Manoramaonline.com no longer supports Internet Explorer 8 or earlier. Please upgrade your browser.  Learn more »

കടുംനിറങ്ങളുടെ ആഘോഷമില്ല, എങ്കിലും സൂപ്പറാണ് ഈ ഫ്ലാറ്റ്

elegant-flat-inside പൊസീറ്റീവ് എനർജി പകർന്നു തരുന്ന ലളിതമായ അകത്തളങ്ങളാണ് ഈ ഫ്ലാറ്റിന്റെ ഹൈലൈറ്റ്.

കോഴിക്കോട് നടക്കാവിലാണ് ഈ ഫ്ലാറ്റ്. കടുംനിറങ്ങളോ ഗിമ്മിക്കുകളോ ഇല്ലാത്ത ഫങ്ഷണൽ ആയ, പോസിറ്റിവ് എനർജി പകർന്നു നൽകുന്ന ഒരു ഫ്ലാറ്റ് വേണം എന്നതായിരുന്നു ഉടമസ്ഥന്റെ ആവശ്യം. ഇതനുസരിച്ചാണ് ഫ്ലാറ്റ് ഡിസൈൻ ചെയ്തത്. മൂന്ന് കിടപ്പുമുറികളുള്ള ഫ്ലാറ്റിന് 1650 ചതുരശ്രയടിയാണ് വിസ്തീർണം.

elegant-flat-calicut-living

ഓപ്പൺ ശൈലിയിലാണ് അകത്തളങ്ങൾ. അതിനാൽ കൂടുതൽ വിശാലത തോന്നിക്കുന്നുണ്ട്. വാതിൽ തുറന്നകത്ത് കയറുമ്പോൾ വശത്തായി ഫോർമൽ ലിവിങ്. ഇതിനു എതിർവശത്തായി ടിവി യൂണിറ്റ് നൽകി ഫാമിലി ലിവിങ്. ഗ്ലാസില്ലാത്ത വിൻഡോ പാർടീഷനാണ് ഇവിടെ നൽകിയത്.

elegant-flat-calicut-hall

ലളിതമായ അകത്തളങ്ങൾ. കടുംനിറങ്ങളുടെ മേളമൊന്നും അകത്ത് കാണാനില്ല. വൈറ്റ്+ വുഡൻ നിറങ്ങളാണ് തീം ആയി തിരഞ്ഞെടുത്തത്. 

elegant-flat-calicut-dining

ഊണുമേശ, സോഫ തുടങ്ങിയവ ടീക് വുഡ് കൊണ്ടാണ് നിർമിച്ചത്. ബാക്കി ഫർണിഷിങ്ങിൽ പ്ലൈ+ വെനീർ ഉപയോഗിച്ചു. ഫർണിച്ചറിൽ പ്ലാനിലാക് ഗ്ലാസും നൽകിയത് ശ്രദ്ധേയമാണ്.

elegant-flat-calicut-counter

ആറുപേർക്കിരുന്നു ഭക്ഷണം കഴിക്കാൻ പാകത്തിൽ ഊണുമേശ. സമീപം അടുക്കളയിലേക്ക് ഒരു സർവീസ് വിൻഡോയും നൽകിയിട്ടുണ്ട്. ഇവിടെ തൂക്കുവിളക്കുകളും ക്യൂരിയോസും നൽകിയിട്ടുണ്ട്.  മറൈൻ പ്ലൈ+ ലാമിനേറ്റ് ഫിനിഷിലാണ് അടുക്കള. കലിംഗ സ്‌റ്റോൺ ആണ് പാതകത്തിനു നൽകിയത്. 

elegant-flat-calicut-kitchen

അത്യാവശ്യ സൗകര്യങ്ങൾ ഉള്ള കിടപ്പുമുറികൾ. പരമാവധി സ്‌റ്റോറേജിനുള്ള അവസരങ്ങൾ നൽകിയിട്ടുണ്ട്. അറ്റാച്ഡ് ബാത്റൂം, ഡ്രസിങ് സ്‌പേസ്, വാഡ്രോബ് എന്നിവ നൽകിയിട്ടുണ്ട്.

elegant-flat-calicut-bed

ബിസിനസുകാരനായ ഗൃഹനാഥനായി ഒരു ഓഫിസ് മുറിയും സജ്ജീകരിച്ചിട്ടുണ്ട്. ഡിസൈനിങ്ങിന്റെ എല്ലാ ഘട്ടത്തിലും ഉടമസ്ഥന്റെ സഹായസഹകരണങ്ങൾ ഉണ്ടായതും ഗുണകരമായി എന്ന് ഡിസൈനർ പറയുന്നു. 

ചിത്രങ്ങൾ- അജീബ് കൊമാച്ചി

Project Facts

Location- Nadakkavu, Calicut

Area- 1650 SFT

Owner- Mujeeb

Design- Euro Interiors, Eranjippalam

Mob- 9562000089

Completion year- 2017