sections

manoramaonline

MORE

പുഴുങ്ങിയ മുട്ട കൊളസ്ട്രോൾ കൂട്ടുമോ?

egg
SHARE

മുട്ട ദിവസവും കഴിച്ചാല്‍ കൊളസ്ട്രോളിനെ ക്ഷണിച്ചു വരുത്തുമെന്നൊരു തെറ്റിധാരണ പൊതുവേ ആളുകള്‍ക്കിടയിലുണ്ട്. മുട്ടയില്‍ ആവശ്യം പോലെ പോഷകങ്ങള്‍ ഉണ്ടെന്നു സമ്മതിക്കുമ്പോഴും മുട്ടയുടെ മഞ്ഞക്കരു കഴിക്കരുത്, മുട്ട ദിവസവും കഴിക്കരുത്, മുട്ട പുഴുങ്ങി മാത്രമേ കഴിക്കാവൂ അങ്ങനെ ഒരു നൂറു തെറ്റിദ്ധാരണകള്‍ പാവം മുട്ടയുടെ മേലുണ്ട്. 

എന്തായാലും മുട്ട ആരോഗ്യത്തിന് ഏറെ നല്ലതാണെങ്കിലും മുട്ടയുടെ മഞ്ഞ ദിവസവും കഴിക്കുന്നതിനോട് നല്ലൊരു ശതമാനം ഡോക്ടർമാരും യോജിക്കുന്നില്ല. കൊളസ്ട്രോള്‍ ഉയര്‍ത്താനും അതുവഴി ഹൃദ്രോഗസാധ്യത കൂട്ടാനുമാണ് ഇത് കാരണമാകുന്നത്. 

ഉയര്‍ന്ന അളവില്‍ ഡയറ്ററി കൊളസ്ട്രോള്‍ (dietary cholesterol) മുട്ടയിലുണ്ട്. 185 mg  എന്ന നിലയിലാണ് ഇത് ഒരുമുട്ടയില്‍ കാണപ്പെടുന്നത്. എന്നാല്‍ കൊളസ്ട്രോള്‍ നില ഉയര്‍ത്തുന്നത് സാച്ചുറേറ്റഡ് ഫാറ്റ് ആണ്. 

കൊളസ്ട്രോള്‍ ഉള്ള ആഹാരം കഴിക്കുമ്പോള്‍ കൊളസ്ട്രോള്‍ ബ്രേക്ക് ഡൗണ്‍ ചെയ്യപ്പെടുകയും അത് ഗട്ട് (gut ) ആയി മാറ്റപ്പെടുകയും ചെയ്യുന്നു. സാച്ചുറേറ്റഡ് ഫാറ്റ് ഫാറ്റി ആസിഡ് ആയി രൂപാന്തരപ്പെടുകയും ചെയ്യും. ഇതാണ് സത്യത്തില്‍ കൊളസ്ട്രോള്‍ ഉണ്ടാക്കുന്നത്‌. 

ഡയറ്ററി കൊളസ്ട്രോള്‍ ധാരാളമുള്ള മുട്ട കഴിച്ചാല്‍ കൊളസ്ട്രോള്‍ ഉയരും. എന്നാൽ കൊളസ്ട്രോളില്‍ തന്നെ നല്ല കൊളസ്ട്രോള്‍ എന്നും ചീത്ത കൊളസ്ട്രോള്‍ എന്നും രണ്ടു തരമുണ്ട്. LDL (bad cholesterol) , HDL (good cholesterol) എന്നാണ് ഇതിനെ പറയുന്നത്. 

ഇതില്‍ മുട്ടയിലുള്ളത് HDL ആണ് അതായത് നല്ല കൊളസ്ട്രോള്‍. എന്നാല്‍ LDL ആണ് ഹൃദ്രോഗം ഉണ്ടാക്കുക. 

ദിവസവും ഒരു മുട്ട വീതം കഴിച്ചാല്‍ ഹൃദ്രോഗം ഉണ്ടാകുമെന്ന് പറയുന്നത് വെറും തെറ്റിദ്ധാരണ മാത്രമാണെന്നാണ് ഡോക്ടർമാര്‍ പറയുന്നത്. ഇതും ഹൃദ്രോഗവും തമ്മിലുള്ള ബന്ധം ഇതുവരെ തെളിയിക്കാന്‍ സാധിച്ചിട്ടില്ല. 

അതേ സമയം അടുത്തിടെ ജേര്‍ണല്‍ ഹാര്‍ട്ട്‌ പ്രസിദ്ധീകരിച്ച ഒരു ലേഖനത്തില്‍ പറയുന്നത് ദിവസവും ഒരു മുട്ട കഴിക്കുന്നവര്‍ക്ക് ഹൃദ്രോഗത്തിനുള്ള സാധ്യത 11 ശതമാനം കുറയുന്നുവെന്നാണ്. അതുപോലെ സ്ട്രോക്ക് ഉണ്ടാകാനുള്ള സാധ്യതയും ഇവര്‍ക്ക് കുറയുന്നുണ്ട്. എന്തായാലും ദിവസവും ഒരു മുട്ട കഴിക്കുന്നതു കൊണ്ട് പ്രത്യേകിച്ച് ആരോഗ്യപ്രശ്നങ്ങള്‍ ഉണ്ടാകുന്നില്ലെന്നു തന്നെയാണ് നിഗമനം.

Read More : Healthy Food

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN HEALTHY FOOD
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA