Manoramaonline.com no longer supports Internet Explorer 8 or earlier. Please upgrade your browser.  Learn more »

ഗര്‍ഭകാലത്ത് കഴിക്കാന്‍ ഏറ്റവും അനുയോജ്യമായ ഭക്ഷണങ്ങള്‍

Pregnancy diet

ഒരു സ്ത്രീയുടെ ജീവിതത്തിലെ ഏറ്റവും സന്തോഷകരവും അതേ സമയം ആശങ്കകള്‍ നിറഞ്ഞതുമായ കാലമാണ് ഗര്‍ഭകാലം. എങ്ങോട്ട് തിരിഞ്ഞാലും ഉപദേശങ്ങള്‍ ലഭിക്കുന്ന കാലം കൂടിയാണിത്. കഴിക്കേണ്ടതും കഴിക്കാന്‍ പാടില്ലാത്തതുമായ ആഹാരങ്ങളെക്കുറിച്ചാവും പലരും വാചാലരാവുക.  ഗര്‍ഭകാലത്തു കഴിക്കാന്‍ ഏറ്റവും നല്ല ആഹാരം ക്രമം അടുത്തറിയാം

പഴങ്ങളും പച്ചക്കറികളും
നമുക്കെല്ലാം അറിയാം പോഷകങ്ങളുടെ കലവറയാണ് പഴങ്ങളും പച്ചക്കറികളും. അതുകൊണ്ടുതന്നെ ഇവ ഗര്‍ഭിണികള്‍ കഴിക്കുന്നത്ു വളരെ ഉത്തമമാണ്. വൈറ്റമിന്‍  A, C,  K  എന്നിവ ധാരളമടങ്ങിയ ഗ്രീന്‍ ലീഫി വെജിറ്റബിളുകള്‍ ഗര്‍ഭിണികള്‍ക്ക് ഏറെ നല്ലതാണ്. ഇവയിൽ ഫോലേറ്റ് ധാരാളമുണ്ട്.

മാംസം 
പ്രോട്ടീന്‍ കലവറയാണ് മാംസാഹാരങ്ങള്‍. ബീഫ്, പോര്‍ക്ക്‌ എന്നിവയില്‍  cholin ധാരാളമുണ്ട്. ഇതും ഗര്‍ഭിണികള്‍ക്ക് നല്ലതാണ്. എന്നാൽ ഇവ പാകം ചെയ്യുമ്പോള്‍ അതീവശ്രദ്ധ പുലര്‍ത്തണം. 

ഗ്രീക്ക് യോഗര്‍ട്ട്
സാധാരണ  യോഗര്‍ട്ടിനെക്കാള്‍ പ്രോട്ടീന്‍ രണ്ടിരട്ടി അധികമുള്ളതാണ്  ഗ്രീക്ക് യോഗര്‍ട്ട് . കാത്സ്യം ധാരാളമുണ്ട്  എന്നതു തന്നെയാണ് ഇതിന്റെ ഏറ്റവും വലിയ സവിശേഷത. 

വാള്‍നട്ട് 
ഒമേഗ  3 അടങ്ങിയ അപൂര്‍വം പഴങ്ങളില്‍ ഒന്നാണ് ഇത് . സലാഡ്, വാള്‍നട്ട് എന്നിവ ഗര്‍ഭിണികള്‍ക്ക് കഴിക്കാന്‍ ഉചിതമായ ആഹാരങ്ങളാണ്. പ്രോട്ടീന്‍ , ഫൈബര്‍ എന്നിവയും ഇതില്‍ ആവശ്യം പോലെയുണ്ട്.

ഹോള്‍ ഗ്രൈന്‍സ്
ഫൈബര്‍, പോഷകങ്ങള്‍ എന്നിവ ഇതില്‍ ധാരാളം. ഫൈറ്റോ ന്യൂട്രിയന്റ്സ്, സെലീനിയം, വൈറ്റമിന്‍ ഇ എന്നിവ ഇതില്‍ ധാരാളമുണ്ട്. 

സ്വീറ്റ് പൊട്ടറ്റോ 
വൈറ്റമിന്‍ എയുടെ കലവറയാണിത്‌. ഫൈബര്‍, ഫോളേറ്റ്, വൈറ്റമിന്‍ സി എന്നിവ ഇതില്‍ ധാരാളമുണ്ട്. 

ബീന്‍സ്
മറ്റെല്ലാ പച്ചക്കറികളെക്കാളും ഇവയില്‍ പ്രോട്ടീന്‍, ഫൈബര്‍ എന്നിവ ധാരാളമുണ്ട്. ഇതിലെ നാരുകൾ ദഹനപ്രശ്നങ്ങളെ അകറ്റി ശരീരത്തിലെ ദഹനപ്രക്രിയ എളുപ്പത്തിലാക്കും. 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.