Manoramaonline.com no longer supports Internet Explorer 8 or earlier. Please upgrade your browser.  Learn more »

ആറുമാസം കൊണ്ടു 30 കിലോ കുറച്ചു; ആർക്കും പിന്തുടരാം ഈ ഡയറ്റ്

anisha അനിഷ

അനിഷയ്ക്ക് കുറച്ചു നാളുകള്‍ക്ക് മുമ്പ് കോളജില്‍ പോകുന്നതു മടിയായിരുന്നു, കാരണം മറ്റൊന്നുമല്ല അമിതവണ്ണം. 99 കിലോയായിരുന്നു അനിഷയുടെ ഭാരം. കൂട്ടുകാരും നാട്ടുകാരും എന്തിന് അടുത്ത ബന്ധുക്കള്‍ വരെ കളിയാക്കുന്ന അവസ്ഥ. എന്നാല്‍ ഇപ്പോൾ അനിഷ പഴയ ആളല്ല. ആരു കണ്ടാലും നോക്കിപ്പോകുന്ന ഒരു സുന്ദരികുട്ടി. ഇന്ന് അവളൊരു ന്യുട്രിഷനിസ്റ്റ് കൂടിയാണ്. ആറുമാസം കൊണ്ട് അനിഷ കുറച്ചത് മുപ്പതു കിലോ. 

കൂട്ടുകാര്‍ വരെ കളിയാക്കാന്‍ തുടങ്ങിയതോടെയാണ് അനിഷ തന്റെ ജീവിതക്രമം ഒന്നു മാറ്റാന്‍തീരുമാനിച്ചത്. ജീവിതശൈലി മാറ്റിയാല്‍തന്നെ പല പ്രശ്നങ്ങള്‍ക്കും പരിഹാരമാകുമെന്ന് അനിഷ തിരിച്ചറിഞ്ഞു. പിന്നെ ആഹാരനിയന്ത്രണത്തിന്റെയും വ്യായാമത്തിന്റെയും കാലമായിരുന്നു.  രാവിലെ രണ്ടു മുട്ടയുടെ മഞ്ഞയും ബ്രൗണ്‍ ബ്രെഡ്‌ അല്ലെങ്കില്‍ സാൻവിച്ച് കഴിക്കാന്‍ തുടങ്ങി. 

ഉച്ചയ്ക്ക് രണ്ടു ചപ്പാത്തിയും പച്ചക്കറികളും. രാത്രി ഗ്രില്‍ ചെയ്ത ചിക്കന്‍ അല്ലെങ്കില്‍ ചിക്കന്‍ സൂപ്. എപ്പോഴെങ്കിലും കൊതി തോന്നുമ്പോള്‍ മാത്രം  പ്രിയപ്പെട്ട ആഹാരങ്ങള്‍ അനിഷ കഴിച്ചു. അമ്മ ഉണ്ടാക്കുന്ന മോമോസ്, ചിക്കന്‍ ടിക്ക ഒക്കെ ഇതില്‍ ഉള്‍പ്പെടും. ജിമ്മില്‍ പോയുള്ള വ്യായാമത്തിനു പുറമേ ജോഗിങ്, ഡാന്‍സിങ് എന്നിവയും ചെയ്തു.

മാസങ്ങള്‍ കഴിഞ്ഞതോടെ ഭാരം കുറഞ്ഞു തുടങ്ങി. ഇത് നല്ല ആത്മ വിശ്വാസം നല്‍കിയെന്ന് അനിഷ പറയുന്നു. പണ്ട് കളിയാക്കിയവര്‍ ഇപ്പോൾ അഭിനന്ദിക്കുന്നു. ഭര്‍ത്താവും നല്ല അഭിപ്രായം പറയുന്നുണ്ട്. മനഃശക്തിയും നിശ്ചയദാര്‍ഢ്യവുമുണ്ടെങ്കില്‍ ആര്‍ക്കും തന്നെപ്പോലെ ഭാരം കുറയ്ക്കാമെന്ന് അനിഷ പറയുന്നു. 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.