Manoramaonline.com no longer supports Internet Explorer 8 or earlier. Please upgrade your browser.  Learn more »

റബർ ഉൽപ്പന്നങ്ങളിൽ നിന്ന് കാൻസർ

rubber-materials

സുരക്ഷിതമെന്നു കരുതി നാം ഉപയോഗിക്കുന്ന പല വസ്തുക്കളും അത്ര സുരക്ഷിതമല്ല. ഗർഭനിരോധന ഉറകൾ, കളിപ്പാട്ടങ്ങൾ, ബേബി സൂത്തേഴ്സ്, കയ്യുറകൾ തുടങ്ങിയ റബർ ഉൽപ്പന്നങ്ങളിൽ അടങ്ങിയിരിക്കുന്ന ഒരു രാസവസ്തു അർബുദത്തിനു കാരണമാകുന്നുണ്ടത്രേ.

ഗർഭനിരോധന ഉറകൾ പോലുള്ള റബർ ഉൽപന്നങ്ങളുടെ നിർമാണത്തിൽ വ്യാപകമായി ഉപയോഗിക്കുന്ന മെർകാപ്റ്റോ ബെൻസോ തയസോൾ അഥവാ എം.ബി.റ്റി എന്ന വസ്തു അർബുദത്തിനു കാരണമാകുമെന്ന് ലോകാരോഗ്യ സംഘടന റിപ്പോർട്ട് ചെയ്യുന്നു. ഉപഭോക്താക്കളെക്കാൾ റബർ ഫാക്ടറികളിൽ ജോലി ചെയ്യുന്ന തൊഴിലാളികളാണ് ഈ വിഷവസ്തുവുമായി അധികവും സമ്പർക്കത്തിൽ ഏർപ്പെടുന്നത്.

വാഹനങ്ങളുടെ ടയർ ഉരയുമ്പോൾ ഉണ്ടാകുന്ന പൊടിയും വാഹനങ്ങൾ പുറന്തള്ളുന്ന വായുവും കാൽനടയാത്രക്കാർ ശ്വസിക്കാനിട വരുന്നു. എം.ബി.റ്റി ശ്വസിക്കുന്നത് അർബുദ സാധ്യത വർധിപ്പിക്കുന്നു.

ദൈനംദിനം ഉപയോഗിക്കുന്ന ഉൽപന്നങ്ങളിലൂടെ അർബുദം വരാനുള്ള സാധ്യത എത്രത്തോളം എന്നതിനെക്കുറിച്ച് വിപുലമായ പഠനം നടത്തേണ്ടതുണ്ട്. റബർ ഉൽപന്നങ്ങൾ നിർമിക്കുന്ന ഫാക്ടറിയിലെ തൊഴിലാളികൾക്ക് അർബുദ സാധ്യത അധികമാണെന്നും ലോകാരോഗ്യ സംഘടനയുടെ റിപ്പോർട്ടിൽ പറയുന്നു.