കുട്ടികൾക്കായി ‘ലിസ് ശ്രവൺ’ സൗജന്യ കോക്ലിയർ ഇംപ്ലാന്റ് ശസ്ത്രക്രിയ പദ്ധതി
Mail This Article
×
കൊച്ചി ∙ കേൾവി ശക്തി കുറഞ്ഞ കുട്ടികൾക്കായി ലിസി ആശുപത്രിയിൽ സൗജന്യ കോക്ലിയർ ഇംപ്ലാന്റ് ശസ്ത്രക്രിയ നടത്തുന്നു. ലോക ശ്രവണ ദിനത്തിൽ നടന്ന പരിപാടിയിൽ ആശുപത്രി ഡയറക്ടർ ഫാ. പോൾ കരേടനാണ് 18 വയസ്സിൽ താഴെയുള്ള കുട്ടികൾക്കായി ‘ലിസ് ശ്രവൺ’ പദ്ധതി പ്രഖ്യാപിച്ചത്. പദ്ധതിയുടെ ഭാഗമാകാൻ 30നു മുൻപു റജിസ്റ്റർ ചെയ്യണം. 82810 02908 എന്ന നമ്പറിൽ വിളിച്ചോ https://tinyurl.com/4c3ypt5s ലിങ്കിൽ സന്ദർശിച്ചോ റജിസ്റ്റർ ചെയ്യാം. വിശദമായ പരിശോധനകൾക്കു ശേഷം തിരഞ്ഞെടുക്കുന്ന അർഹരായ കുട്ടികൾക്കാണു സൗജന്യ ചികിത്സ നൽകുക. ജോ. ഡയറക്ടർമാരായ ഫാ. റോജൻ നങ്ങേലിമാലിൽ, ഫാ. റെജു കണ്ണമ്പുഴ, അസി. ഡയറക്ടർമാരായ ഫാ. ഡേവിസ് പടന്നക്കൽ, ഫാ. ജെറ്റോ തോട്ടുങ്കൽ, ഡോ. റീന വർഗീസ്, ഡോ. മേഘ കൃഷ്ണൻ, ഡോ. ഫ്രാങ്കി ജോസ്, ഡോ. ജോസഫ് മാത്യു, ഡോ. ദിവ്യ മോഹൻ എന്നിവർ പ്രസംഗിച്ചു.
English Summary:
Free Cochlear Implant Surgery is available for children at Lissy Hospital through their new Lissy Shravan program. This initiative provides free treatment to eligible children with hearing impairments under the age of 18.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.