുറയുന്നില്ലെങ്കിൽ ചിട്ടകൾ കുറച്ചുകൂടി കഠിനമാക്കുക

∙മേൽപ്പറഞ്ഞ കഠിനചിട്ടകൾ പിന്തുടരുമ്പോൾ ആരോഗ്യം കുറയുന്നില്ലെന്ന് ഉറപ്പുവരുത്തണമെന്ന് ഡോക്ടർമാർ പറയുന്നു. ആവശ്യത്തിന് ഭാരം കുറഞ്ഞെന്നു തോന്നിയാൽ മിലിട്ടറി ഡയറ്റിങ് വിജയകരമായെന്നു പറയാം. നല്ല മനക്കരുത്ത് കൂടിയുണ്ടെങ്കിലേ മിലിട്ടറി ഡയറ്റിങ് സാധ്യമാകൂ. 

∙പട്ടാളച്ചിട്ടയിലുള്ള കഠിനമായ ഭക്ഷണക്രമീകരണത്തെയാണ് മിലിട്ടറി ഡയറ്റിങ് എന്നു പറയുന്നത്. ചെറിയ കാലയളവു കൊണ്ട് ശരീരത്തിലെ പൊണ്ണത്തടി കുറയ്ക്കുന്നതിനുള്ള പരിശ്രമങ്ങളാണ് ഇതിൽ ഉൾപ്പെടുന്നത്. 

Read More : Weight Loss Tips

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.