വയർ കാലിയാകുമ്പോഴാണ് ബുദ്ധി കൂടുതൽ പ്രവർത്തിക്കുന്നത് എന്നാണ് ഗവേഷകരുടെ കണ്ടെത്തൽ. വയറു കാലിയാവുമ്പോൾ ഗ്രേലിൻ എന്ന ഹോർമോൺ ശരീരത്തിൽ ഉൽപാദിപ്പിക്കപ്പെടുന്നു. വിശപ്പിന്റെ സന്ദേശം തലച്ചോറിലെത്തിക്കുന്നത് ഈ ഹോർമോൺ ആണ്. ഈ ഹോർമോണിന് വേറെയും ഗുണങ്ങൾ ഉള്ളതുകൊണ്ടാണ് വയറു കാലിയാവുമ്പോൾ ബുദ്ധി കൂടും എന്ന് പറയുന്നത്. ഇത് മസ്തിഷ്കത്തിന്റെ പ്രവർത്തനം ത്വരിതപ്പെടുത്തുന്നു. ഓർമ ശക്തിയുടെ കേന്ദ്രം മസ്തിഷ്കമാണല്ലോ. പഠനശേഷിയും ഊർജ്ജസ്വലതയും പ്രദാനം ചെയ്യാൻ ഈ ഭാഗത്തിന്റെ പ്രവർത്തനം ത്വരിതപ്പെട്ടേ മതിയാവൂ.
വയറെപ്പോഴും കാലിയായിരിക്കണം എന്നല്ല ഇതിനർത്ഥം, വയറു നിറയെ ഭക്ഷണം കഴിക്കാതെ അളവിലൊരു നിയന്ത്രണം നല്ലതാണ് എന്നാണ് ഉദ്ദേശിക്കുന്നത്. ദിവസം മുഴുവൻ എന്തെങ്കിലും കൊറിച്ചു കൊണ്ടിരിക്കാതെ മൂന്നു നേരം ശരീരത്തിനാവശ്യമായ പോഷകമൂല്യമുള്ള സമീകൃതാഹാരം ശീലമാക്കുക. ദിവസേനയുള്ള ആഹാരത്തിൽ ധാരാളം പച്ചക്കറികളും പയറു വർഗ്ഗങ്ങളും ധാന്യങ്ങളും ഉൾപ്പെടുത്തുക. എത്രത്തോളം ചവച്ചരച്ച് കഴിക്കുന്നുവോ അത്രയും നന്ന്. സുഗമമായ ദഹനത്തിന് ഇത് ആവശ്യമാണ്. എത്ര നല്ല ആഹാരം കഴിച്ചാലും എങ്ങനെ കഴിക്കുന്നു എന്നതും പ്രാധാന്യമുള്ളതാണ്.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.