മിതമായ അളവില് വെറൈറ്റി ആഹാരം കഴിക്കുന്നത് കൊള്ളാം; പക്ഷെ ചിലപ്പോള് ലഭിക്കുക വിപരീതഫലം
Mail This Article
മിതമായ അളവില് പലതരം ആഹാരങ്ങള് കഴിച്ചാൽ ഭാരം വർധിക്കില്ലെന്നാണോ കരുതുന്നത് ? എങ്കില് തെറ്റി. മിതമായ അളവില് ആഹാരം കഴിക്കുന്നത് ഭാരം വര്ധിപ്പിക്കുമെന്ന് പുതിയ കണ്ടെത്തല്. മാത്രമല്ല അടുത്ത പത്തുവര്ഷത്തിനുള്ളില് പ്രമേഹസാധ്യത ഇരട്ടിക്കുമെന്നും ഈ പഠനം പറയുന്നു. 7000 പേരുടെ ആഹാരശീലം, കലോറി ഇന്ടേക്ക്, ആഴ്ചയില് ഓരോ ദിവസവും അവര് കഴിക്കുന്ന ആഹാരം അതിന്റെ അളവ് എന്നിവ വിശകലനം ചെയ്താണ് ഒരു സംഘം ഗവേഷകര് ഈ കണ്ടെത്തല്നടത്തിയത്.
മിതമായ അളവിലായാലും പല തരം ആഹാരം കഴിക്കുന്നവര്ക്ക് ഭാരം വര്ധിക്കാനുള്ള സാധ്യത 120% ആണ്. ഇവര്ക്ക് ഇടുപ്പില് കൂടുതല് കൊഴുപ്പടിയാനും സാധ്യത ഉണ്ടത്രേ. എന്നാല് സ്ഥിരമായി ഒരേ രീതിയിലുള്ള ആഹാരം കഴിക്കുന്നവരില് ഈ പ്രശ്നം ഇത്ര കണ്ടു വരുന്നില്ല എന്നും ഈ പഠനം എടുത്തു പറയുന്നു.
ഇതിന്റെ കാരണമായി പറയുന്നത്, പലതരം ആഹാരങ്ങള് പരീക്ഷിക്കുമ്പോള് നമ്മള് അറിയാതെ കൂടുതല് കഴിക്കും എന്നതാണ്. ഇവ ചിലപ്പോള് ഫാറ്റ്, ഷുഗര് എന്നിവ അധികമായ ആഹാരങ്ങളാകാം. അതുകൊണ്ട് എന്തു കഴിക്കുവെന്നും എത്ര കഴിക്കുന്നുവെന്നും ശ്രദ്ധിക്കേണ്ടതുണ്ട്.