Manoramaonline.com no longer supports Internet Explorer 8 or earlier. Please upgrade your browser.  Learn more »

35 ലക്ഷം രൂപയ്ക്ക് സൂപ്പർ വീട്!

35-lakh-home-calicut കണ്ണിൽ കുത്തിക്കയറുന്ന നിറങ്ങൾ അധികമൊന്നും അകത്തളങ്ങളിൽ നൽകിയിട്ടില്ല. ഫോൾസ് സീലിങ് പോലെയുള്ള ഗിമ്മിക്കുകൾ ഒഴിവാക്കിയത് ചെലവ് കുറയ്ക്കാനും സഹായിച്ചു.

കോഴിക്കോട് കിനാശേരിയിൽ 10 സെന്റ് പ്ലോട്ടിൽ 3000 ചതുരശ്രയടിയിലാണ് ഈ വീട് നിർമിച്ചിരിക്കുന്നത്. പെട്ടെന്ന് വിരസമാകാത്ത പുറംകാഴ്ചയും അകത്തളങ്ങളും വേണം എന്നതായിരുന്നു ഉടമസ്ഥന്റെ ഡിമാൻഡ്. ഇതിനനുസൃതമായാണ് വീട് ഡിസൈൻ ചെയ്തിരിക്കുന്നത്. എലിവേഷനിലെ കണ്ണുടക്കുന്നത് മേൽക്കൂരയിലും സ്റ്റോൺ ക്ലാഡിങ് നൽകിയ ചുവരിലേക്കുമാണ്. പക്കാ സ്ലോപ് ആക്കാതെ പ്രൊജക്ഷനുകൾ നൽകിയാണ് റൂഫ് ഡിസൈൻ ചെയ്തത്.  കാറ്റും വെളിച്ചവും കടക്കാനായി വെർട്ടിക്കൽ സ്‌കൈലൈറ്റുകൾ ഭിത്തികളിൽ നൽകിയത് ശ്രദ്ധേയമാണ്.

ഓരോ ഇടങ്ങൾക്കും വേർതിരിവ് നൽകിയിരിക്കുന്നു എന്നതാണ് ഇന്റീരിയറിലെ സവിശേഷത. പരമാവധി സ്ഥലഉപയുക്തത നൽകാനും ശ്രദ്ധിച്ചിട്ടുണ്ട്.

35-lakh-home-living

ലളിതമായ സ്വീകരണമുറി. ഇവിടെ മുകളിൽ ഡബിൾ ഹൈറ്റിൽ സ്‌കൈലൈറ്റ് നൽകി. പ്ലൈവുഡ്, വെനീർ ഫിനിഷിലാണ് ഫർണിഷിങ് ചെയ്തിരിക്കുന്നത്. മാർബൊനൈറ്റ് ടൈലുകളാണ് ഫ്ലോറിങ്ങിനു ഉപയോഗിച്ചിരിക്കുന്നത്. ഗോവണിയുടെ കൈവരികളിൽ തടിയും ടഫൻഡ് ഗ്ലാസും ഹാജർ വയ്ക്കുന്നു. ആറുപേർക്കിരുന്നു ഭക്ഷണം കഴിക്കാൻ പാകത്തിൽ ഊണുമേശ.

35-lakh-home-dining

മുകളിലെ ബാൽക്കണിയിലേക്ക് ഒരു ചെറിയ കണക്‌ഷൻ ബ്രിഡ്ജ് നൽകിയിട്ടുണ്ട്. ബാൽക്കണിയിൽ ഗ്ലാസ് പർഗോള റൂഫ് നൽകി. ഗോവണിയുടെ താഴെ കോമൺ ബാത്‌റൂം ക്രമീകരിച്ചു.

35-lakh-home-balcony

അഞ്ചു കിടപ്പുമുറികളാണ് വീട്ടിൽ. താഴെ മൂന്നും മുകളിൽ രണ്ടും. സ്റ്റോറേജിന്‌ പ്രാധാന്യം നൽകിയാണ് കിടപ്പുമുറികൾ ഒരുക്കിയത്. അറ്റാച്ഡ് ബാത്റൂമുകളും നൽകിയിട്ടുണ്ട്. വാഡ്രോബുകൾ ഇന്റീരിയർ തീം അനുസരിച്ച് നിർമിച്ചെടുത്തവയാണ്. 

35-lakh-home-bed
35-lakh-home-stair

പ്ലൈവുഡ് കൊണ്ടാണ് അടുക്കളയുടെ കബോർഡുകൾ നിർമിച്ചത്. പാതകത്തിനു ഗ്രാനൈറ്റ് വിരിച്ചു. സമീപം വർക്ക് ഏരിയയുമുണ്ട്.

35-lakh-home-kitchen

വാം ടോൺ പ്രകാശം ചൊരിയുന്ന തൂക്കുവിളക്കുകൾ അകത്തളങ്ങളുടെ ഭംഗി വർധിപ്പിക്കുന്നു. കണ്ണിൽ കുത്തിക്കയറുന്ന നിറങ്ങൾ അധികമൊന്നും അകത്തളങ്ങളിൽ നൽകിയിട്ടില്ല. ഫോൾസ് സീലിങ് പോലെയുള്ള ഗിമ്മിക്കുകൾ ഒഴിവാക്കിയത് ചെലവ് കുറയ്ക്കാനും സഹായിച്ചു. സ്ട്രക്ച്ചറും ഇന്റീരിയറും അടക്കം 35 ലക്ഷം രൂപയാണ് വീടിനു ചെലവായത്.  

35-lakh-home-elevation

ചിത്രങ്ങൾ- അജീബ് കൊമാച്ചി

Project Facts

Location- Kinasseri, Calicut

Area- 3000 SFT

Plot- 10 cent

Owner- Gafoor

Designer- Hidayathulla

Design Arc Architecture Studio, Malappuram

Mob- 9846045109