ബോളിവുഡ് നടൻ ഇമ്രാൻ ഹാഷ്മിയുടെ എട്ടു വയസ്സുള്ള മകൻ അയാൻ അർബുദവിമുക്തനായ സന്തോഷവാർത്ത അറിയിച്ച് താരം. അഞ്ചു വർഷത്തിനു മുൻപാണ് അയാനിൽ രോഗം സ്ഥിരീകരിക്കുന്നത്.
അഞ്ചു വർഷത്തിനു ശേഷമുള്ള ഈ ദിവസം അയാൻ അർബുദവിമുക്തനായിരിക്കുന്നു. ഇതൊരു യാത്രയായിരുന്നു. എല്ലാവരുടെയും പ്രാർഥനകൾക്കും ആശംസകൾക്കും നന്ദി. അർബുദത്തോടു പോരാടുന്ന എല്ലാവർക്കും പ്രാർഥനകൾ. പ്രതീക്ഷയും വിശ്വാസവും കൈവിടാതിരിക്കുക. ഈ പോരാട്ടത്തിൽ നിങ്ങൾക്കു വിജയിക്കാൻ സാധിക്കും– താരം ഇൻസ്റ്റഗ്രാമിൽ കുറിച്ചു. പോസ്റ്റിനൊപ്പം മകനുമൊത്തുള്ള ചിത്രങ്ങളും ഇമ്രാൻ പോസ്റ്റ് ചെയ്തിട്ടുണ്ട്.
ഇമ്രാന്റെയും പർവീൺ ഷഹാനിയുടെയും ആദ്യപുത്രനായി 2010– ഫെബ്രുവരിയിലാണ് അയാൻ ജനിക്കുന്നത്. 2014–ൽ നാലാം വയസ്സിലാണ് അയാന് അർബുദം സ്ഥിരീകരിക്കുന്നത്.