എള്ള് കാഴ്ചയിൽ ചെറുതാണ് എങ്കിലും ഗുണങ്ങളിൽ വമ്പനാണ്. ഇലകൾക്കോ പഴങ്ങൾക്കോ വേണ്ടിയല്ലാതെ വിത്തിനും എണ്ണയ്ക്കും വേണ്ടി വളർത്തുന്നു. വളരെക്കാലം മുൻപു തന്നെ മനുഷ്യർ ഉപയോഗിച്ചിരുന്ന സസ്യമാണിത്.
എള്ളിൽ 55 ശതമാനം എണ്ണയും 20 ശതമാനം പ്രോട്ടീനും ഉണ്ട്. ഫാറ്റി ആസിഡുകളുടെയും ചില അമിനോ ആസിഡുകളുടെയും കലവറ ആണിത്. എള്ളെണ്ണയിൽ ലിനോലെനിക് ആസിഡ്, ഒലേയിക് ആസിഡ് ഇവയുണ്ട്. കൂടാതെ അമിനോ ആസിഡുകളായ ലൈസിൻ, ട്രിപ്പ്റ്റൊഫാന്‍, മെഥിയോനൈൻ എന്നിവയുമുണ്ട്.
ഒരു ടേബിൾ സ്പൂൺ എള്ളിൽ 52 കാലറി ഉണ്ട്. കൂടാതെ കൊഴുപ്പ്, കാർബോ ഹൈഡ്രേറ്റ്, പ്രോട്ടീൻ, കോപ്പർ, മാംഗനീസ്, കാൽസ്യം, മഗ്നീഷ്യം, ഇരുമ്പ്, ഫോസ്ഫറസ്. സിങ്ക്, തയാമിൻ ഇവയും അടങ്ങിയിരിക്കുന്നു.
എള്ളിന്റെ ആരോഗ്യ ഗുണങ്ങൾ ഇതാ
∙ പ്രമേഹം തടയുന്നു
എള്ളിൽ മഗ്നീഷ്യവും മറ്റ് പോഷകങ്ങളുമുണ്ട്. എള്ളെണ്ണ പ്രമേഹം തടയാൻ സഹായിക്കുന്നു. കൂടാതെ പ്ലാസ്മ, ഗ്ലൂക്കോസ് നില മെച്ചപ്പെടുത്താനും സഹായിക്കുന്നു.
∙ രക്തസമ്മർദം കുറയ്ക്കുന്നു
എള്ളിലടങ്ങിയ മഗ്നീഷ്യം രക്തസമ്മർദം കുറയ്ക്കാൻ സഹായിക്കും.
∙ കൊളസ്ട്രോൾ കുറയ്ക്കുന്നു
എള്ളിലടങ്ങിയ ഫൈറ്റോസ്റ്റെറോളുകൾ കൊളസ്ട്രോൾ ഉൽപ്പാദനം തടയുന്നു. കറുത്ത എള്ളിലാണ് ഫൈറ്റോസ്റ്റെറോൾ ധാരാളം ഉള്ളത്.
∙ അർബുദം തടയുന്നു
അർബുദത്തെ പ്രതിരോധിക്കുന്ന സംയുക്തങ്ങളായ ഫൈറ്റിക് ആസിഡ്, മഗ്നീഷ്യം, ഫൈറ്റോസ്റ്റെറോൾ ഇവ എള്ളിലുണ്ട്.
∙ ഉത്കണ്ഠ അകറ്റുന്നു
സമ്മർദം അകറ്റാൻ സഹായിക്കുന്ന ധാതുക്കൾ ആയ മഗ്നീഷ്യം, കാൽസ്യം ഇവ എള്ളിലുണ്ട്. തയാമിൻ, പെറ്റോഫാൻ മുതലായ ജീവകങ്ങളുമുണ്ട്. ഇത് സെറോടോണിൻ എന്ന ഹോർമോണിന്റെ ഉത്പ്പാദനം കൂട്ടുന്നു.
∙ വിളർച്ച അകറ്റുന്നു
കറുത്ത എള്ളിൽ ഇരുമ്പ് ധാരാളമുണ്ട്. വിളർച്ചയ്ക്കും ക്ഷീണത്തിനും എള്ള് ഗുണകരം.
∙ സന്ധിവാതത്തിൽ നിന്ന് ആശ്വാസം
എള്ളിൽ ധാരാളം കോപ്പർ അടങ്ങിയിട്ടുണ്ട്. ഇത് സന്ധിവാതത്തെ തടയുന്നു., വേദന കുറയ്ക്കുന്നു, എല്ലുകളെയും സന്ധികളെയും രക്തക്കുഴലുകളെയും ശക്തിപ്പെടുത്തുന്നു.
∙ ദഹനത്തിനു സഹായകം
ദഹനം സുഗമമാക്കുന്നു, മലബന്ധം അകറ്റുന്നു നാരുകൾ ധാരാളം ഉള്ളതിനാലാണിത്.
∙ മുടി വളരാൻ
മുടി കൊഴിച്ചിൽ തടയുന്നു. എള്ള് മുടിയുടെ വേരുകളെ ബലപ്പെടുത്തുന്നു. എള്ളിലടങ്ങിയ ഒമേഗ ഫാറ്റി ആസിഡുകൾ മുടി വളരാൻ സഹായിക്കുന്നു. അതോടൊപ്പം തലയോട്ടിയെ എണ്ണമയമുള്ളതാക്കുന്നു. മുടി നരയ്ക്കുന്നതിനെയും തടയുന്നു.
∙ ചെറുപ്പം നിലനിർത്തുന്നു
എള്ളിലടങ്ങിയ നിരോക്സീകാരികൾ പ്രായമാകലിനെ തടയുന്നു. ചർമത്തിനു യുവത്വമേകുന്നു.
∙ ചർമത്തിന്റെ ആരോഗ്യം
എള്ളെണ്ണ ചർമത്തെ മൃദുവാക്കുന്നു. ആന്റി ഇൻഫ്ലമേറ്ററി ഗുണങ്ങൾ ഉള്ളതിനാൽ ചുവപ്പ്, തടിപ്പ്, മുഖക്കുരു ഇവയെ എല്ലാം അകറ്റുന്നു.
∙ ദന്താരോഗ്യം
എള്ളിലടങ്ങിയ എണ്ണ പല്ലിലെ പ്ലേക്ക് അകറ്റി ആരോഗ്യമേകുന്നു.
∙ എല്ലുകൾക്ക്
കാൽസ്യവും സിങ്കും കറുത്ത എള്ളിൽ ധാരാളമുണ്ട്. ഇത് എല്ലുകള്‍ക്ക് ശക്തിയേകുന്നു.
∙ ഊർജ്ജമേകുന്നു
കൊഴുപ്പ് ധാരാളം ഉണ്ട്. കൂടാതെ പോളി അൺസാച്ചുറേറ്റഡ് ഫാറ്റി ആസിഡ്, ഒമേഗ 6 ഇവയും എള്ളിലുണ്ട്. നാരുകൾ, ഇരുമ്പ്, കാൽസ്യം, മഗ്നീഷ്യം, ഫോസ്ഫറസ് ഇവയെല്ലാം ഊർജ്ജ നില വർധിപ്പിക്കുന്നു.
∙ ഹൃദയാരോഗ്യമേകുന്നു
എള്ളിലടങ്ങിയ ആന്റിഓക്സിഡന്റ്– ആന്റി ഇൻഫ്ലമേറ്ററി സംയുക്തമായ സെസാമോൾ അതിറോസ്ക്ലീറോസിസ് തടയുന്നു. ഹൃദയാരോഗ്യമേകുന്നു.
∙ അർബുദ ചികിത്സയിൽ
റേഡിയേഷൻ ചികിത്സ മൂലം ഉണ്ടായ ഡി എൻ എ തകരാറുകൾ പരിഹരിക്കാൻ എള്ളിലടങ്ങിയ സെസാമോളിനും എള്ളെണ്ണയ്ക്കും കഴിയും.
∙ കരളിന്
കരളിന്റെ ആരോഗ്യകരമായ പ്രവർത്തനത്തിനും എള്ള് സഹായകം
∙ ശിശുക്കളിൽ
എള്ളെണ്ണ പുരട്ടി തടവുന്നത് കുട്ടികളിലെ വളർച്ചയ്ക്കും നല്ല ഉറക്കം ലഭിക്കാനും സഹായകം. കൂടാതെ ഡയപ്പർറാഷ് തടയാനും എള്ളെണ്ണ നല്ലതാണ്.
∙ ആസ്മ
എള്ളിലടങ്ങിയ മഗ്നീഷ്യം ശ്വാസകോശ സംബന്ധമായ രോഗങ്ങളെ തടയാൻ സഹായിക്കുന്നു.
Read More : Healthy Food
