ലോകത്താകമാനം 900 മില്യന് ജനങ്ങളെ കൊന്നൊടുക്കാന് പ്രാപ്തിയുള്ള മാരകരോഗത്തിനെതിരെ മുന്നറിയിപ്പ്. Parainfluenza വൈറസിന്റെ പുതിയൊരു വകഭേദമാണ് ഈ മഹാമാരിയ്ക്ക് കാരണമായേക്കാവുന്നത് എന്നാണു കരുതുന്നത്. ഇതിനകം തന്നെ ജര്മനി, വെനുസേല, കരാക്കസ്, ഫ്രാങ്ക്ഫര്ട്ട് എന്നിവിടങ്ങളിലായി 400 കേസുകള് റിപ്പോര്ട്ട് ചെയ്യപെട്ടിട്ടുണ്ട്. ഇതില് അമ്പതുപേര് ഇതിനോടകം മരണമടഞ്ഞു എന്നതും സ്ഥിതിഗതികള് ഗുരുതരമാക്കുന്നു.
ചെറിയ പനി, ചുമ എന്നിവയാണ് രോഗത്തിന്റെ പ്രാരംഭലക്ഷണങ്ങള്. എന്നാല് ചിലരില് മസ്തിഷകവീക്കവും ഇതിനെത്തുടര്ന്ന് രോഗി കോമ അവസ്ഥയിലാകുന്നതും റിപ്പോര്ട്ട് ചെയ്യപ്പെട്ടിട്ടുണ്ട്.
ശ്വാസകോശസംബന്ധമായ രോഗങ്ങള്ക്ക് കാരണമാകുന്ന വൈറസാണ് parainfluenza virus. രോഗി ചുമയ്ക്കുന്നതു വഴിയാണ് രോഗം പടരുന്നത് എന്നാണു നിഗമനം. ഒപ്പം പകരുന്ന ആള്ക്ക് ഒരാഴ്ചയ്ക്കകം രോഗലക്ഷണം പ്രകടമാകുകയും ചെയ്യുന്നു. Parainfluenza Clade X എന്നാണു ഇതിനു ശാസ്ത്രലോകം നല്കിയിരിക്കുന്ന നാമം.
ജോണ് ഹോപ്കിന്സ് സെന്റര് ഫോര് ഹെല്ത്ത് സെക്യൂരിറ്റിയില് നടത്തിയൊരു പഠനം പ്രകാരം ഈ രോഗം പടര്ന്നു പിടിച്ചാല് 20 മാസങ്ങള്ക്കകം ലോകത്താകമാനം 150 മില്യന് ആളുകള് മരണമടയും. അമേരിക്കയില് മാത്രം മരണമടയാന് പോകുന്നത് ഇരുപതുമില്യന് ആളുകളാകും. ഇതുവരെ യാതൊരു ഫലപ്രദമായ മരുന്നും കണ്ടുപിടിച്ചിട്ടില്ലാത്ത സാഹചര്യത്തില് മരണനിരക്ക് വര്ധിക്കും എന്നതില് ആശങ്കയുണ്ട്.
2002 - 03 കാലത്ത് പടര്ന്നു പിടിച്ച സര്ക്സ് രോഗം പോലെയാകാം ഇതും എന്നും നിഗമനമുണ്ട്. എന്നാല് അതിനെക്കാള് വേഗത്തിലാകും ഇതിന്റെ വ്യാപനം എന്നത് ഇതിന്റെ ഗൗരവം കൂട്ടുന്നു. Clade X നു മാരകമായ നിപ്പ വൈറസ് അണുക്കളുമായി ജനതികസാമ്യതകള് ഉണ്ടെന്നതും എടുത്തുപറയേണ്ടതാണ്. ബയോഎഞ്ചിനീയറിങ് വഴിയാണ് ഈ രോഗം ഉണ്ടാക്കിയിരിക്കുന്നത് എന്നാണു നിഗമനം. ഇത്തരമൊരു മഹാമാരി പൊട്ടിപുറപ്പെടുകയാണെങ്കില് അതിനെ വേണ്ടവിധം പ്രതിരോധിക്കാന് ലോകം ഒരുങ്ങിയിരിക്കണം എന്നാണു മുന്നറിയിപ്പ്.
Read More : Health News