താലികെട്ടുമ്പോൾ കൈവിറയൽ ആൾക്കൂട്ടത്തെ കാണുമ്പോൾ കൈവിറയൽ ഇതൊക്കെ സാധാരണ ഏവർക്കും ഉണ്ടാകുന്നതാണ്. വെറും ടെന്‍ഷൻ മാത്രമാണ് കാരണമെന്നും ചില അസുഖങ്ങളുടെ ലക്ഷണമല്ല ഇതെന്നും ബോധ്യപ്പെട്ടാൽ ചെയ്തു നോക്കാവുന്ന ചില കാര്യങ്ങളുണ്ട്.
∙ മാനസികസമ്മർദ്ദം കുറയ്ക്കുകയെന്നതാണ് പ്രധാനപ്പെട്ട കാര്യം. യോഗ, മെഡിറ്റേഷൻ എന്നിവയും, ചെയ്യാൻ ഉദ്ദേശിക്കുന്നത് പ്രസംഗമാണെങ്കില്‍ തൊട്ടുമുമ്പേ നടത്താവുന്ന ചെറിയ ശ്വസനവ്യായാമങ്ങളും കൈവിറിയലൊഴിവാക്കാൻ സഹായകമാകും.
∙ കുറച്ച് ഭാരംകൂടിയ വാച്ച് ഉപയോഗിക്കുന്നതും കൈകൾ എവിടെയങ്കിലും ഉറപ്പിച്ച് വയ്ക്കുന്നതും വിറയൽ കുറയ്ക്കാൻ സഹായകമാകും.
∙ ആവശ്യത്തിന് ഉറങ്ങുകയും വിശ്രമിക്കുകയും ചെയ്യുക.
∙ ശരീരത്തിലെ പഞ്ചസാരയുടെ അളവോ രക്തസമ്മർദ്ദമോ കുറഞ്ഞിട്ടുണ്ടോയെന്ന് പരിശോധിക്കുക.
∙ കഫീന്റെയും മദ്യത്തിന്റെയും ഉപയോഗം നിയന്ത്രിക്കുക.
×
