Manoramaonline.com no longer supports Internet Explorer 8 or earlier. Please upgrade your browser.  Learn more »

10 ലക്ഷത്തിനു പുതിയ മുഖം!

renovated house ഗിമ്മിക്കുകൾ കാട്ടാതെ ഓരോ ഇടത്തിനും ഉപയുക്തത നൽകി ഇന്റീരിയർ ഒരുക്കിയതാണ് പുതുക്കിപ്പണി 10 ലക്ഷത്തിൽ ഒതുക്കാൻ സഹായിച്ചത്.

20 വർഷം പഴക്കമുള്ള ഇരുനില വീട്ടിൽ സ്ഥലപരിമിതിയും അസൗകര്യങ്ങളും വർധിച്ചപ്പോഴാണ് ഉടമസ്ഥൻ പുതുക്കിപ്പണിയെ കുറിച്ച് ചിന്തിച്ചത്. പരിമിതമായ ബജറ്റിൽ നിന്നുകൊണ്ട് പരമാവധി മാറ്റങ്ങൾ...അതായിരുന്നു പ്ലാൻ.

old-house പഴയ വീട്

10 സെന്റിൽ 2000 ചതുരശ്രയടിയിലാണ് വീട് പുതുക്കി നിർമിച്ചത്. നാലു കിടപ്പുമുറികൾ, ലിവിങ്, ഡൈനിങ്, കിച്ചൻ, വർക് ഏരിയ എന്നിവയാണ് പ്രധാനമായും വീട്ടിലുള്ളത്. 

renovated-face-malappuram

മാറ്റങ്ങൾ 

  • ലിവിങ്ങിനും ഡൈനിങ്ങിനുമിടയിൽ ഉണ്ടായിരുന്ന ഭിത്തി ഇടിച്ചു കളഞ്ഞതോടെ പ്രധാന ഹാളിനു കൂടുതൽ വിശാലത കൈവന്നു.
  • മുകൾനിലയിൽ ഒരു കിടപ്പുമുറി, ബാൽക്കണി, സിറ്റ് ഔട്ട് എന്നിവ പുതിയതായി കൂട്ടിച്ചേർത്തു.
  • പഴയ റെഡ് ഓക്സൈഡ് അടിച്ച തറ മാറ്റി വിട്രിഫൈഡ് ടൈലുകൾ മേഞ്ഞു.
  • പഴയ വയറിങ് മാറ്റി പരിഷ്കരിച്ചു.
budget-renovation-hall

സിറ്റ് ഔട്ടിന് വശത്തായി കാർ പോർച്ച് നൽകി. മുകൾനില ട്രസ് ചെയ്ത് ഓടുപാകി. പുറംകാഴ്ചയിൽ കണ്ണുടക്കുന്നത് മുകൾനിലയിൽ ബ്രിക് ക്ലാഡിങ് ചെയ്ത ഭിത്തിയിലാണ്. മുകളിലെ സിറ്റ് ഔട്ടിൽ ജിഐ പില്ലറുകൾ നൽകി. ഇതിൽ വൈറ്റ് പെയിന്റ് ഫിനിഷ് നൽകി. ഇതോടെ വീടിന്റെ ലുക്&ഫീൽ മാറിമറിഞ്ഞു. 

budget-renovation-upper

അകത്തളങ്ങളിൽ കൃത്രിമമായ സൗന്ദര്യം കുത്തിനിറയ്ക്കാൻ ശ്രമിച്ചിട്ടില്ല. വളരെ ലളിതമായി ഇന്റീരിയർ ചെയ്തു. അകത്തെ ഭിത്തികളുടെ പുനർക്രമീകരണത്തിലൂടെയാണ് സ്ഥലലഭ്യത നൽകിയത്. ലിവിങ്- ഡൈനിങ് ഓപ്പൺ ശൈലിയിലാണ്. 

budget-renovation-hall

നാലു പേർക്കിരിക്കാവുന്ന ചെറിയ ഊണുമേശ. സമീപം വെനീർ പാനലിങ് നൽകി ടിവി യൂണിറ്റ് ഒരുക്കി. ലളിതമായ അടുക്കള. സ്‌റ്റോറേജ് സൗകര്യത്തിനു വാഡ്രോബുകളും നൽകി.

budget-renovation-interior

കിടപ്പുമുറികളിൽ അറ്റാച്ഡ് ബാത്റൂം, വാഡ്രോബ് സൗകര്യമൊരുക്കി. ബ്ലൈൻഡ് കർട്ടനുകൾ ഇന്റീരിയറിനു ഭംഗിയേകുന്നു. 

budget-renovation-dining

ചെലവ് കുറച്ച ഘടകങ്ങൾ 

  • പഴയ ഫർണിച്ചർ പോളിഷ് പുനരുപയോഗിച്ചു
  •  ഫോൾസ് സീലിങ് ചെയ്യാതെ ലൈറ്റ് പോയിന്റുകൾ നേരിട്ട് നൽകി
  • ചെലവ് കുറഞ്ഞ ടൈലുകൾ ഉപയോഗിച്ചു
  • പരമാവധി സ്ഥലലഭ്യത നൽകി 
renovated-elevation

ക്രോസ്സ് വെന്റിലേഷൻ നൽകിയ അകത്തളങ്ങളിൽ ചൂട് വളരെ കുറവാണ്. ചുരുക്കത്തിൽ ഗിമ്മിക്കുകൾ കാട്ടാതെ ഓരോ ഇടത്തിനും ഉപയുക്തത നൽകി ഇന്റീരിയർ ഒരുക്കിയതാണ് പുതുക്കിപ്പണി 10 ലക്ഷത്തിൽ ഒതുക്കാൻ സഹായിച്ചത്.

renovated-face-malappuram-view

ചിത്രങ്ങൾ- അജീബ് കൊമാച്ചി

Project Facts

Location- Munduparamba, Malappuram

Plot- 10 cent

Area- 2000 SFT

Owner- Noushad

Designer- Riyas Cherayyakudh

Covo Architecture Studio, Malappuram

Completion year- 2017

Budget- 10 Lakh

നിങ്ങളുടെ വീട് മനോരമ ഓൺലൈനിൽ പ്രസിദ്ധീകരിച്ചു കാണാൻ ആഗ്രഹമുണ്ടോ? നല്ല ചിത്രങ്ങളും ചെറുവിവരണവും മൊബൈൽ നമ്പറും സഹിതം customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരൂ.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.