Manoramaonline.com no longer supports Internet Explorer 8 or earlier. Please upgrade your browser.  Learn more »

ചെറിയ സ്ഥലത്തും വലിയ സ്വപ്നങ്ങൾ കാണാം! പ്ലാൻ

cheruvanur-house-night സ്ഥലപരിമിതിയെ അപ്രസക്തമാക്കുന്ന ഡിസൈനാണ് ഈ വീടിന്റെ സവിശേഷത...

ബിസിനസുകാരനായ അഷ്റഫിന് വീടിനെക്കുറിച്ച് കുറെ സങ്കൽപ്പങ്ങൾ ഉണ്ടായിരുന്നു. സമകാലിക ശൈലി വേണം, അഞ്ചു കിടപ്പുമുറികൾ വേണം, വിശാലമായ അകത്തളങ്ങൾ വേണം...എന്നിങ്ങനെ...എന്നാൽ ആകെയുള്ളത് കൃത്യമായ ആകൃതിയില്ലാത്ത ഏഴര സെന്റ് പ്ലോട്ടായിരുന്നു. സ്ഥലപരിമിതിയുടെ വെല്ലുവിളികളെ മറികടന്നു ഈ വീട് പണിതുനൽകിയത് ഡിസൈനർ ഷാഫി മാളിയേക്കലാണ്.

കോഴിക്കോട് ചെറുവന്നൂരിൽ 7.5 സെന്റിൽ 2500 ചതുരശ്രയടിയിലാണ് ഈ വീട് നിർമിച്ചത്. സമകാലിക ശൈലിയിൽ ബോക്സ് ആകൃതിയിലാണ് എലിവേഷൻ. ചെറിയ പ്ലോട്ടിൽ പരമാവധി സ്ഥല ഉപയുക്തത നൽകിയാണ് വീട് രൂപകൽപന ചെയ്തത്. പോർച്ച് നൽകിയിട്ടില്ല. ചെറിയ മുറ്റം നാച്വറൽ സ്റ്റോണും ഗ്രാസും വിരിച്ചു ഭംഗിയാക്കിയിട്ടുണ്ട്. 

cheruvanur-house-exterior

ലിവിങ്, ഡൈനിങ്, കിച്ചൻ, അഞ്ചു കിടപ്പുമുറികൾ എന്നിവയാണ് പ്രധാനമായും ഒരുക്കിയിരിക്കുന്നത്. ഫർണിച്ചറുകൾ മിക്കവയും ഇന്റീരിയർ തീം അനുസരിച്ച് ഡിസൈൻ ചെയ്തെടുത്തവയാണ്. പ്ലൈവുഡ്, വെനീർ ഫിനിഷിലാണ് ഫർണിഷിങ്. മാർബിളാണ് നിലത്തു വിരിച്ചിരിക്കുന്നത്.  

cheruvanur-house-living

C ഷേപ്പിലുള്ള സോഫ യൂണിറ്റാണ് സ്വീകരണമുറി അലങ്കരിക്കുന്നത്. ജിപ്സം, വെനീർ ഫിനിഷിൽ ഫോൾസ് സീലിങ് നൽകി വാം ടോൺ ലൈറ്റുകൾ നൽകിയതോടെ അകത്തളങ്ങളിൽ പ്രസന്നമായ അന്തരീക്ഷം നിറയുന്നു.

cheruvanur-house-dine

ഒരുവശത്ത് ബെഞ്ച് നൽകിയാണ് ഊണുമേശയുടെ ഡിസൈൻ. ഊണുമുറിയിൽ വുഡൻ ഫ്ളോറിങ് നൽകി വേർതിരിച്ചിട്ടുണ്ട്. വെട്ടുകല്ലിന്റെ ക്ലാഡിങ് ഭിത്തിയിൽ പാകിയാണ് വാഷ് ഏരിയ വേർതിരിച്ചത്. 

cheruvanur-house-dining
cheruvanur-house-stair

വുഡ്, ടഫൻഡ് ഗ്ലാസ് ഫിനിഷിലാണ് ഗോവണിയും കൈവരികളും. ഗോവണി കയറിച്ചെല്ലുന്നത് അപ്പർ ലിവിങ്ങിലേക്കാണ്. ഇവിടെയും വോൾപേപ്പർ ഒട്ടിച്ച് വേർതിരിച്ചിട്ടുണ്ട്.

cheruvanur-house-upper

സ്‌റ്റോറേജിന്‌ പ്രാധാന്യം നൽകിയാണ് അഞ്ചു കിടപ്പുമുറികളും. ഫ്ലോർ ടു സീലിങ് വാഡ്രോബുകളും ഇവിടെ നൽകിയിരിക്കുന്നു. ഓരോ മുറികളുടെയും ഹെഡ്ബോർഡ് വോൾപേപ്പർ ഒട്ടിച്ചു ഭംഗിയാക്കിയിട്ടുണ്ട്.

cheruvanur-house-bed

പ്ലൈവുഡിൽ യുവി പാനൽ ഷീറ്റ് വിരിച്ചാണ് അടുക്കളയുടെ കബോർഡുകളും ഷട്ടറുകളും ഒരുക്കിയത്. ഗ്രാനൈറ്റാണ് കൗണ്ടറിൽ വിരിച്ചത്. ബിൽറ്റ് ഇൻ അവ്ൻ, ഫ്രിഡ്ജ് സൗകര്യവും നൽകി.

cheruvanur-house-kitchen

ഫലപ്രദമായി ഡിസൈൻ ചെയ്താൽ സ്ഥലപരിമിതി സ്വപ്നഭവങ്ങൾക്ക് തടസമല്ല എന്ന് തെളിയിക്കുകയാണ് ഈ വീട്.

ചിത്രങ്ങൾ - അജീബ് കൊമാച്ചി

Project Facts

Location- Cheruvannur, Calicut

Plot- 7.5 cent

Area- 2500 SFT

Owner- Ashraf

Designer- Shafi Maliyekkal 

Fine-Spum Architecture+ Interior, Calicut 

Mob- 9567718132, 9847292992

COmpletion year- 2018